इब्रानी 12:2 - गढवली नयो नियम

² अर विश्वास का बनांण वला पिता परमेश्वर अर सिद्ध कन वला प्रभु यीशु की तरपां दिखदी रा; जैल उ आनन्द जु वेका भविष्य कु रख्युं छो, बेजती की कुछ चिन्ता नि कैरी, अर सूली को दुःख सै; अर उ इलै मोरि कि स्वर्ग मा महिमामय पिता परमेश्वर का दैंणा विराजमान हवे जु।

Garhwali

² अर जन एक खिलाड़ी दौड़ मा अपणी नजर जीत की आखिरी रेखा पर टिकै के रखदु, ठिक उन्‍नि हम भि यीशु मसीह पर अपणी नजर रखा, अर वेका पिछनै चला, अर वे बटि सीखा कि हमतै परमेस्वर पर कनकै पूरु बिस्वास बणै के रखण चयेणु। हाँ, किलैकि यीशु न वीं खुशी तैं ज्वा कि वेतैं मिलण वळी छै, वींका समणि क्रूस को दुख अर होण वळी बेजती तैं कुछ भि नि समझि, अर अब वु परमेस्वर की राजगद्‍दी की दैंणी तरफा बड़ा आदर-सम्मान का साथ बैठयूं च।

इब्रानी 12:2 Referans Kwoze

1 पतरस 3:18

मि यु बुल्दो किलैकि मसीह ल भि हमारा पापों का कारण दुःख सै अर मोरि गै। उ भस एक बार मोरि अर दुबरा वे तैं मुरणै की जरूरत नि च। उ एक धर्मी आदिम छो जु पापी लुखुं कु मोरि की उ हम तैं पिता परमेश्वर मा लै साको। ऊंल वेकी देह तैं मारि दींनि पर वे तैं पवित्र आत्मा की सामर्थ बट्टी दुबरा ज्यूँदो किये गै।

इब्रानी 1:3

नौंनो ही पिता परमेश्वर की महिमा कु प्रकाश च, अर वेमा हम देख सकदा कि पिता परमेश्वर कन च, अपड़ा सामर्थी वचनों का द्वारा, उ वे सब तैं जु वेल बणै संभलदो; वेल लुखुं तैं ऊंका पापों बट्टी शुद्ध कैरी, अर वांका बाद स्वर्ग मा महिमामय पिता परमेश्वर का दैंणा विराजमान हवे।

इफिसुस 5:2

मसीह का उदाहरण का अनुसरण करद ही, दुसरा का प्रति प्रेम बट्टी भुर्युं जीवन बितावा, जैल तुम बट्टी प्रेम कैरी अर तुमारा पापों तैं उठाणै कु अफ तैं बलिदान कैरी, अर परमेश्वर खुश इलै छों, किलैकि उ बलिदान वेकु खुशबुदार इत्र का जन छों।

फिलिप्पी 1:6

मि तैं ईं बात कु पूरो भरोसो च, कि पिता परमेश्वर ल तुम मा भलो काम कन शुरू कैरी, उ ही वे काम तैं मसीह यीशु का औंणा का दिन तक पूरो भि करलो।

इब्रानी 9:28

उन ही के, मसीह भि भस एक बार बलि चढ़ै गै कि उ सभि लुखुं का पापों तैं दूर कैरी के उद्धार करलो; जब उ दुबरा आलो तब उ पाप कु बलिदान हूंणु कु न बल्कि ऊं तैं बचांणु कु ऐ जु वेको जग्वाल कना छा।

यूहन्ना 6:40

किलैकि मेरा पिता परमेश्वर कि मनसा याचा कि जु कुई मि पर विश्वास करदो उ अनन्त जीवन पौ अर मि वे तैं अंत का दिन मा फिर ज्यूँदो उठौलु।

