Biblia Todo Logo
Bib sou entènèt

- Piblisite -




इब्रानी 12:24 - गढवली नयो नियम

24 तुम यीशु मा अयां जु पिता परमेश्वर अर लुखुं तैं जुड़ण वली नई प्रतिज्ञा, अर छिड़कौ का वे ल्वे मा, जु हाबिल का ल्वे जन न्याय कु रूण का बजाय माफी की बात करद।

Gade chapit la Kopi

Garhwali

24 अर अब तुम यीशु का पास अयां छाँ, जु कि परमेस्वर अर लोगु का बीच नयू करार को बिचलु च, अर वेका बलिदान मा बुगयां ल्वे से मनखियों तैं पापों से माफी मिलदी, जब कि हाबिल की हत्या मा बुगयूं ल्वे दण्ड की मांग करदु।

Gade chapit la Kopi




इब्रानी 12:24
24 Referans Kwoze  

इलै ही मसीह ल लुखुं का दगड़ी जुड़ण वली एक नई प्रतिज्ञा तैं बांधि, कि उ लोग जु पिता परमेश्वर का द्वारा बुलै गै छा, ऊं अनन्त आशीषों तैं पै साका जौको वादा पिता परमेश्वर ल कैरी छो; यु इलै हवे सकद किलैकि मसीह ऊं तैं ऊंका पापों का दण्ड बट्टी छुडांणु कु मरै गै जु ऊंल पैली वाचा का अधीन रै के कैरी छो।


विश्वास बट्टी ही मूसा ल इस्राएली लुखुं तैं द्वार का मोर-संगाड पर चिनखो कु ल्वे लगांण कु अर फसह कु त्यौहार मनांणै की आज्ञा द्ये, कि पैली संतान तैं नाश कन वलो दूत, इस्राएल की पैली संतान तैं छवे भि नि साकी।


विश्वास ही का कारण आदम का नौंना हाबिल ल अपड़ा बड़ा भैय कैन से बढ़िया बलिदान पिता परमेश्वर कु चढै; अर वीं भेट का द्वारा पिता परमेश्वर ल हाबिल तैं एक धर्मी का रूप मा स्वीकार कैरी; पिता परमेश्वर वेका बलिदान बट्टी खुश छो, हाबिल अपड़ी मौत का बाद भि, हम तैं सिखै गै कि विश्वास कन हूंण चयणु च।


पर जु याजक की सेवा कु काम हमारा महायाजक यीशु मसीह तैं मिली, उ वे काम से कई जादा बड़ो च जु दुसरा याजकों तैं दिये गै छो, किलैकि यीशु उ ही च जु नई प्रतिज्ञा का आधार पर, पिता परमेश्वर का संमणी हम कु एक भौत उत्तम वाचा तैं जुड़ण वलो च।


किलैकि भस एक ही पिता परमेश्वर च अर वेका अर मनिख्युं का बीच मा भि भस एक ही जुड़ण वलो च, यानि मसीह यीशु जु कि मनिख का रूप मा पैदा हवे।


किलैकि या प्राण कु मेरू ल्वे च जु भौतों का पापों का माफी की नई प्रतिज्ञा कु बुगाये जांदी।


ज्यां बट्टी धर्मी हाबिल से ले के बिरिक्याह का नौंना जकर्याह तक जै तैं तुम ल परमेश्वर बट्टी यरूशलेम शहर का मन्दिर अर वेदी का बीच मा ल्वे बुगै के मारि डालेल छो सभि धर्मी लुखुं की हत्या धरती मा कैरी उ सब तुम तैं भंगारी ठैरे जाला।


ईं रीति बट्टी यीशु ल खांणु का बाद अंगूरों कु रस कु कटोरा लै, अर यीशु ल चेलों कु बोलि, “यु अंगूरों को रस मेरू ल्वे च मेरू ल्वे भौत सा लुखुं कु बलिदान का रूप मा बुगै जांदु जु तुम कु नई प्रतिज्ञा च।”


