इब्रानी 11:33 - गढवली नयो नियम

³³ ऊंल विश्वास ही का द्वारा राज्य जीतिनि; अर ठिक काम करीनि; वादा की चीजों तैं पै, शेरों ल ऊं तैं नि खै,

Garhwali

³³ सुणा, यों न बिस्वास का द्‍वारा भौत सा देसों पर जीत हासिल कैरी, अर सच्‍चै से न्याय कैरी, इलै ऊं खुणि परमेस्वर को करार पूरु ह्‍वे गै, अर इख तक कि परमेस्वर न ऊं खुणि शेरों का गिच्‍चों तैं भि बन्द कैर दिनी।

इब्रानी 11:33 Referans Kwoze

इब्रानी 10:36

अभि तुम तैं धीरज का दगड़ी सौण की जरूरत च; तब तुम पिता परमेश्वर की इच्छा तैं पूरी करला अर तुम तैं उ सभि चीज मिललि जैको पिता परमेश्वर ल वादा कैरी।

गलातियों 3:16

उन ही के पिता परमेश्वर ल अपड़ा करार अब्राहम तैं अर वेका वंश तैं दींनि। परमेश्वर का वचन इन नि बुल्दो कि “तेरु वंशजों तैं” जन भौतों का बारा मा बोलि, पर यु एक मनिख का बारा मा बात करद कि, “तेरु वंश तैं” अर उ मसीह च।

1 पतरस 5:8

हमेशा तैयार रावा, अर बिज्यां रावा, किलैकि शैतान, तुम्हरो दुश्मन तुम पर हमला कन चांद कि तुम पिता परमेश्वर की आज्ञाओं को पालन नि कैरा। उ घुरांण वला शेर का जन च, जु अगनैं घुमद रौंदो कि उ कै तैं खै साक।

इब्रानी 11:17

विश्वास ही बट्टी अब्राहम ल इसहाक तैं एक बलिदान का रूप मा चढ़ै, जब पिता परमेश्वर वेकी अजमैश लींणु छो, चाहे अब्राहम तैं पिता परमेश्वर का तरपां बट्टी या करार मिली छै, फिर भि उ अपड़ा एकलौता नौंना तैं बलिदान चढ़ौणु कु तैयार छो, जु पिता परमेश्वर का करार तैं पूरो कैरी सकद छो।

2 तीमुथियुस 4:17

पर प्रभु ल मेरू दगड़ो दींनि, अर मि तैं सामर्थ दींनि; कि मेरा द्वारा यीशु मसीह का शुभ संदेश को पूरो प्रचार हो, अर सब अन्य-जाति का लोग सूंणि ल्योनु, अर मि तैं मौत बट्टी बचै जन कि शेर का गिच्चा बट्टी छुड़ाये हो।

मत्ती 5:12

तब खुश अर मगन हुयां किलैकि तुम कु स्वर्ग मा बड़ो फल च। इलै की ऊंल ऊं परमेश्वर का तरपां बट्टी बुल्ण वलो तैं भि जु भौत बगत पैली छा इन ही सतै छो।

याकूब 2:18

जु एक आदिम प्रभु यीशु पर विश्वास करद अर दुसरो आदिम अच्छा काम करद त मि तुम कु बुल्दो, क्य तुम अच्छा कामों का बगैर मि तैं यीशु मसीह पर अपड़ा विश्वास तैं साबित कैर सकदा छा? मि अपड़ा अच्छा काम कना का द्वारा यु साबित कैर सकदु की मि प्रभु यीशु पर विश्वास करदु छो।