1 पतरस 3:22

अर उ स्वर्ग मा चलि गै। अब उ उख पिता परमेश्वर का दैंणा तरपां सबसे बड़ी जगह पर च, अर उ सैरा स्वर्गदूतों अर सैरा अधिकारियों अर सामर्थ पर राज्य करद जौं मा अधिकार अर शक्ति छिनी।

खास चेलों 5:31

वे तैं ही पिता परमेश्वर ल प्रभु अर उद्धारकर्ता का रूप मा अपड़ा दैंणा हथ का तरपां सर्वश्रेष्ठ जगह मा ऊंचो कैरी कि उ इस्राएलियों तैं अपड़ा बुरी सोच विचार अर बट्टों बट्टी पिता परमेश्वर की तरपां मुड़ा अर वेका द्वारा अपड़ा पापों की माफी पां।

लूका 24:26

यु जरूरी छा कि मसीह यु दुख तैं उठै अर फिर अपड़ी बढ़ै मा प्रवेश कैर,

यहूदा 1:21

तुम तैं यु जांणि के जीवन जींण चयणु च कि पिता परमेश्वर तुम बट्टी प्रेम करद; जबकि तुम वे दिन को जग्वाल करदा, जब हमारो प्रभु, यीशु मसीह वापिस लौटलो कि तुम तैं अनन्त जीवन मिललो किलैकि वेल हम पर दया कैरी।

इब्रानी 8:1

अब जु बात हम बुल्णा छा, वेमा सबसे बड़ी बात या च, कि हम मा निश्चय ही इन एक महायाजक च, जु स्वर्ग पर महामहिमन पिता परमेश्वर का सिंहासन का दैंणा बैठयूं च।

2 तीमुथियुस 4:8

प्रभु मि तैं एक ताज दयालो जु धार्मिकता को ताज च, यु ईनाम मि तैं वे दिन मिललो जब उ सचै का दगड़ी न्याय कनु कु वापिस आलो, अर यु भस मि तैं ही न बल्कि ऊं सभियूं तैं भि यु दयालो जु वेकी वापिस आंणै की चाह करदींनि।

फिलिप्पी 3:20

पर हमारो अपड़ो देश स्वर्ग मा च; अर हम अपड़ा उद्धारकर्ता प्रभु यीशु मसीह कु स्वर्ग बट्टी वापिस औंण की जुगाल कना छा।

दिब्य दरस 2:8

स्मुरना शहर की मण्डलि का दूत तैं यु संदेश लिख; जु पैलो अर आखिर च; मि एक बार मोरि गै छो पर अब मि ज्यूँदो छो अर हमेशा ज्यूँदो रौलु, मि त्वे बट्टी यु बुल्णु छो

इब्रानी 13:13

आवा हम यहूदी रीतियों तैं छोड़ी के छावनी का भैर जख लोग रौंदा छा ऊंमा चला अर यीशु पर विश्वास कैरी के; अर जन यीशु ल अनादर तैं सै, उन ही हम भि अनादर तैं सै ल्या।

इब्रानी 5:9

पिता परमेश्वर ल वे तैं एक महायाजक का रूप मा स्वीकार कैरी जु कि हर ढंग से सिद्ध छो; उ, ऊं सभि लुखुं कु उद्धार का द्वारा अनन्त जीवन दींणु कु बुनियाद का रूप मा खड़ो छो जु वेका वचन कु पालन करदींनि।

यूहन्ना 13:3

यीशु यु जंणदु छो कि बुबा ल हर चीज पर अधिकार वे तैं दियुं च अर यु की उ परमेश्वर मा बट्टी अयुं च अर परमेश्वर मा जांणु च अर मि परमेश्वर मा बट्टी अयुं छों अर परमेश्वर मा जांणु छों।

लूका 17:5

तब प्रेरितों ल प्रभु यीशु मा बोलि हमारो विश्वास तैं और मजबूत कैर

मरकुस 9:24

वे लड़का का बुबा ल तुरंत गंगजै कै बोलि, “हे प्रभु मि विश्वास करदु मेरा अविश्वास तैं दूर कैर।”

