इब्रानी 11:32 - गढवली नयो नियम

³² मि तैं और कुछ भि बुल्ण की कुई जरूरत नि च; जु मि इन लुखुं का विश्वास का बारा मा भि बात कन लगु जन गिदोन, बाराक, शिमशोन, यिफतह की, अर राजा दाऊद की अर पिता परमेश्वर का तरपां बट्टी बुल्ण वला शमूएल जन, त मि मा बगत नि रालो।

Garhwali

³² अर अब मिन यां से जादा और क्या बोन्‍न? किलैकि मि मा बगत नि च कि मि गिदोन, बाराक, शिमशोन, यिफतह, दाऊद, शमूएल, अर परमेस्वर का दुसरा रैबर्यों का बारा मा बतौं।

इब्रानी 11:32 Referans Kwoze

यूहन्ना 21:25

अर भि कुई काम च जु यीशु ल करिनी। इलै जु हम ऊं तैं एक-एक कैरी कै लिखै, त मि तैं लगदु च कि सैरा दुनिया मा भि यूं चाम्रपत्र तैं संभलणु कु इथग जगह नि हूंदु जु लिखै जांदी।

2 पतरस 1:21

किलैकि कुई भि पिता परमेश्वर का तरपां बट्टी वचन मा दिये गै कुई भि संदेश कभी भि आदिमों बट्टी पैदा नि हवे। पर पवित्र आत्मा ल लुखुं का मनों तैं उभारी जब ऊंल पिता परमेश्वर की तरपां बट्टी अयां संदेश तैं बोलि।

रोमियों 7:7

त हम यूं बातों का बार मा क्य बोला? क्य व्यवस्था पाप च? न! बिल्कुल न! पर व्यवस्था का द्वारा मि पाप तैं जांण साको। मिल जांणि की लालच कन पाप च, किलैकि व्यवस्था मा इन लिख्युं च, कि “लालच नि कैर।”

रोमियों 4:1

अब हम ल यहूदी हूंणा का खातिर अपड़ा पूर्वज अब्राहम का बारा मा क्य बुल्ण? कि उ कै कारण से धर्मी गिणे गै?

रोमियों 3:5

पर जु हमारा दुष्ट काम पिता परमेश्वर की धार्मिकता ठैरे दींदीनी, त हम क्य बोला? त क्य पिता परमेश्वर कु गुस्सा हूंण अर हम तैं दंड दींण गलत च (यु त मि मनिख्युं की रीति पर बुल्णु छो)

खास चेलों 13:20

हमारा पूर्वजों ल ऊंका पूर्वजों का मिस्र देश मा पौंछि जांण तक लगभग चार सौ पचास साल बाद कनान पर अधिकार कन शुरू कैरी; “पिता परमेश्वर का तरपां बट्टी बुल्ण वला शमूएल तक इस्राएल का लुखुं पर राज्य कनु कु अगुवा नियुक्त करिनि।

खास चेलों 10:43

वेका बारा मा सभि पिता परमेश्वर का तरपां बट्टी बुल्ण वलो ल गव्है दीं च कि जु लोग वेमा विश्वास रखदींनि, ऊं तैं, ऊंका द्वारा पापों कि माफी मिललि।”

खास चेलों 3:24

“अर पिता परमेश्वर का तरपां बट्टी बुल्ण वलो शमूएल बट्टी लेकर वेका बाद वलो तक जथग भि पिता परमेश्वर का तरपां बट्टी बुल्ण वलो ल बात कैरी ऊं सभियूं ल यु दिन को शुभ संदेश प्रचार द्ये।

2 पतरस 3:2

मि यु इलै बुल्णु छो किलैकि मि चांदु कि तुम ऊं वचनों तैं याद रखा, जु पिता परमेश्वर का तरपां बट्टी बुल्ण वलो ल भौत पैली बोलि छो अर हमारा उद्धारकर्ता, प्रभु यीशु मसीह की शिक्षाओं तैं याद रखा जु तुम तैं ऊं प्रेरितों ल सिखै जु तुम मा ऐ छा।

याकूब 5:10

हे विश्वासी भयों, जौं परमेश्वर का तरपां बट्टी बुल्ण वला लुखुं ल प्रभु का नौं बट्टी बात कैरी, ऊं तैं दुःख उठौण मा अर सब्र रखण मा तुम अफ कु एक नमूना समझा।

रोमियों 6:1

त हम यूं बातों का बार मा क्य बोला? पिता परमेश्वर अपड़ी दया का कारण हमारा पापों तैं माफ करदु। पर हम ल इन नि बुल्ण कि चला हम पाप कना रौला कि दया भौत हो?

लूका 16:31

वेल वेकु बोलि, “जब उ मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो की आज्ञा नि मणदींनि त कुई भि मुरयां मा बट्टी ज्यूँदो हवे जौ, तब भि वेकी बातों पर विश्वास नि करिल्या।”

लूका 13:28

उख रूण अर दांतों कु पिसंण होलो जब तुम पूर्वजों अब्राहम अर इसहाक अर याकूब अर सभि परमेश्वर का तरपां बट्टी बुल्ण वलो तैं परमेश्वर का राज्य मा बैठयूं अर अफ तैं भैर निकल्यूं दिखल्या।

मत्ती 5:12

तब खुश अर मगन हुयां किलैकि तुम कु स्वर्ग मा बड़ो फल च। इलै की ऊंल ऊं परमेश्वर का तरपां बट्टी बुल्ण वलो तैं भि जु भौत बगत पैली छा इन ही सतै छो।