इब्रानी 10:37 - गढवली नयो नियम

³⁷ “किलैकि परमेश्वर का वचन मा लिख्युं च; अब भौत ही कम बगत रै गै, जबकि आंणवलो आलो, अर देर नि करलो।

Garhwali

³⁷ किलैकि पवित्रशास्‍त्र मा इन लिख्यूं च कि, “जु औण वळु च उ भौत जल्द ही आलु, अर अब वु देर नि करलु।

इब्रानी 10:37 Referans Kwoze

लूका 18:8

मि तुम मा बुल्णु छौं “उ तुरंत ऊंको न्याय चुकालो इलै तब मि मनिख कु नौंनो आलो त मि तैं धरती पर कथग लोग मिलला जु मि पर विश्वास करला?”

दिब्य दरस 22:20

यीशु, जु यूं सभि बातों को गवाह च बुल्द, हाँ, मि यूहन्ना ल जवाब द्ये, “आमीन” हे प्रभु यीशु औ।

2 पतरस 3:8

हे प्रियों, ईं बात तैं अनदेखो नि कैरा जु मि अब तुम तैं बतौलु; पिता परमेश्वर एक दिन तैं थोड़ा बगत का रूप मा नि दिखद अर न ही एक हजार साल तैं लंबा बगत का रूप मा। वेको एक दिन अर एक हजार साल सब एक बराबर च।

मत्ती 11:3

“क्य तु ही उ मसीह छै, जै तैं भिजणो को वादा परमेश्वर कु करयूँ छो य हम कै दूसरो कु इन्तेजार कैरा।”

फिलिप्पी 4:5

तुमारो मयलदु बरतौ सब लुखुं पर प्रगट हो। प्रभु यीशु कु औंण नजदीक च।

इब्रानी 10:25

आवा हम कुछ लुखुं का जन, पिता परमेश्वर की आराधना कनु कु कठ्ठा हूंण बंद नि कैरा, पर हम तैं एक-दुसरा तैं प्रोत्साहित कन चयणु च, अर चितांण चयणु च, ज्यादातर अब जबकि प्रभु को फिर से वापिस आंणो को दिन नजीक आंणु च।

2 पतरस 3:9

कुछ लोग सुचदींनि कि प्रभु अपड़ा वापिस आंणा का वादा तैं पूरो कन मा देर कनु च। पर प्रभु इलै देर नि कनु च। बल्कि, उ तुम दगड़ी धीरज धरणु च। किलैकि कै तैं भि नाश नि कन चांद। पर चांद कि हर कुई अपड़ा मन तैं पापों बट्टी फिरौ अर गलत काम कन बंद कैरी द्यो अर वेमा ऐ जा।