इब्रानी 12:3

इलै प्रभु यीशु का उदाहरणों पर ध्यान कैरा, कि अधर्मियों (पापियों) ल वे बट्टी कथग नफरत कैरी जु वे तैं सतौंदा छ; इलै तुम भि निराश हवे के साहस नि छोड़ा।

इफिसुस 2:16

अर सूली पर अपड़ा मृत्यु का द्वारा, मसीह ल द्वी झुण्ड तैं एक कैरी अर ऊंको मेल पिता परमेश्वर बट्टी करद्यां, इलै मसीह ल यहूदियों अर अन्यजातियों का बीच बैर तैं खत्म कैरी दये।

खास चेलों 5:41

प्रेरित ईं बात से खुश हवे के महासभा का संमणी बट्टी चलि गैनी की उ यीशु की खातिर निरादर हूंण का लैक त ठैरयां।

यूहन्ना 12:32

अर जु मि ईं धरती बट्टी ऊंची जगह पर चड़ाये जौलु त सभियूं तैं अपड़ी तरपां खिंचलो।”

1 पतरस 1:11

मसीह को आत्मा ऊंमा छो अर ऊं तैं बतांणु छो कि मसीह कन के दुःख सहलो अर फिर वे तैं बड़ो सम्मान दिये जालो। इलै ऊंल यु पता लगौंण की कोशिश कैरी कि मसीह कु होलो अर यु सब कब होलो।

यूहन्ना 12:24

मि तुम मा सच-सच बुल्णु छौं जब तक ग्यूं का बीज जमींन का तौला मोरि नि जौं तब तक उ इखुली रौंदु पर जब मोरि जांदु त भौत फल लांदु।

यूहन्ना 8:56

तुमारा पूर्वज अब्राहम मेरू दिन दिखणा कि मनसा से भौत खुश छो अर वेल देखि अर खुशी मणै।

यूहन्ना 1:29

दुसरा दिन यूहन्ना ल यीशु तैं अपड़ी तरपां औंण देखि के बोलि, देखा यु परमेश्वर कु चिनखो दुनिया का पापों तैं ले के जांद।

लूका 23:11

तब राजा हेरोदेस ल अपड़ा सिपैयूं का दगड़ी यीशु कु अपमान कैरी कै मजाक उड़ै, अर भड़किला कपड़ा पैरेनि, अर वे तैं पिलातुस मा लौटे दींनि।

मत्ती 20:28

जन कि मि मनिख कु नौंनो दूसरों की सेवा टहल कनु कु अयुं छो, मि इलै नि अयुं कि दुसरा मेरी सेवा-टहल कैरा भौत लुखुं तैं ऊंका पापों से ऊं तैं छुटकारा दींणु अर अपड़ा प्राण ऊं कु कीमत जन दींण कु अयुं छौं।

मत्ती 16:21

वे बगत बट्टी यीशु अपड़ा चेलों तैं सिखौंण लगि गै, “कि जरूरी च कि मि यरूशलेम शहर कु जौं अर दाना-सयाणों का अर प्रधान याजक अर मूसा की व्यवस्था तैं सिखांण वलो का हथ से भौत दुःख उठै के मरै जौं अर तिसरा दिन ज्यूँदो हवे जौं।”

दिब्य दरस 1:17

जब मिल वे तैं देखि त मि झट वेका खुट्टों मा गिर पोडु। मि एक मुरयां आदिम का जन हवे ग्यों पर वेल मि पर अपड़ो दैंणों हथ रखि के यु बोलि, नि डैर; मि पैलो अर आखरी छो, अर उ जै मा जीवन च, मि छो,

