इब्रानी 10:5 - गढवली नयो नियम

^5-6 इलै मसीह दुनिया मा आंण बगत बुल्द, तू बलिदान अर भेंट नि चांदी; उ बलिदान जु जानवरों तैं पूरा ढंग से जलै कै चढै जांद, अर उ बलिदान जु पापों की माफी कु भेंट का रूप मा चढै जांद, उ पिता परमेश्वर त्वे तैं खुश नि करद। पर तिल मि तैं एक मनिख बणै।

Garhwali

⁵ इलै जब यीशु मसीह ईं दुनियां मा औण वळु छौ, त वेन अपणा बारा मा इन बोलि जन कि पवित्रशास्‍त्र मा भि लिख्यूं च कि, “हे मेरा परमेस्वर, तुमुन बलिदान अर भेंट नि चै, पर तुमुन मि खुणि एक सरील तयार कैरी।

इब्रानी 10:5 Referans Kwoze

1 पतरस 2:24

जब मसीह मोरि, त हमारा पापों का कारण सूली पर वेकी देह तैं दण्ड़ित कैरी। वेल इन इलै कैरी की हम पाप कन बंद कैरा अर धार्मिकता ल जीवन जींण शुरू कैरी द्या, अर ऊं घावों का कारण जु मसीह ल सैनी, हम खूब हवे ग्यां

इब्रानी 1:6

अर यां से पैली कि, पिता परमेश्वर ल अपड़ा बड़ा महान अर पैला नौंना तैं दुनिया मा भेजि, त बुल्द, “पिता परमेश्वर का सभि स्वर्गदूत वे तैं दण्डवत् कैरी के वेकी आराधना कैरा।”

इब्रानी 10:7

तब मसीह ल पिता परमेश्वर बट्टी बोलि, “हे पिता परमेश्वर, मि इख छों, कि तेरी इच्छा तैं पूरी कैरो, जन कि मेरा बारा मा परमेश्वर का वचन (चाम्रपत्र) मा लिख्युं च।”

इब्रानी 2:14

किलैकि जौं तैं पिता परमेश्वर ल बच्चों कैरी के बुलै, मतलब की जु मास अर ल्वे का बणयां छिनी, यीशु हर ढंग से हम जन बंणि गै अर ऐ कि प्रभु यीशु का मृत्यु का द्वारा शैतान, जै तैं मृत्यु पर अधिकार च नाश हवे जौं।

गलातियों 4:4

पर जब उ बगत आलो ज्यां कि योजना पिता परमेश्वर ल बंणै छै, त पिता परमेश्वर ल खुद अपड़ा नौंना तैं ईं दुनिया मा भेजि, अर जनन ल वे तैं पैदा कैरी, अर उ एक यहूदी का रूप मा पैदा हवे अर व्यवस्था का अनुसरण करदी रै।

2 यूहन्ना 1:7

मि यु इलै बुल्णु छो, किलैकि भौत सैरा लोग जु झूठी शिक्षा दींदिनि उ ईं दुनिया मा ऐ गैनी। जु कुई यु नि मणद की यीशु मसीह एक मनिख का रूप मा ईं दुनिया मा ऐ गै, त उ आदिम मसीह को बैरी च जु लुखुं तैं सदनी धोखा दींद।

इब्रानी 8:3

किलैकि हर एक महायाजक तैं पापों की माफ कु भेंट अर बलिदान चढ़ौणे की जरूरत च, इलै ही जरूरी च, कि हमारा महायाजक, यीशु मा भि कुछ चढ़ौणु कु हो।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

यूहन्ना 1:14

अर वचन देहधारी हवे अर दया अर सचै बट्टी पूरो हवे के हमारा बीच मा डेरो कैरी और वेकी महिमा इन छै जन बुबा (परमेश्वर) कि तरपां बट्टी अयां एकलौता नौंना की महिमा।

लूका 1:35

स्वर्गदूत ल वीं तैं जवाब दींनि कि पवित्र आत्मा त्वे पर उतरलो अर परमप्रधान परमेश्वर कि सामर्थ त्वे पर छाया कैरेली इलै जन्म लींण वलो नौंनो पवित्र होलो अर परमेश्वर कु नौंनो जंणेली।

मत्ती 11:3

“क्य तु ही उ मसीह छै, जै तैं भिजणो को वादा परमेश्वर कु करयूँ छो य हम कै दूसरो कु इन्तेजार कैरा।”

लूका 7:19

तब यूहन्ना ल अपड़ा चेलों मा बट्टी द्वी चेलों तैं बुलै के प्रभु मा यु पुछणु कु भिजिनि “क्य तु ही उ मसीह छै जै तैं भिजणो कु वादा परमेश्वर ल करयुं छो, या हम कै दुसरा का बाट जुगाल्ला?

इब्रानी 5:7

यीशु ल ईं धरती पर का जीवनकाल मा जु वे तैं मौत बट्टी बचै सकद छो, ऊँचा आवाज मा पुकारी कै अर रौवे के, पिता परमेश्वर बट्टी प्रार्थना अर बिनती कैरी अर बड़ा आदर का दगड़ी अपड़ा आप तैं परमेश्वर तैं सौंपणा का कारण पिता परमेश्वर ल यीशु की सूंणि।

इब्रानी 10:8

मूसा की व्यवस्था सिखांदी, कि बलिदान अर भेंट पाप का कारण ही चढ़ै जांदी; पर मसीह ल यूं बातों कु जिक्र किलै कैरी अर बोलि कि पिता परमेश्वर यूं तैं नि चांद?