इब्रानी 10:26 - गढवली नयो नियम

²⁶ हम तैं यूं कामों तैं कन चयणु च, किलैकि जब हम ल जांणि कि शुभ संदेश की सचै क्य च तब भि जु हम पाप करदी रां, त कुई और बलिदान नि च जु हमारा पापों तैं दूर कैर साको।

Garhwali

²⁶ अर अगर जु हम सच्‍चा ज्ञान तैं पौण का बाद भि जाणि बुझि के पाप कना रौला, त ईं बात तैं जाणि ल्या कि फिर पापों से माफी पौणु खुणि कुई भि दुसरो बलिदान नि च।

इब्रानी 10:26 Referans Kwoze

यूहन्ना 9:41

यीशु ल ऊंमा बोलि, “जु तुम अंधा हूंद त पापी नि ठैरदा पर अब बुल्णा छा कि हम दिखदा छा अर इलै अब तुम्हरो पाप माफ नि किये जालो।”

लूका 12:47

अर उ सेवक जु अपड़ा स्वामि कि मनसा जंणदु छै पर जैल तैयार हवे के वेकी मनसा का अनुसार काम नि कैरी उ भौत कोड़ा खालो।

याकूब 4:17

इलै जु कुई भलै कन जंणदु अर नि करदो, वेको यु पाप च।

1 यूहन्ना 5:16

जु कुई अपड़ा विश्वासी भैय तैं इन पाप करद देखो, जै को प्रतिफल मौत नि च, त उ पिता परमेश्वर बट्टी प्रार्थना कैरो, अर पिता परमेश्वर वे तैं जीवन दयालो। किलैकि पाप इन भि हूंदो जै को प्रतिफल मौत च यांका बारा मा मि पिता परमेश्वर बट्टी बिनती कनु कु नि बुल्दो।

2 थिस्सलुनीकी 2:10

उ हर किस्मै की बुरै करलो अर ऊं लुखुं तैं धोखा दयालो जु पिता परमेश्वर का द्वारा नष्ट किये जाला; किलैकि उ ही सचै पर विश्वास कन से इंकार करदींनि जु ऊं तैं बचै सकद।

यूहन्ना 13:17

अब जबकि तुम यूं बातों तैं जंणदा छा, त तुम इन कैरी के धन्य हवे जावा।

1 तीमुथियुस 1:13

प्रभु पर विश्वास कन से पैली मि मसीह का बारा मा बुरै कन वलो, अर विश्वासी लुखुं तैं सतौंण वलो, अन्यो कन वलो, तब भि पिता परमेश्वर ल मि पर कृपा कैरी, किलैकि मिल अविश्वासी कि दशा मा बगैर समझिके यु काम कैरी छा।

1 तीमुथियुस 2:4

उ चांदो च कि सभियूं तैं सचै कु ज्ञान हो अर उ बचि जा।