इब्रानी 10:29 - गढवली नयो नियम

²⁹ जु मूसा की व्यवस्था का अनुसार इन सजा छै, त वे आदिम की सजा भौत बड़ी होली जु पिता परमेश्वर का नौंनो कु तिरस्कार करदींनि; वेल पिता परमेश्वर का नौंनो तैं अपड़ा खुट्टों मुड़ी मींडी येले किलैकि वेल वेको सम्मान नि कैरी; वेल मसीह का ल्वे तैं पवित्र नि मांणी अर अशुद्ध ठैरे जैका द्वारा पिता परमेश्वर ल वे तैं पवित्र बनांणु कु नई प्रतिज्ञा शुरू कैरी; वेल पवित्र आत्मा कु अपमान कैरी जैका द्वारा वे पर दया हवे।

Garhwali

²⁹ त फिर सोचा ऊं लोगु कि सजा कथगा खतरनाक होलि जौन परमेस्वर का पुत्र को अपमान कैरी, अर करार का वे ल्वे तैं सुद्‍दी समझि जैका द्‍वारा ऊंतैं पवित्र किये गै छौ। अर ऊंन पवित्र आत्मा से मिलण वळी किरपा को आदर नि कैरी, बल्किन मा बेजती कैरी।

इब्रानी 10:29 Referans Kwoze

इब्रानी 6:6

ऊं तैं फिर से वापिस लांणु कु कुई रस्ता नि च किलैकि ऊंल फिर भटकी जांण; त ऊं तैं मन फिराव कु फिर से नयो बनण बड़ी अनोखी बात च; किलैकि उ अफ पिता परमेश्वर का नौंना तैं दुबरा से सूली पर चढौदींनि अर वे तैं शर्मिंदा करदींनि, ज्यांका कारण दुसरा लोग मसीह कु मजाक बणांदा छा।

इफिसुस 4:30

पिता परमेश्वर कि पवित्र आत्मा तैं अपड़ा जीवन जीणै कि ढंग से वे तैं दुखी नि कैरा, ज्यां ल तुम पर छुटकारा दिन कु परमेश्वर ल तुम पर अपड़ी मुहर लगै द्या।

1 कुरिन्थि 11:27

इलै जु कुई भि यु ढंग से जु मसीह तैं निरादर करद प्रभु की रुठी खौ, या वेका कटोरा मा बट्टी प्यो, उ प्रभु की देह अर ल्वे का विरुद्ध पापी ठैरद।

लूका 12:10

जु कुई मि मनिख कु नौंनो का बारा मा बुरै करलो, वेका पाप त माफ किये जाला, पर जु पवित्र आत्मा की निंदा करलो, वेको अपराध माफ नि किये जालो।

इब्रानी 2:3

इलै पक्का हम तैं भि दण्ड मिललो जु हम यु महान उद्धार कु विरोध करुला त, सबसे पैली प्रभु ल अफी यु उद्धार का बारा मा बतै, अर यु हम कु पिता परमेश्वर का द्वारा सच साबित हवे, जैल भि पिता परमेश्वर तैं सूंणि ऊंल हम तैं बतै कि यु सच च।

खास चेलों 7:51

हे जिद्दी लुखुं, तुम वेकी बात मनणु से इंकार करदां, तुम हमेशा पवित्र आत्मा को विरोध करदा; जन तुम्हरा पुरणो ल कैरी, उन ही तुम भि करदा।

इब्रानी 12:25

चौकस रावा, अर पिता परमेश्वर की बात सुनण से मना नि कैरा, किलैकि इस्राएल का लोग जब ऊंल मूसा की बात नि मांणी त पिता परमेश्वर ल ऊं तैं ईं बात की सजा दींनि, इलै यु हम कु और भि बुरो होलो जु हम पिता परमेश्वर तैं सुनण से इंकार करदां जु हम तैं स्वर्ग बट्टी चेतावनी दींद।

इब्रानी 9:13

मूसा की व्यवस्था का अनुसार, उ लोग जु विधि का अनुसार अशुद्ध हूंदा छा, उ पिता परमेश्वर की आराधना कना का योग्य नि हूंदा; फिर भि ऊं तैं साफ समझै जालो, जु ऊं पर बखरों अर बल्दों का ल्वे अर एक चढयां बछड़ों कु राखो छिड़कै जौं।

1 कुरिन्थि 11:29

किलैकि, जु कुई प्रभु का देह का दगड़ी अपड़ा रिश्तों तैं पहचनण का बगैर कटोरा मा बट्टी प्यो अर रुठी तैं खाै, उ यु खांण अर पींण से अपड़ा मथि दण्ड लांद।

इब्रानी 6:4

जु लोग अपड़ा विश्वास तैं छोड़ी दींदिनि, ऊं तैं फिर से पछतांणै की स्थिति तक वापिस नि लये जा सकद; ऊंल एक बार पिता परमेश्वर का सत्य तैं पछयांणी जु पिता परमेश्वर की तरपां बट्टी आंद अर स्वर्ग बट्टी वरदान पांद अर ऊंल दूसरों दगड़ी मिल कै पवित्र आत्मा पै,