दिब्य दरस 1:11

वेल मि बट्टी बोलि, “जु कुछ तू दिखणी छै, वे तैं एक किताब (चाम्रपत्र) मा लिख दे जा यु ऊं सात मण्डलियों तैं भेज जु यु शहरों मा छिनी, मतलब कि इफिसुस, स्मुरना, पिरगमुन, थुआतीरा, सरदीस, फिलदिलफिया अर लौदीकिया शहर तैं।”

इब्रानी 7:19

(इलै कि मूसा की व्यवस्था ल कै भि बात तैं सिद्धि नि कैरी) अर यांकि जगह पर हम तैं एक इन बड़ी आस च, जु यीशु मसीह मा च ज्यांका द्वारा हम पिता परमेश्वर का नजीक जै सकदां।

इब्रानी 1:13

अर पिता परमेश्वर ल अपड़ा कै स्वर्गदूत बट्टी बोलि, “तू मेरा दैंणा हथ जु सम्मान की जगह च पर विराजमान हो, जब तक कि मि तेरु दुश्मनों तैं पूरा ढंग से तेरु अधीन नि कैरी द्यो”

खास चेलों 2:36

इलै इस्राएलियों जांणि ल्या कि पिता परमेश्वर ल यु ही यीशु तैं जै तैं तुम ल सूली पर चड़ै प्रभु और मसीह द्वी वे ठैरे।”

मरकुस 9:12

वेल ऊं तैं जवाब दे एलिय्याह ल सचमुच मा पैली ऐ के सब कुछ सुधारेली, पर मि मनिख कु नौंनो का बारा मा परमेश्वर का वचन मा किलै इन लिख्युं च कि वेल भौत दुख उठांण अर तुच्छ समझे जांण?

दिब्य दरस 1:8

पिता परमेश्वर बुल्द, “मि अल्फा अर ओमेगा छो, मतलब कि, आदि अर अंत मि ही छो, जु हमेशा बट्टी छो, अर उ व ही पिता परमेश्वर च जु बगत की शुरुआत बट्टी लेकर अब तक अर कभी भि नि बदलद, मि सर्वशक्तिमान प्रभु परमेश्वर छो।”

इब्रानी 11:36

कुछ लुखुं ल उपहास अर कोड़ों कु सामना कैरी जबकि कुछ लुखुं तैं जंजीरों ल जकड़ी कै जेल मा डलै गै।

इब्रानी 10:33

कभी-कभी त इन हवे, कि तुम्हरी बेजती हवे, अर अत्याचार सै के तमाशा बंणि, अर कई बार तुम अपड़ी इच्छा ल ऊं लुखुं मा शामिल हवे ग्यां जै की बेजती किये जांद अर जौं दगड़ी बुरो बरतौ हूंद छो।

मरकुस 16:19

जब प्रभु यीशु ल चेलों कु यु बात बुलिनि तब वेका बाद स्वर्ग मा उठै गै अर परमेश्वर कि दैंणि तरपां बैठी गये।

खास चेलों 3:15

अर तुम ल अनन्त जीवन को श्रोत तैं मारि डाली जै तैं पिता परमेश्वर ल मुर्दों मा बट्टी ज्यूँदो कैरी अर ईं बात का हम गवाह छा।

1 कुरिन्थि 1:18

किलैकि सूली कि मिसाल त नाश हूंण वला कु मूर्खता च पर हम बचण अर उद्धार पांण वलो कु पिता परमेश्वर की सामर्थ नजदीक च।

1 कुरिन्थि 1:23

पर हम त वे सूली पर चढ़यां मसीह कु प्रचार करदां, जु यहूदियों का बीच ठोकर कु कारण, अर अन्यजातियों का बीच मूर्खता च।

याकूब 2:1

हे मेरा विश्वासी भयों, तुम हमारा महिमामय प्रभु यीशु मसीह का शिष्य छा, इलै आपस मा भेदभाव नि रखा।

मरकुस 15:28

अर इन कै तब पवित्र शास्त्र कु उ वचन जु मसीह का बार च पूरो हवे कि उ परायूं का दगड़ा गणे गै।