इब्रानी 12:3 - गढवली नयो नियम

³ इलै प्रभु यीशु का उदाहरणों पर ध्यान कैरा, कि अधर्मियों (पापियों) ल वे बट्टी कथग नफरत कैरी जु वे तैं सतौंदा छ; इलै तुम भि निराश हवे के साहस नि छोड़ा।

Garhwali

³ हाँ, वे ही यीशु मसीह पर अपणी नजर रखा जैन पापि लोगु की बुरी-बुरी बातों तैं सै, इलै तुम ईं बात पर विचार कैरा, ज्यां से तुम परमेस्वर पर बिस्वास करण मा कभि भि निरास नि ह्‍वा।

इब्रानी 12:3 Referans Kwoze

गलातियों 6:9

हम भला कामों तैं कन मा निराश नि हों, किलैकि जु हम कभी हार नि मांणा, त पिता परमेश्वर का अपड़ा बगत पर हम ईनाम पौला।

2 कुरिन्थि 4:16

इलै हम हिम्मत नि छुडदियां; जबकि हमारो भैरो कु मनुष्यत्व नाश भि हवे जांद, तब भि हमारी आत्मा हर दिन नई हूंदी जांदी।

दिब्य दरस 2:3

अर तिल धीरज से दुखों तैं सै किलैकि तू मि पर विश्वास करदी अर तिल कभी हार नि मांणी।

1 कुरिन्थि 15:58

इलै हे विश्वासी भयों, अपड़ा विश्वास मा मजबूत रावा अर गलत शिक्षाओं का द्वारा नि भटका, प्रभु कु जु काम तुम कना छा वेमा हमेशा बढ़णा रावा, अर यु जांणा, कि जु कुछ भि तुम प्रभु कु करीला वेको ईनाम तुम तैं जरुर मिललो।

इब्रानी 12:2

अर विश्वास का बनांण वला पिता परमेश्वर अर सिद्ध कन वला प्रभु यीशु की तरपां दिखदी रा; जैल उ आनन्द जु वेका भविष्य कु रख्युं छो, बेजती की कुछ चिन्ता नि कैरी, अर सूली को दुःख सै; अर उ इलै मोरि कि स्वर्ग मा महिमामय पिता परमेश्वर का दैंणा विराजमान हवे जु।

इब्रानी 3:1

इलै हे विश्वासी भयों, जु पिता परमेश्वर बट्टी जुड़यांं प्रेरित छा, तुम जु स्वर्ग मा पिता परमेश्वर का दगड़ी कठ्ठा हूंणु कु बुलै ग्यां, मसीह यीशु पर ध्यान द्या, जु हम कु पिता परमेश्वर कु शुभ संदेश कु दूत अर महायाजक च।

2 कुरिन्थि 4:1

इलै जब हम पर इन दया हवे, कि पिता परमेश्वर का शुभ संदेश कु प्रचार कने की सेवकाई कैरा, त हम हिम्मत नि छुड़दियां।

यूहन्ना 5:16

यु कारण यहूदी अगुवा यीशु तैं सतौण लगि गैनी किलैकि उ इन-इन काम यहूदियों कु विश्राम कु दिन जु परमेश्वर को पवित्र दिन च करदु छो।

इब्रानी 12:5

अर पिता परमेश्वर तुम तैं बच्चों का रूप मा जु उत्साह उपदेश दींद तुम वे तैं भूली ग्यां; “हे मेरा नौंना, जब पिता परमेश्वर तुम तैं एहसास दिलांद कि तुम ल कुछ गलत कैरी त यु तैं हल्की बात नि समझ” अर जब पिता परमेश्वर त्वे तैं डांटो, त हिम्मत नि छोड़ी।

लूका 14:1

फिर यीशु यहूदियों का विश्राम का दिन जु परमेश्वर कु पवित्र दिन च फरीसियों कु सरदारों मा बट्टी कैका घौर मा खांणु कु गै अर यीशु की गलती खुजांणु कु फरीसियों ल ध्यान से दिखण लगि गै।

2 थिस्सलुनीकी 3:13

हे विश्वासी भयों, तुम भलै का काम कन मा कभी भि निराश नि व।

यूहन्ना 18:22

जब यीशु ल इन बोलि त मन्दिर का रखवलों मा बट्टी एक ल जु संमणी खड़ो छों यीशु पर छकड़ मारि के बोलि, क्य तु महायाजक तैं इन कै जवाब दींणि छै?

