इब्रानी 10:20 - गढवली नयो नियम

²⁰ जब मसीह मोरि त वेल हम कु एक नयो रस्ता खोलि कि हम इन ही जीवन जियां जैको कुई अंत नि च; वेल यु रस्ता अपड़ी देह मा बट्टी हवे के खोलि दींनि, येको मतलब यो च कि वेल अपड़ा आप तैं एक बलिदान के रूप मा चढै के हम कु यु सब कैरी।

इब्रानी 10:20 Referans Kwoze

यूहन्ना 14:6

यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु।

यूहन्ना 10:9

मि द्वार छौं, मेरा द्वारा भितर आंण वलो कु परमेश्वर उद्धार करलो अर भितर भैर आंण जांण करलो अर खांण कु खांणु पालो।

इब्रानी 9:3

अर दुसरा मिलाप वला तम्बू मा जु पर्दा का पिछनै छो, वे तैं परम पवित्र जगह बुलै जांदु छो।

इब्रानी 9:8

यूं रीतियों का द्वारा जु पिता परमेश्वर चांदो छो कि याजक कैरा, पवित्र आत्मा हम तैं कुछ बतांद; मतलब यु कि स्वर्ग मा पिता परमेश्वर की वास्तविक परम पवित्र यरूशलेम शहर कु मन्दिर तब तक लुखुं कु खुली नि च जब तक ईं धरती पर मिलाप वला तम्बू अर ऊंकी विधियों तैं मणदींनि, अर यांको दीं पूरी व्यवस्था जब तक की पूरी न किये जौं।

इब्रानी 6:19

जन एक बड़ी कील बट्टी बंधयूं ज्यूड़ो नाव तैं स्थिर अर मजबूत रखद, उन ही के य आस हमारा आत्मा तैं स्थिर अर मजबूत बणै कै रखद; ज्यांमा हमारी आस च कि उ यीशु ही च; जु स्वर्ग मा पवित्र तम्बू का पिछनै महापवित्र जगह मा पिता परमेश्वर का संमणी ग्यूं च।

यूहन्ना 10:7

तब यीशु ल ऊंमा फिर बोलि, मि तुम मा सच-सच बुल्ण छों, कि ढिबरों कु द्वार मि छौं।

1 यूहन्ना 4:2

पिता परमेश्वर का आत्मा तैं तुम इन ही कै पछांण सकदियां, कि जु कुई आदिम मणी लींद, कि यीशु मसीह मनिख बंणि के ऐ, उ पिता परमेश्वर की तरपां बट्टी ऐ।

1 पतरस 3:18

मि यु बुल्दो किलैकि मसीह ल भि हमारा पापों का कारण दुःख सै अर मोरि गै। उ भस एक बार मोरि अर दुबरा वे तैं मुरणै की जरूरत नि च। उ एक धर्मी आदिम छो जु पापी लुखुं कु मोरि की उ हम तैं पिता परमेश्वर मा लै साको। ऊंल वेकी देह तैं मारि दींनि पर वे तैं पवित्र आत्मा की सामर्थ बट्टी दुबरा ज्यूँदो किये गै।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

लूका 23:45

अर सूरज कु उज्यलो चलि गै अर यरूशलेम शहर का मन्दिर मा लटकयूँ मोटू परदा बीच मा द्वी भाग मा फटि गै।

मरकुस 15:38

अर यरूशलेम शहर का मन्दिर मा लटकयूँ मोटू परदा जु परमेश्वर की उपस्थित मा जांण से रुकदो छो मथि बट्टी मूड़ि तक फटी के द्वी टुकड़ा हवे गै।

मत्ती 27:51

अर देखा यरूशलेम शहर का मन्दिर मा लटकयूँ मोटू परदा जु परमेश्वर की उपस्थित मा जांण से रुकदो छो मथि बट्टी मूड़ि तक फटी के द्वी टुकड़ा हवे गै अर धरती हिलि गै अर चट्टान तड़कि गैनी।

2 यूहन्ना 1:7

मि यु इलै बुल्णु छो, किलैकि भौत सैरा लोग जु झूठी शिक्षा दींदिनि उ ईं दुनिया मा ऐ गैनी। जु कुई यु नि मणद की यीशु मसीह एक मनिख का रूप मा ईं दुनिया मा ऐ गै, त उ आदिम मसीह को बैरी च जु लुखुं तैं सदनी धोखा दींद।

इफिसुस 2:15

सूली पर मसीह कि मृत्यु का कारण, वेल मूसा कि व्यवस्था की पूरी रीति तैं खत्म कैरी दींनि। इन कन मा मसीह कु लक्ष्य द्वी अलग-अलग झुण्ड बट्टी एक नयो झुण्ड बनांणु कु छों जु वे बट्टी जुड़यूं छों,