गलातियों 6:16 - गढवली नयो नियम

¹⁶ इलै जु लोग पिता परमेश्वर की आज्ञा तैं मणदींनि, पिता परमेश्वर ऊं सभि लुखुं पर दया कैरो अर ऊं तैं शान्ति द्यो, ऊं तैं जु पिता परमेश्वर का द्वारा चुणयां लोग छिनी अर ऊं जौं तैं उ इस्राएल बुल्द।

Garhwali

¹⁶ अर जथगा भि लोग ये नियम पर चलला, वु ही पिता परमेस्वर का सच्‍चा लोग छिन अर वेकी शान्ति अर वेकी दया ऊं पर होणी राली।

गलातियों 6:16 Referans Kwoze

गलातियों 3:29

किलैकि जु तुम मसीह मा एक छा, त अब तुम अब्राहम का वंशज का हिस्सा छा, अर तुम तैं उ सभि कुछ मिललो, ज्यांको पिता परमेश्वर ल अब्राहम बट्टी करार कैरी छै।

फिलिप्पी 3:3

किलैकि पिता परमेश्वर का सच्चा लोग व खतनावला हम ही छा, जु पिता परमेश्वर की आराधना वेकी आत्मा का द्वारा करदींनि अर अपड़ा जीवन मा मसीह यीशु का दगड़ा मा जुड़ी कै खुशी हूंदींनि, अर अपड़ा खुद का मानवीय कोशिशों पर निर्भर नि हूंदींनि।

रोमियों 4:12

अर अब्राहम खतना करयां लुखुं कु पूर्वज च, जु न भस खतना पर आस रखदा हो, पर जौं मा उन ही विश्वास हो, जन हमारा पूर्वज अब्राहम कु छो, जु वेल खतना कन से पैली कैरी छो।

यूहन्ना 1:47

यीशु ल नतनएल तैं अपड़ी तरपां औंण देखि कै वेका बारा मा बोलि, देखा यु इस्राएल का लुखुं का घराना कु विश्वासयोग्य वंशज च जु पूरा ढंग से ईमानदार च।

फिलिप्पी 3:16

इलै हम तैं सचै ल जींण चयणु च जै तैं पिता परमेश्वर ल हम पर प्रगट कैरी।

गलातियों 5:25

किलैकि पिता परमेश्वर की पवित्र आत्मा ल हम तैं एक नयो जीवन दींनि, इलै हम तैं अपड़ा जीवन तैं पवित्र आत्मा की अगुवे का अनुसार जींण चयणु च।

गलातियों 5:16

पर मि तुम बट्टी बुल्णु छों, कि तुम पवित्र आत्मा तैं अपड़ा जीवन मा अगुवे कन द्या। तब तुम अपड़ा पापमय शारीरिक लालसाओं का अनुसार जीवन नि जीला।

यूहन्ना 16:33

मिल यु बात तुम मा इलै बोलि कि तुम तैं मेरा कारण शान्ति मिलो; दुनिया मा तुम तैं क्लेश हूंद, पर ढाडस बांधा, मिल ये दुनिया मा राज्य कन वला का मथि जीति हासिल कैरेले।”

यूहन्ना 14:27

मि तुम तैं शान्ति दींणु छौं, अपड़ी शान्ति तुम तैं दींणु छौं” यु उ शान्ति नि च जु दुनिया दे सकदु च; तुमारो मन परेशान नि हो अर न डैरो।

फिलिप्पी 4:7

तब पिता परमेश्वर कि शान्ति, ज्वा मनिख का सैरी समझ बट्टी भैर च, तुमारा ह्रदय अर तुमारा विचारों तैं मसीह यीशु मा सम्भालि के रखली।

गलातियों 1:3

मि प्रार्थना करदु कि हमारा पिता परमेश्वर अर प्रभु यीशु मसीह तुम तैं कृपा अर शान्ति द्यो।

रोमियों 1:7

या चिट्ठी रोम शहर मा रौंण वला ऊं सभियूं का नौं च जु परमेश्वर का प्रिय छिनी, अर पवित्र लोग हूंणु कु बुलै गैनी हमारा पिता परमेश्वर अर प्रभु यीशु मसीह कि तरपां बट्टी तुम तैं कृपा अर शान्ति मिलदी रौ।

इफिसुस 6:23

मि हमारा पिता परमेश्वर बट्टी अर प्रभु यीशु मसीह बट्टी प्रार्थना करदु कि उ तुम विश्वासियों तैं शान्ति द्यां, उ इन कैरा कि तुम एक दुसरा बट्टी प्रेम कैरा अर मसीह पर हमेशा विश्वास करदी रावा।

1 पतरस 1:3

हमारा प्रभु यीशु मसीह का पिता परमेश्वर को धन्यवाद हो, पिता परमेश्वर ल हमारा प्रति अपड़ी बड़ी दया ल हम तैं एक नयो जीवन दये। किलैकि पिता परमेश्वर ल यीशु मसीह तैं मुर्दों बट्टी ज्यून्दो कैरी, वेल हम तैं भौत आत्मविश्वास का दगड़ी जीवन जींणा का योग्य बणै; मतलब यु कि ऊं चीजों तैं पांणै की पूरी आस कैरी सकदां जु वेल हम तैं दींणों को वादा कैरी,

यहूदा 1:2

मि प्रार्थना करदु कि पिता परमेश्वर तुम तैं दया, शान्ति अर प्रेम बहुतायत ल दयालो।