इब्रानी 2:11

किलैकि जु लुखुं तैं ऊंका पापों बट्टी शुद्ध करद अर जु पवित्र किये जयदींनि, द्वी एक ही पिता परमेश्वर की सन्तान छिनी, मतलब कि, परमेश्वर ही ऊंको पिता च, इलै ही प्रभु यीशु विश्वासी लुखुं तैं भैय अर बैंण बुल्ण से नि शर्मांद।

यूहन्ना 17:19

इन कै लाभ कु मि अफ तैं पवित्र करदु छों कि उ भि सचै का द्वारा पवित्र किये जाला।

मत्ती 7:6

“उ लुखुं तैं परमेश्वर का सन्देश नि सुंणौ जु यु तैं सुनण नि चंदिनी पर तुम जब इन करद्यां त यु इन होलो जनकै पवित्र वस्तु तैं कुत्तों का अगनैं ढुलण अर जन सुंगरु का अगनैं मोती ढुलण जु भस वे तैं रौंदी दयाला अर फिर तुम पर हमला करला।”

इब्रानी 13:20

अर अब, शान्ति दींणवलों पिता परमेश्वर, जु हमारा प्रभु यीशु तैं मुर्दों मा बट्टी फिर ज्यूँदो कैरी के ले ऐ, तुम तैं ऊं सभि चीजों बट्टी पूरो कैरो ज्यांकी तुम तैं वेकी इच्छा पूरी कनै की जरूरत च; यीशु मसीह का ल्वे का सामर्थ का द्वारा उ तुम मा उ सभि पैदा कैरो जु वे तैं खुश करदो; यीशु हमेशा की वाचा का द्वारा ढिबरों कु एक महान चरवाहा बंणि गै, जैका द्वारा हमेशा की नई प्रतिज्ञा पर मोहर लगै जांद; वेकी महिमा हमेशा-हमेशा तक हूंदी रौ। आमीन।

यूहन्ना 10:36

त जब मि बुल्द, “मि परमेश्वर कु नौंनो छों त तुम मि तैं किलै बुल्दा छा, तु बुरै कनी छै।” मि उ छों पिता परमेश्वर बट्टी अलग करयुं अर वेल मि तैं जगत मा भेजि

इब्रानी 9:20

जब मूसा यु कनु छो, त वेल लुखुं कु बोलि, “यु ल्वे वीं वाचा तैं शुरू करद जै तैं मनणु की आज्ञा पिता परमेश्वर ल तुम तैं द्ये।”

1 कुरिन्थि 15:25

मसीह तैं वे राज्य पर तब तक राज्य कन चयणु च, जब तक कि पिता परमेश्वर वेका सभि दुश्मनों तैं नि हरै द्यो।

रोमियों 16:20

शान्ति कु पिता परमेश्वर शैतान की शक्तियों तैं नाश कैरी कै वे तैं तुम्हरा अधीन कैरी दयालो। हमारा प्रभु यीशु मसीह की कृपा तुम पर हूंणी रौ।

मत्ती 26:28

किलैकि या प्राण कु मेरू ल्वे च जु भौतों का पापों का माफी की नई प्रतिज्ञा कु बुगाये जांदी।

1 कुरिन्थि 15:27

परमेश्वर का वचन मा लिख्युं च, कि पिता परमेश्वर सब कुछ मसीह का अधिकार का अधीन कैरी दयालो; किलैकि पिता परमेश्वर ल ही मसीह तैं अधिकार द्ये।

मरकुस 7:2

अर ऊंल वेका कुछ चेलों तैं यहूदी रीति रिवाज का अनुसार अशुद्ध छा अर ऊं बगैर हथ धुयां रुट्टि खांण देखि

1 कुरिन्थि 6:11

पैली तुम मा बट्टी कुछ इन कै बरतौ करदा छा, पर तुम प्रभु यीशु मसीह का नौं से अर हमारा पिता परमेश्वर का आत्मा बट्टी तुम्हरा पाप धवे गैनी, अर तुम तैं पवित्र बणै अर धर्मी ठैरे।

इफिसुस 5:26

कि वेको शुभ संदेश मण्डलि ल लुखुं पर प्रगट हवे के ऊंका पाप तैं शुद्ध कैरो, जन कुई आदिम कीं चीज तैं धवे के शुद्ध करद,

इब्रानी 4:14

इलै, यीशु जु स्वर्ग मा गै, उ पिता परमेश्वर कु नौंनो च; उ हम सभियूं कु बड़ो महायाजक च; इलै आवा हम वे विश्वास तैं बगैर छुड़यां मजबूत बंणि के रां जै तैं हम सभियूं ल स्वीकार कैरी छो।

दिब्य दरस 1:5

अर यीशु मसीह का तरपां बट्टी जैका वचनों पर विश्वास किये जै सकद उ ही च जु मुर्दों मा बट्टी ज्यूँदो हूंण वलो मा पैलो अर उ ईं दुनिया का सभि राजाओं कु शासक च। अर यीशु मसीह हम बट्टी प्रेम करद। उ हम कु ल्वे बुगै के मोरि अर वेल हमारा पापों की सजा तैं खत्म कैरेले। इलै हम याजकों को एक परिवार बंणि ग्यां, जु पिता परमेश्वर की सेवा करद। इलै यीशु मसीह तैं महिमा अर शक्ति हमेशा मिलदी रौ आमीन।