यूहन्ना 8:52

यहूदियों का अगुवों ल वेमा बोलि, अब हम ल जांणयाली कि त्वे मा दुष्टात्मा च अब्राहम मोरि गै अर परमेश्वर का तरपां बट्टी बुल्ण वला भि मोरि गैनी अर तु बुल्णी छै जु कुई मेरा वचन कु पालन करलो त उ अनन्तकाल तक नि मरिल्या।

यूहन्ना 8:59

तब ऊंल यीशु तैं मरणु कु ढुंगा उठैनि पर यीशु छिपी कै यरूशलेम शहर का मन्दिर बट्टी निकली गै।

यूहन्ना 8:13

फरीसियों ल वेमा बोलि, किलैकि तु भस अपड़ी ही प्रशंसा करदु छै।

यूहन्ना 7:12

अर लुखुं का बीच यीशु का बारा मा चुप चुपिके भौत सी बात हवे गैनी : कुछ बुल्दा छा उ भलो मनिख च “अर कुछ बुल्दा छा न उ लुखुं तैं भरमांदु च”

लूका 16:14

फरीसी जु लोभि छा यु सभि बात सूंणि के वेको मजाक कन लगि गैनी।

लूका 15:2

पर फरीसी अर मूसा की व्यवस्था तैं सिखांण वला कुड़कड़ै कै बुल्ण लगि गैनी “यु त पापियों तैं मिल्द जुलदो च अर ऊंका दगड़ा मा खांणु भि खांदु।”

लूका 5:21

तब कई मूसा की व्यवस्था तैं सिखांण वला अर फरीसी अपड़ा मन मा विचार कन लगि गैनी कि यु मनिख इन कन कै बोलि सकदु? यु त परमेश्वर की बुरै कनु च भस परमेश्वर ही पाप माफ कैरी सकदु।

लूका 2:34

तब शमौन ल ऊं तैं आशीष दे के वेकी ब्वे मरियम मा बोलि, “उ त इस्राएल का लुखुं का घराना मा भौत लुखुं का विनाश अर उद्धार अर उ परमेश्वर की तरपां से एक चिन्ह का रूप मा भि जै गै छो, इलै भौत लोग वेको विरोध करला जैका विरोध मा बात किये जाली।”

मत्ती 22:15

तब फरीसियों ल आपस मा विचार कैरी कि यीशु तैं कैं बात मा फसां।

मत्ती 21:46

अर ऊंल वे तैं पकड़न चै पर उ लुखुं से डरिनि अर वे तैं छोड़ी के चलि गैनी किलैकि उ वे तैं परमेश्वर का तरपां बट्टी बुल्ण वलो मंणदा छा।

मत्ती 21:23

उ यरूशलेम शहर का मन्दिर मा जै के उपदेश दींणा छो त प्रधान याजक, अर दाना-सयाणों ल ऊंमा ऐ के पूछि “तु यूं कामों तैं कै अधिकार ल करदी? अर यु अधिकार दे के कैल त्वे तैं दे कि तु यु काम कैरी।”

मत्ती 15:2

तेरा चेला पुरखों कि रीति रिवाज पर किलै नि चलदिन अर बगैर हथ धुयां अर अशुद्ध हथ रुट्टि खंदींनि?

मत्ती 12:24

पर फरीसियों ल यु सूंणि के बोलि, “यु त दुष्टात्माओं का सरदार शैतान बालजबूल की मदद ल दुष्टात्माओं तैं निकलदु च।”

मत्ती 11:19

पर जब मि मनिख कु नौंनो खांदी-पींदु ऐ अर उ बुल्दींनि “देखा पेटू अर पियक्कड़ मनिख चुंगि लींण वलो अर पापियों कु दगड़िया पर एक मनिख का काम दिखाला की बुद्धिमान वलो कु च।”

यूहन्ना 9:40

जु फरीसी वेका दगड़ी छा ऊंल यु बात सूंणि के वेमा बोलि, क्य तु बुल्णी छै की हम भि अंधा छा?

यूहन्ना 10:20

ऊंमा बट्टी भौत सी लोग बुल्ण बैठी गैनी वे पर दुष्टात्मा च अर उ पागल च वेकी किलै सुणदां

1 पतरस 2:23

जब लुखुं ल यीशु को अपमान कैरी, त यीशु ल पलटी के ऊंको अपमान नि कैरी। जब लुखुं ल वे तैं दुःख द्ये, त वेल बदला मा ऊं तैं चोट पौछांणै की कोशिश नि कैरी। बल्कि, यीशु ल अपड़ी मदद कु पिता परमेश्वर पर विश्वास कैरी। उ जंणदु छो कि पिता परमेश्वर हमेशा न्यायपूर्ण ढंग से लुखुं को न्याय करद।