इब्रानी 10:1 - गढवली नयो नियम

¹ मूसा की व्यवस्था की पुरणी रीति भविष्य मा आंण वला चीजों की भस एक तस्वीर छै, न कि ऊं अच्छी चीजों की हकीकत जु मसीह ल हम कु कैरी; पुरणी रीति का अधीन चढै जांणवला बलिदान साल हर साल बार-बार चढै जांदा छा, पर उ, ऊं लुखुं तैं पूरी रीति से शुद्धता प्रदान कना का लैक नि छो, जु परमेश्वर की आराधना कनु कु वेका नजदीक औंदींनि।

Garhwali

¹ दगड़्यों, जु नियम-कानून परमेस्वर का रैबर्या मूसा का द्‍वारा दिये गैनी वु त औण वळा बगत मा भली चीजों को एक नमूना छौ। अर छैल वळी चीज खुद भली नि ह्‍वे सकदिन, किलैकि यहूदी लोगु द्‍वारा हरेक साल बलिदान चड़ये जनदिन, त फिर जु लोग पिता परमेस्वर का पास औन्दिन ऊ कनकै शुद्ध ह्‍वे सकदिन।

इब्रानी 10:1 Referans Kwoze

इब्रानी 8:5

जु याजक का रूप मा उ काम करदींनि, उ भस वेकी एक नकल च जु स्वर्ग म च, पर यु उन नि च जन स्वर्ग म च, किलैकि जब मूसा मिलाप वला तम्बू तैं बनांणु कु तैयार हूंणु छो, तब पिता परमेश्वर ल वे तैं या चेतावनी द्ये, “देख स्वर्गीय मन्दिर कु जु नमूना त्वे तैं पोड पर दिखै गै छो, वेका हिसाब से सभि कुछ बणौ।”

इब्रानी 9:11

पर जब मसीह महायाजक हवे के ऐ, जु नई वाचा की सभि अच्छी-अच्छी चीजों तैं दींद, जु पैली बट्टी ही छै, त वेल और भि जादा महान अर मिलाप वला तम्बू मा प्रवेश कैरी; यु मनिख्युं द्वारा नि बणै गै अर ई दुनिया बट्टी जुड़ियूं नि च।

कुलुसी 2:17

किलैकि यु सभि बात त आंण वलि बातों कु छैल च पर भली चीज त मसीह की ही छिनी।

इब्रानी 9:23

इलै यु जरूरी छो कि मिलाप वला तम्बू अर वेमा की सभि चीजों तैं विधि का अनुसार शुद्ध कनु कु पशुबलि दिए जौं अर यु स्वर्ग की चीजों की नकल च; पर स्वर्ग मा कि ऊं चीजों तैं विधि अनुसार साफ कनु कु, जानवरों का ल्वे बट्टी जादा बढ़िया बलिदान की जरूरत छै।

इब्रानी 9:25

महायाजक हर साल एक जानवर कु ल्वे का दगड़ी परम पवित्र जगह मा जांद छो; पर मसीह अपड़ा आप तैं बार-बार बलिदान चढ़ौणु कु नि गै। जु वे तैं इन कन पुड़दो त फिर वे तैं दुनिया की रचना का बगत बट्टी कई बार दुःख उठांण पुड़दो; पर अब ई आखरी दुनिया मा, मसीह हम कु अपड़ा बलिदान की मौत का द्वारा पाप की शक्ति तैं हमेशा कु मिटाणु कु एक बार सभियूं कु प्रकट हवे।

रोमियों 8:3

किलैकि जु काम मूसा कि व्यवस्था हमारा पापमय स्वभाव बट्टी कमजोर हवे कै नि कैर साकी, वे तैं पिता परमेश्वर ल कैरी, मतलब अपड़ा ही नौंना मसीह यीशु तैं हमारा पापी देह का समान बणै के, अर हमारा पापों कु बलिदान हूंणु कु भेजि द्ये अर अपड़ा नौंना का देह का बदला मा पिता परमेश्वर ल पाप सामर्थ तैं तोड़ी द्ये।

इब्रानी 7:11

लुखुं तैं याजकों की रीति का आधार पर ही मूसा की व्यवस्था दीं छै जब लेवी गोत्र का हारुन बट्टी ए छै, पर ऊं तैं उ ही रीति का द्वारा सिद्ध नि बणये गयै छो; इलै एक और याजक का आंणै की जरूरत छै, एक इन याजक जु हारुन का जन न बल्कि मलिकिसिदक याजक का जन हो।

इब्रानी 10:22

त आवा हम; मसीह का ल्वे बट्टी छिड़कौ का द्वारा हमारा हृदय का अपराधों तैं दूर कैरा अर अपड़ा देह तैं शुद्ध पांणी बट्टी धवा जैका द्वारा हम तैयार किये जांदा; इलै अब आवा, चला हम सच्चा हृदय अर मजबूत विश्वास का दगड़ी पिता परमेश्वर का नजदीक जां।