इब्रानी 13:4 - गढवली नयो नियम

⁴ ब्यो सभियूं मा आदर की बात समझी जौं, अर हमेशा आदिम अर वेकी जनन एक दुसरा का प्रति ईमानदार बणयां रावा; किलैकि पिता परमेश्वर व्यभिचारियों, अर परस्त्रीगामियों कु न्याय करलो।

Garhwali

⁴ ब्यौ सब लोगु का बीच मा आदर की बात समझै जौ, अर पति अर पत्‍नी एक-दुसरा खुणि वफादार रा, किलैकि परमेस्वर गळत सम्बन्ध रखण वळा लोगु तैं, अर एक बैख या जनानि पर गळत नजर रखण वळो तैं जरुर दण्ड द्‍यालु।

इब्रानी 13:4 Referans Kwoze

गलातियों 5:19

देह का पाप का काम कुई भि देखि सकद, मतलब व्यभिचार, गंदा काम, लुचपन,

गलातियों 5:21

एक-हैंका का प्रति जलन रखदींनि, उ पियक्कड़ (नशा मा) हवे जयदींनि, उ, ऊं दावतों मा जंदींनि जख लोग अपड़ी भूख तैं अपड़ा काबू मा नि रखि सकदींनि, अर उ इन कै दुसरा सभि बुरा काम करदींनि। मि तुम तैं चितांणु छो जु मिल तुम तैं पैली भि चितै छो, कि इन-इन कामों तैं कन वला पिता परमेश्वर का राज्य का वारिस नि होला।

1 कुरिन्थि 6:9

तुम त मालूम च, कि अन्य्यों कन वला लोग पिता परमेश्वर का राज्य मा वारिस नि होला; कुई भि तुम तैं धोखा द्ये के यु सुचण पर मजबूर नि कैरी द्यो, कि तुम बुरा कामों तैं भि करीला तौ भि पिता परमेश्वर का लुखुं मा एक बणयां रैल्या, न वेश्यागामी, न मूर्ति पुजण वला, न परस्त्रीगामी, न लुच्चा, न पुरुषगामी।

1 कुरिन्थि 5:13

पर जु लोग विश्वासी नि छिनी ऊंको न्याय पिता परमेश्वर करदो। पर जन परमेश्वर का वचन मा लिख्युं च, वे अनैतिक आदिम तैं अपड़ी मण्डलि का दगड़ी नि जुड़ण द्या।

इफिसुस 5:5

किलैकि तुम अच्छा से जंणदा छा, कि कै व्यभिचारी, य अशुद्ध मनिख (जै मा दुष्टात्मा हो) य लोभि मनिख, एक मूर्तिपूजा कन वला का बराबर हूंद, जु ईं दुनिया का चीजों कि आराधना करदां, अर कभि भि मसीह अर पिता परमेश्वर का राज्य हिस्सा नि बंणला।

1 तीमुथियुस 3:12

सेवक लोग एक ही जनन का वफादार आदिम हूंनु, अर अपड़ा बाल-बच्चों कु अर अपड़ा परिवार का सभि लुखुं को अच्छो प्रबंध कन जंणदा हूंनु।

1 तीमुथियुस 3:4

वे तैं अपड़ा परिवार कु मार्गदर्शन कन मा सक्षम हूंण चयणु च, अर उ अपड़ा बाल-बच्चों तैं सिखांण चयणु च कि उ हर बात मा वेकी आज्ञाओं कु पालन कैरो।

1 कुरिन्थि 7:38

त जु अणबिवाक नौंनि कु ब्यो करद, त उ ठिक करद अर जु ब्यो नि करद, उ भि ठिक करद।

दिब्य दरस 22:15

पर उ जु बुरा काम करदींनि, टूणा, व्यभिचारी, हत्यारा, मूर्ति पुजण वला, हर एक झूठ तैं चांण वला अर उ जु झूठ बुल्दींनि, उ कभी भि शहर मा प्रवेश नि कैर सकदींनि।

तीतुस 1:6

अगुवा तैं निर्दोष हूंण चयणु च, अर अपड़ी जनन का प्रति वफादार, जौं का नौंना बाला विश्वासी हूंनु, अर देह की इच्छाओं पर नि चलणवला, पर ब्वे-बुबा को आदर कन वलो हो।

1 तीमुथियुस 5:14

इलै मि इन चांदु कि जवान विधवा ब्यो कैरो अर बच्चों तैं जन्म दयूंनु अर घरबार संभलुन अर कै शैतान तैं बुरै कनु को मौका नि दयूंनु।

1 तीमुथियुस 4:3

यु लोग सिखौंदींनि, कि ब्यो कन गलत च, अर खांण वलि कुछ चिज्युं बट्टी भि दूर रौंणे कि आज्ञा द्याला; जौं चिज्युं तैं परमेश्वर इलै बणै कि जु लोग विश्वास करदींनि अर जु सच तैं पछयंणदींनि उ धन्यवाद का दगड़ी खौनु।

2 कुरिन्थि 5:10

किलैकि जरूरी च, कि हम सभियूं कु मसीह का द्वारा न्याय आसण पर बैठण का द्वारा न्याय किये जौं, कि हर एक आदिम अपड़ा-अपड़ा भला बुरा कामों का बदला जु वेल देह का द्वारा कैरी हूंनु, पौ।

1 कुरिन्थि 9:5

किलैकि हैंका प्रेरित अर प्रभु का भैय याकूब, यहूदा अर पतरस (कैफा) जब उ यात्रा करदींनि त उ अफ दगड़ी अपड़ी विश्वासी जननों तैं भि ली जयदींनि, त मि मा भि यु अधिकार च,

1 तीमुथियुस 3:2

इलै जरूरी च, कि अध्यक्षों तैं निर्दोष हूंण चयणु च, अर वेकी एक ही जनन हो, अर सब्र रखण वलो, समझदार, इज्जतदार, अर खातिरदारि कन वलो, अर पिता परमेश्वर का वचन तैं सिखांण म निपुण हो।

इब्रानी 12:16

इन नि हो, कि कुई आदिम व्यभिचारी, या अब्राहम का नाति, एसाव जन दुष्ट अर अधर्मी नि हो, किलैकि उ पैलो नौंनो छो, अर वे तैं पैलो नौंनो हूंणो कु अधिकार छो; पर वेल वे अधिकार को सम्मान नि कैरी अर इलै वेल अपड़ा छुटा भैय याकूब मा एक बार का खांणु कु अपड़ो जेठो नौंनो हूंण कु सब अधिकारों तैं बेचि दींनि।

1 कुरिन्थि 6:18

व्यभिचार बट्टी बचयां रावा, मनिख्युं द्वारा किये ग्यां और पाप वेकी देह तैं उथग प्रभावित नि करद जथग यु करद, पर व्यभिचार कन वलो अपड़ी ही देह का विरुद्ध मा पाप करद।

1 थिस्सलुनीकी 4:6

कि ईं कै कुई भि अपड़ा विश्वासी भैय का विरोध मा पाप नि करो, किलैकि प्रभु यीशु ऊं तैं दण्ड दयालो जु इन सभि कामों तैं करदींनि; जन कि हम ल पैली तुम मा बोलि छो, अर चितै भि छो।