इब्रानी 11:37 - गढवली नयो नियम

³⁷ ऊंमा बट्टी कुछ विश्वासियों तैं ढुगलयो कैरी के मरै गै; अर कुछों तैं द्वी हिस्सों मा कटे गै, ऊं तैं तलवार ल मौत का घाट उतारे गै। उ गरीब छा, ऊं तैं सतै गै अर ऊं दगड़ी बुरो बरतौ किये गै; उ ढिबरो-बखरों की खालो तैं ओढ़ी के इने-उनै भटकदी रैनी।

Garhwali

³⁷ अर बिस्वास करण वळा कुछ लोगु तैं ढुंगे गै अर जान से मरे गै। अर कुछ लोगु का सरील तैं दुई हिस्सों मा चिरे गै, अर कुछ लोगु तैं तलवार का द्‍वारा मरे गै। अर कुछ लोग इन्द्रया भि छा जौन भेड़-बखरों की खाल पैरि के अपणा दिन कटिनी। अर कुछ लोगु न गरीबी की हालत मा अपणा दिन कटिनी अर दुख-मुसीबत अर बुरु बरतौ भि सै।

इब्रानी 11:37 Referans Kwoze

खास चेलों 7:52

परमेश्वर का तरपां बट्टी बुल्ण वलो मा बट्टी तुम्हरा बाप-दादाओं ल कै तैं नि सतै? अर ऊंल धर्मी आदिम का आंणा का पैली बट्टी सन्देश दींणवलों तैं मार डाली जौनु पैली बट्टी वेका आंणा का बारा मा बतै छो, अर जब उ ऐ, त तुम ल वे तैं धोखा द्ये अर वेकी हत्या कैरी।

दिब्य दरस 11:3

“वे बगत मि अपड़ा द्वी गवाहों तैं यु अधिकार दयुलु कि टाट ओढ़ी के एक हजार द्वी सौ साठ दिन तक भविष्यवाणी करला।”

2 कुरिन्थि 12:10

इलै मि मसीह की कमजोरियों, अर निन्दाओं मा, अर दरिद्रता मा, अर घपरौल मा, अर दुखों मा, खुश छों; किलैकि जब मि कमजोर हूंदु, तब मि मसीह की सामर्थ मा मजबूत हूंदु।

खास चेलों 14:19

पर कथग ही यहूदियों ल अन्ताकिया अर इकुनियुम शहरों बट्टी ऐ के लुखुं तैं अपड़ी तरपां कैरी दींनि, अर पौलुस पर ढुगलयो कैरी, अर मुरयूं समझी के वे तैं शहर का भैर घसीट के ली गैनी।

लूका 13:34

हे यरूशलेम शहर का लुखुं! तु जु परमेश्वर का तरपां बट्टी बुल्ण वलो तैं मारि डलदि, जु भौत पैली रौंदा च अर ऊं लुखुं पर ढुंग्यो करदी जौं तैं त्वे मा भिजे गै छो। कथग बगत मिल चै कि जन मुर्गी अपड़ा बच्चों तैं अपड़ा पंखों का तौला सुरक्षित करद उन ही मि भि तेरु नौंनो की रखवली कैरू पर तुम ल इन नि चै।

मत्ती 21:35

पर किसानों ल सेवकों तैं पकड़ी के, कै तैं पीटि, कै तैं मारि अर कै तैं ढुंगा ल मारि दींनि।

मत्ती 8:20

यीशु ल वेमा बोलि, “स्यालुं का उडयारुं अर आसमान का चलखुडों का घोल हूंदींनि पर मि मनिख कु नौंना कु स्यूंणु कु एक घौर भि नि च जख मि स्ये साको।”

मत्ती 3:4

यु यूहन्ना ऊंट का रोम का कपड़ा पैंरयुं अर अपड़ी कमर मा चमड़ा को पठुगा बंधि के रौंदु छो अर टिड्डी अर जंगल कु सौद खांदु छो। अर वेको खांणु टिड्डी अर जंगल को सौद छो।

इब्रानी 11:25

यु इलै हवे कि मूसा ल जरा बगत कु पाप का सुख कु आनन्द लींणा का बजाय पिता परमेश्वर का लुखुं का दगड़ी दुख भुकतण अच्छो समझी।

इब्रानी 13:3

कैदियों की इन सुध ल्या, कि मांणा ऊं दगड़ी तुम भि कैद मा हो; अर जु सतयां लोग छिनी, ऊंकी भि यु समझी के सुध लिया कैरा, जन कि तुम अपड़ा देह मा ही ऊंका दर्द तैं महसूस कना हो।