गलातियों 6:14 - गढवली नयो नियम

¹⁴ मि सूली पर हमारा प्रभु यीशु मसीह की मौत का अलावा कभी भि कै हैंकी बात पर बड़ो मोन नि कन चांदु। अर ईं दुनिया की कै भि चीज कु मि तैं कुई लालच नि च, अर मि मा अब दुनिया का कामों तैं कने की कुई इच्छा नि च।

Garhwali

¹⁴ अर अब या दुनियां मेरी नजर मा मोरि गै अर मि ईं दुनियां खुणि मोरि ग्यों, किलैकि मि खुणि केवल प्रभु यीशु मसीह की क्रूस ही च जिं का खातिर मि बड़ु मोन करदु।

गलातियों 6:14 Referans Kwoze

रोमियों 6:6

किलैकि हम जंणदा छा कि हमारो पुराणो पापमय स्वभाव मसीह यीशु का दगड़ी सूली पर चड़ाये गै, कि हमारी देह मा पापमय स्वभाव नाश हवे जौं, अर हम अगनैं कु पाप का गुलामी मा नि रां।

गलातियों 2:20

मि मसीह का दगड़ी सूली पर चड़ैये ग्यों अर मि नि रौं जु अब भि ज्यूंदों च, बल्कि उ मसीह च जु मि मा ज्यूंणु च। अर जन के मि ज्यूंणु छों अब मि पिता परमेश्वर का नौंना पर विश्वास कैरी कै ज्यूँदो छौं, जु मि बट्टी इथग प्रेम करदो कि वेल मेरा खातिर अपड़ी जान दे दींनि।

1 कुरिन्थि 2:2

किलैकि मिल यु ठांणेलि छो, कि मि यीशु मसीह अर सूली पर वेकी मौत का अलावा कै भि और बात तैं नि जांणु।

फिलिप्पी 3:3

किलैकि पिता परमेश्वर का सच्चा लोग व खतनावला हम ही छा, जु पिता परमेश्वर की आराधना वेकी आत्मा का द्वारा करदींनि अर अपड़ा जीवन मा मसीह यीशु का दगड़ा मा जुड़ी कै खुशी हूंदींनि, अर अपड़ा खुद का मानवीय कोशिशों पर निर्भर नि हूंदींनि।

रोमियों 1:16

किलैकि मि तैं मसीह का बारा मा शुभ सन्देश पर पूरो भरोसो च, शुभ संदेश बट्टी ही पिता परमेश्वर ल शुरुआत मा यहूदी लुखुं कु उद्धार कैरी अर फिर यूनानी अन्यजाति अर अब सभि लुखुं कु उद्धार करदो अर य ही पिता परमेश्वर की सामर्थ च।

गलातियों 5:24

उ लोग जु उद्धारकर्ता यीशु मसीह पर विश्वास करदींनि, ऊंल अपड़ा जीवन का पापों तैं अर बुरी अभिलाषाओं तैं सूली पर चढ़ै यले।

1 कुरिन्थि 3:21

इलै एक अगुवा कु बुल्युं मनणु का बारा मा बड़ो मोन कन बंद कैरा, किलैकि पिता परमेश्वर ल तुम तैं सब कुछ तुम्हरी ही भलै कु दयूं च।

1 कुरिन्थि 15:58

इलै हे विश्वासी भयों, अपड़ा विश्वास मा मजबूत रावा अर गलत शिक्षाओं का द्वारा नि भटका, प्रभु कु जु काम तुम कना छा वेमा हमेशा बढ़णा रावा, अर यु जांणा, कि जु कुछ भि तुम प्रभु कु करीला वेको ईनाम तुम तैं जरुर मिललो।

गलातियों 1:4

हमारा परमेश्वर अर पिता की मनसा का अनुसार मसीह यीशु ल अपड़ा आप तैं हमारा पापों का कारण बलिदान कैरी दींनि, कि उ हम तैं ऊं बुरी शक्तियों बट्टी छुड़ो जु आज दुनिया मा काम कनी छिनी।

1 कुरिन्थि 1:23

पर हम त वे सूली पर चढ़यां मसीह कु प्रचार करदां, जु यहूदियों का बीच ठोकर कु कारण, अर अन्यजातियों का बीच मूर्खता च।

रोमियों 6:2

न! बिल्कुल न! हम पाप कु मोरि ग्यां, अर इलै हम तैं पापमय काम नि कन चयणा छिनी।

2 कुरिन्थि 11:12

पर जु मि करदु, उन ही करदी रौलु; कि मि ऊं झूठा प्रेरितों तैं हमारा बराबर समझै जांणो कु मौका मिलण से रुकु; उ सच मा यु मौका चयदींनि कि साबित कैर साका कि उ यु दावा कन मा सै छिनी कि उ हमारा बराबर छिनी।

लूका 20:16

उ ऐ के ऊं किसानों तैं बुरी रीति बट्टी नाश करलो अर अंगूर का बगिचा का ठेका और किसानों तैं दयालो, जु बगत पर वे तैं फल दींणा राला, यु सूंणि के ऊंल लुखुं कु बोलि, “परमेश्वर कैरो त इन नि हो।”

गलातियों 2:17

कुछ यहूदी सुचणा छिनी कि हम ल पाप कैरी, किलैकि हम मूसा की व्यवस्था कु पालन कन का बजाय, धर्मी ठैरे जांण कु मसीह पर भरोसा करदा। त क्य यांकू मतलब यु च कि मसीह ल हम बट्टी पाप किये? न! बिल्कुल न!

गलातियों 2:19

मि समझदु छों की मूसा की व्यवस्था कु पालन कन मा मि धर्मी घोषित नि हुलु। इलै मि इन मंणदु छों कि मि मूसा की व्यवस्था का बारा मा मोरि ग्यों कि मि पिता परमेश्वर कु मसीह मा ज्यूँदो रौं।

गलातियों 3:21

त यांको मतलब यु च कि मूसा की व्यवस्था पिता परमेश्वर का करार का खिलाफ च? न! बिल्कुल न! किलैकि जु मूसा का कानून हम तैं अनन्त जीवन दे सकदा, त हम यांको पालन कैरी के पिता परमेश्वर का दगड़ी धर्मी ठैरे जै साका।

फिलिप्पी 3:18

किलैकि भौत सी लोग इन ही जीवन बसर करदींनि, जौं का बारा मा मिल तुम तैं कथगि बार बतै अर अभि भि रौवे-रौवे के बुल्णु छौं, कि उ अपड़ा बुरा बरतौ ल दिखौंदींनि जीं वजह से मसीह सूली पर मोरि उ वेको विरोध करदींनि।

कुलुसी 2:20

किलैकि तुम्हरो पापमय स्वभाव मसीह का दगड़ा मोरि गै, इलै अब तुम तैं ईं दुनिया का ज्ञान अर बेकार की बातों तैं मनणै की जरूरत नि च। त फिर तुम किलै अभि भि यूं शिक्षाओं कु पालन करदा, जन कि अभि भि दुनिया तुम तैं नियंत्रित कनी हो?