पिता परमेश्वर ल भौत पैली ही तुम तैं अपड़ा लोग हूंणु कु अर पवित्र आत्मा का काम का द्वारा तुम तैं पवित्र कनु कु चुणि। वेल इन इलै कैरी कि तुम यीशु मसीह की आज्ञाओं तैं मंणिला अर वेका ल्वे बट्टी शुद्ध हवे सकिला। मि प्रार्थना करदु कि पिता परमेश्वर तुम तैं कृपा अर पूरी शान्ति दयालो।


त आवा हम; मसीह का ल्वे बट्टी छिड़कौ का द्वारा हमारा हृदय का अपराधों तैं दूर कैरा अर अपड़ा देह तैं शुद्ध पांणी बट्टी धवा जैका द्वारा हम तैयार किये जांदा; इलै अब आवा, चला हम सच्चा हृदय अर मजबूत विश्वास का दगड़ी पिता परमेश्वर का नजदीक जां।


अर ईं रीति ल ही मूसा ल मिलाप वला तम्बू अर आराधना की सेवा का सैरा सामान पर ल्वे छिड़की।


अर अब, शान्ति दींणवलों पिता परमेश्वर, जु हमारा प्रभु यीशु तैं मुर्दों मा बट्टी फिर ज्यूँदो कैरी के ले ऐ, तुम तैं ऊं सभि चीजों बट्टी पूरो कैरो ज्यांकी तुम तैं वेकी इच्छा पूरी कनै की जरूरत च; यीशु मसीह का ल्वे का सामर्थ का द्वारा उ तुम मा उ सभि पैदा कैरो जु वे तैं खुश करदो; यीशु हमेशा की वाचा का द्वारा ढिबरों कु एक महान चरवाहा बंणि गै, जैका द्वारा हमेशा की नई प्रतिज्ञा पर मोहर लगै जांद; वेकी महिमा हमेशा-हमेशा तक हूंदी रौ। आमीन।


इलै यीशु उ च जु हम तैं नई प्रतिज्ञा की आस दींद।


हाबिल कि हत्या का ल्वे से ले के जकर्याह परमेश्वर का तरपां बट्टी बुल्ण वला कि हत्या तक जु बेदि अर यरूशलेम शहर का मन्दिर का बीच मा घात किये गैनी मि तुम मा सच बुल्णु छौं ऊंकु लेखा ये ही बगत का लुखुं बट्टी लिये जालो।


अर यीशु ल चेलों कु बोलि, “यु अंगूरों कु रस मेरू ल्वे च जु भौत सी लुखुं कु बलिदान का रूप मा बुगै जांद यु नई प्रतिज्ञा कु एक चिन्ह च जु परमेश्वर अपड़ा लुखुं कु कनु च।”


पर पिता परमेश्वर लुखुं पर भंगार लगै के बुल्द, “प्रभु बुल्द, देखा उ दिन औंदींनि, कि मि इस्राएल का लुखुं का दगड़ी, अर यहूदा का लुखुं का दगड़ी, मि एक नई प्रतिज्ञा बन्धुलु


जब द्वी लुखुं का बीच समझौता हूंद, तब जुड़ण वले की जरूरत हूंद। पर पिता परमेश्वर एक ही च, अर जब वेल अब्राहम बट्टी वादा कैरी त ऊंका बीच मा कुई भि जुड़ण वलो नि छों।


पिता परमेश्वर ल यु तैं एक नई प्रतिज्ञा बोलि, इलै वेल पैली वाचा तैं पुरणों कैरी; अर जु कुछ भि पुरणों छो अर घिसयूँ-पिटयूँ छो उ लुप्त हूंणु कु तैयार च।


सबसे पैली, मूसा ल सब लुखुं तैं व्यवस्था की हर आज्ञा का बारा मा बतै; यांका बाद वेल बछड़ों कु ल्वे ले अर वे तैं पांणी मा मिलै; फिर वेल यु तैं व्यवस्था की किताब (चाम्रपत्र) अर सभि लुखुं पर छिड़कणु कु लाल ऊंन अर जूफा नौं का डाला का फौंको कु इस्तेमाल कैरी।


Swiv nou:

Piblisite


Piblisite