इब्रानी 12:15 - गढवली नयो नियम

¹⁵ अर चौकस रावा, इन नि हो, कि कुई पिता परमेश्वर की दया का बगैर ही रै जौं, इन आदिम जु तुम मा बट्टी भौतों तैं बर्बाद कैरी सकद अर तुम्हरा बीच झगड़ा की जौड़ बंणि सकद, किलैकि उ लुखुं तैं भटकै दयालो अर उ भि बुरा बंणि जाला।

Garhwali

¹⁵ अर बिस्वासी समुदाय मा तुम एक-दुसरा पर ध्यान द्‍या, ताकि तुम लोगु मा बटि कुई भि परमेस्वर कि किरपा पौण से दूर नि ह्‍वे जौ, अर ईं बात पर भि ध्यान द्‍या कि तुम लोगु मा कुई फूट पैदा नि हो, किलैकि इन्दरि बात दिक्‍कत करदी, अर भौत सा लोगु तैं बिगाड़ि देन्दी।

इब्रानी 12:15 Referans Kwoze

इब्रानी 3:12

हे विश्वासी भयों, चौकस रावा, कि तुम मा इन बुरो अर अविश्वासी मन नि हो, अर पिता परमेश्वर जु ज्यूँदो च वेका अनुसरण कन से मना नि कैरा।

गलातियों 5:4

तुम जु मूसा की व्यवस्था तैं मांणी के धर्मी ठैरण चदयां, तुम अपड़ा आप तैं मसीह बट्टी अलग कना छा। अर वेल अपड़ा आप तैं वीं दया बट्टी अलग कैरेले जै बट्टी पिता परमेश्वर वे तैं बचै सकद।

2 कुरिन्थि 6:1

हम जु पिता परमेश्वर का सहकर्मी छा यु भि तुम बट्टी बिनती करदा, कि पिता परमेश्वर की दया जु तुम पर हवे, बेकार नि रैणी द्या।

2 यूहन्ना 1:8

इलै तुम तैं चौकस रौंण चयणु च कि कखी यु लोग तुम तैं धोखा नि द्यां कि पिता परमेश्वर कि सेवा कु तुम्हरा द्वारा किये गै मेहनत बेकार नि हवे जौ अर पिता परमेश्वर तुम तैं तुम्हरी सेवा को पूरो प्रतिफल दयालो।

1 कुरिन्थि 15:33

जु लोग इन बात करदींनि, ऊंका द्वारा मूर्ख नि बणा, “बुरी संगति अच्छा चरित्र तैं भि बिगाड़ी दींदी।”

2 पतरस 3:14

इलै, हे प्रियों, जबकि तुम वे दिन को जग्वाल करदा जब पिता परमेश्वर दुनिया को न्याय करलो त तुम तैं अपड़ी पूरी कोशिश कन पुड़लो कि उ तुम तैं शुद्ध अर बगैर भंगार का अर अफ दगड़ी शान्ति से पां।

इब्रानी 4:1

पिता परमेश्वर ल हम बट्टी वादा कैरी कि हम विश्राम की जगह मा जौला, इलै विश्राम की जगह मा प्रवेश कनु कु वादा अब भि च। त हम तैं भौत चौकस रौंण चयणु च; अर तुम म बट्टी कै तैं भि वे विश्राम की जगह पर जांण कु मौका नि छुड़ण चयणु च।

1 कुरिन्थि 5:6

तुम्हरो बड़ो मोन कन ठिक नि च मण्डलि पूरा ढंग पर अनैतिकता तैं लै के दुःखी अर वे बट्टी दूर हूंणा का बजाय वे पर बड़ो मोन कनी च; जन जरा सी खमीर पूरा गूंदयां आटा तैं खमीर कैरी दींद उन ही, जु एक आदिम तैं पाप कने की मंजूरी मिलो, त जल्द ही सभि लोग भि उन ही कनु कु प्रभावित होला।

इब्रानी 4:11

इलै हम वे विश्राम की जगह मा प्रवेश कने की कोशिश कैरा, इन नि हो, कि कै भि आदिम तैं उ लुखुं का उदाहरण की नकल नि कन चयणी च जैल पिता परमेश्वर की आज्ञा तैं मनणु से मना कैरी दींनि; तब हम वीं विश्राम की जगह मा प्रवेश करुला।

2 कुरिन्थि 13:5

अपड़ा आप तैं परखा, यु दिखणु कु कि क्य तुम्हरो विश्वास सचो च या न, कि तुम विश्वास मा छा या न; अपड़ा आप तैं जांचा, क्य तुम अपड़ा बारा मा यु जंणदा छा, कि यीशु मसीह तुम मा च? नथरी तुम निकम्मा छा।

1 कुरिन्थि 10:12

इलै जु कुई आदिम जु बुल्द कि पिता परमेश्वर पर वेको विश्वास मजबूत च, त वे तैं चौकनों रौंण चयणु च कि इन नि हो कि उ अचानक अजमैश बट्टी प्रभावित हवे जां अर पाप कैरा।

इब्रानी 6:11

अलकसी नि बणा; पर बड़ी मेहनत कन वलो का जन तुम तैं अंत तक धीरज अर विश्वास का दगड़ी आस रख के यु प्रेम का कामों तैं कन रा, कि पिता परमेश्वर का वादों तैं पै सका।

2 पतरस 2:18

जब उ लुखुं तैं शिक्षा दींदिनि, त उ बेकार अर घमण्ड से भुरयां शब्दों को इस्तेमाल करदींनि। उ लुखुं तैं बतौंदींनि कि उ ऊं शर्मनाक कामों तैं कैरी सकदींनि जु ऊंकी देह कन चांदी अर उ ऊं लुखुं तैं दुबरा पाप कनु कु भरमै दींदिनि जु अभि-अभि इन दुष्टता का जीवन बट्टी बची के निकलयां छिनी।

कुलुसी 3:5

इलै तुम ऊं बुरा कामों तैं छोड़ी द्या जु तुम्हरा पापी स्वभाव बट्टी जुड़यूं च, यानि व्यभिचार, अशुद्धता, वासना, बुरी लालसा, अर लोभि नि बणा यु मूर्तिपूजा का बराबर च।

इफिसुस 5:3

जन पवित्र लुखुं का लैख च, उन ही तुम मा व्यभिचार, अर कै भि किस्मै का गंदा काम, या लोभ कि चर्चा तक नि हो।

गलातियों 2:13

अर वे दगड़ी अन्ताकिया शहर का कुछ यहूदी मसीहियों ल भि कपट कैरी, इख तक की बरनबास भि ऊंका बरतौ की नकल कन लगि गै।

1 कुरिन्थि 13:8

उ बगत आलो जब लोग पिता परमेश्वर का शुभ संदेश कु प्रचार अजांण भाषाओं मा नि करला, अर पिता परमेश्वर का बारा मा गहरा ज्ञान की तब जरुरत नि होली, बल्कि प्रेम हमेशा कु बणयूं रालो।

2 पतरस 3:11

जबकि पिता परमेश्वर निश्चित रूप बट्टी यूं सभि चीजों तैं नाश कैरी दयालो, जन कि मिल अभि बोलि, इलै तुम तैं निश्चित रूप मा ईश्वरीय ढंग से बरतौ कन जु पिता परमेश्वर तैं खुश करद।

2 पतरस 1:10

इलै हे विश्वासी भयों, अपड़ा आप तैं अर हैंका लुखुं तैं यु दिखांणु कु और भि अच्छो बरतौ कनु को बड़ी कोशिश कैरी कि पिता परमेश्वर ल तुम तैं हकीकत मा चुणयूं च अर तुम तैं अपड़ा लोग हूंणु कु बुलै। जु तुम इन करला त तुम निश्चित ढंग से पिता परमेश्वर बट्टी अलग नि होला।

लूका 22:32

पर मिल त्वे कु परमेश्वर बट्टी प्रार्थना कैरी कि तेरु विश्वास मि बट्टी चलि न जा अर जब तु पापों बट्टी पश्चाताप किये त अपड़ा विश्वासी भयों तैं भि मि पर विश्वास कनु कु मजबूत किये।

तीतुस 1:15

ऊं लुखुं कु जूंको दिमाग शुद्ध च, ज्यां मा पापमय जीवन नि च, व्यवस्था का अनुसार सभि चीज शुद्ध छिनी, पर ऊं लुखुं कु जु बुरा छिनी, अर जु यीशु पर विश्वास नि करदींनि, जु कुछ भि उ करदींनि उ अशुद्ध च, किलैकि ऊंको दिल दिमाग अर द्वी ही पूरा ढंग ल बुरो हवे गै।