गलातियों 5:24 - गढवली नयो नियम

²⁴ उ लोग जु उद्धारकर्ता यीशु मसीह पर विश्वास करदींनि, ऊंल अपड़ा जीवन का पापों तैं अर बुरी अभिलाषाओं तैं सूली पर चढ़ै यले।

Garhwali

²⁴ अर जौं लोगु न यीशु मसीह पर बिस्वास कैरी ऊंन अपणा सभौ अर अपणा सरील की इच्छाओं तैं यीशु मसीह का दगड़ा मा क्रूस पर चड़ैयालि।

गलातियों 5:24 Referans Kwoze

रोमियों 6:6

किलैकि हम जंणदा छा कि हमारो पुराणो पापमय स्वभाव मसीह यीशु का दगड़ी सूली पर चड़ाये गै, कि हमारी देह मा पापमय स्वभाव नाश हवे जौं, अर हम अगनैं कु पाप का गुलामी मा नि रां।

रोमियों 13:14

पर प्रभु यीशु मसीह तुम्हरो कवच बंणि जौं, जैका द्वारा तुम्हरी रक्षा हवे साको, अर पापी स्वभाव की इच्छाओं तैं पूरी कने की कोशिश नि कैरा।

रोमियों 8:13

किलैकि जु तुम अपड़ा पापमय स्वभाव का अनुसार ज्यून्दा, त आत्मिक मृत्यु का अनुसार मुरला, पर जु आत्मा की सामर्थ का द्वारा तुम उ कन बंद कैरी दींद जु तुम्हरो पापमय स्वभाव चांद, त ज्यूंदा रैल्या।

रोमियों 8:9

पर जबकि परमेश्वर कु पवित्र आत्मा तुम मा वास करदो, त तुम पापमय स्वभाव का काबू मा नि छा, पर पवित्र आत्मा का काबू मा छा। जु कै मा मसीह कु आत्मा नि च त उ मसीह बट्टी सम्बन्धित नि च।

गलातियों 6:14

मि सूली पर हमारा प्रभु यीशु मसीह की मौत का अलावा कभी भि कै हैंकी बात पर बड़ो मोन नि कन चांदु। अर ईं दुनिया की कै भि चीज कु मि तैं कुई लालच नि च, अर मि मा अब दुनिया का कामों तैं कने की कुई इच्छा नि च।

1 पतरस 2:11

हे प्रियों मि तुम बट्टी बिनती कनु छो कि तुम ई दुनिया मा परदेसियों अर यात्रियों का जन रौंणा छा। मि तुम बट्टी बिनती कनु छो कि ऊं सैरी पापमय शारीरिक इच्छाओं बट्टी बचा किलैकि उ तुम्हरा अपड़ा आत्मा का विरुद्ध हमेशा लड़दी रौंद।

1 कुरिन्थि 3:23

अर तुम मसीह का अधिकार का अधीन छा, अर मसीह पिता परमेश्वर का अधिकार का अधीन च।

2 कुरिन्थि 10:7

तुम भैरा का दिखावा तैं दिखदा, जु आँखों का संमणी च, जु कै कु अपड़ा आप पर यु भरोसो हो, कि मि मसीह कु छो, त उ यु भि जांणि ल्यो, कि जन उ मसीह कु च, उन ही हम भि मसीह का छा।

गलातियों 3:29

किलैकि जु तुम मसीह मा एक छा, त अब तुम अब्राहम का वंशज का हिस्सा छा, अर तुम तैं उ सभि कुछ मिललो, ज्यांको पिता परमेश्वर ल अब्राहम बट्टी करार कैरी छै।

1 कुरिन्थि 15:23

पर हर आदिम एक ठिक ढंग से ज्यूँदो किये जालो; मसीह पैलो आदिम छो, जै तैं ज्यूँदो किये गै; फिर जब मसीह वापिस आलो त उ सभि जु वे पर विश्वास करदींनि ऊं तैं दुबारा ज्यूँदो किये जालो।

गलातियों 5:20

मूर्तिपूजा, जादु-टोंणा, अपड़ा दगड़ियों दगड़ी घींण, एक हैंका दगड़ी झगड़ा, जलन, गुस्सा, विरोध, फूट, अधर्म

1 कुरिन्थि 6:13

मि एक विश्वासी छों, इलै मि तैं सब कुछ खांणै की आजादी त च, खांणु हमारा देह कु, अर पुटगो खांणु कु, यु सच च पर पिता परमेश्वर हमारा पुटगा अर खांणु दुयूं तैं नष्ट कैरी दयालो, देह व्यभिचार कु नि, हम तैं अपड़ा देह कु इस्तेमाल ऊं कामों कु कन चयणु च जु प्रभु चांद, अर हमारी देह भि प्रभु कु ही च।

गलातियों 2:20

मि मसीह का दगड़ी सूली पर चड़ैये ग्यों अर मि नि रौं जु अब भि ज्यूंदों च, बल्कि उ मसीह च जु मि मा ज्यूंणु च। अर जन के मि ज्यूंणु छों अब मि पिता परमेश्वर का नौंना पर विश्वास कैरी कै ज्यूँदो छौं, जु मि बट्टी इथग प्रेम करदो कि वेल मेरा खातिर अपड़ी जान दे दींनि।

गलातियों 3:26

जब तुम तैं मसीह का नौं बट्टी बपतिस्मा दिये गै, त तुम ल मसीह मा नयो जीवन तैं पैरी, जन एक आदिम नया कपड़ोंं तैं पैरदो। इलै, तुम सभि पिता परमेश्वर की संतान बंणि ग्यां जब तुम ल यीशु मसीह पर विश्वास कैरी।

गलातियों 3:28

मसीह मा, अब न त कुई यहूदी च अर न (यूनानी) अन्यजाति च, न त कुई गुलाम च, अर न आजाद, अर न कुई आदिम च अर न जनन, किलैकि तुम सभि यीशु मसीह मा एक छा।

इफिसुस 3:1

किलैकि पिता परमेश्वर ल खुद अन्यजातियों कु यु सब कैरी, मि पौलुस, तुम कु प्रार्थना करदु। मि जेल मा छों किलैकि मि तुम कु मसीह यीशु कि सेवा करदु छों।

इफिसुस 3:6

यु परमेश्वर कि योजना च कि यीशु मसीह का शुभ सन्देश का दगड़ी हमारो जुड़णों कु कारण अन्यजाति, यहूदियों का जन उ ही आशीषों तैं पाला, अर उ अब एक देह मा कठ्ठा मण्डलि च, कि पिता परमेश्वर का करयां वादा मा हकदार हो।

इफिसुस 3:11

परमेश्वर ल पड़ी अनन्त योजना का अनुसार इन कैरी, जु वेल हमारा प्रभु यीशु मसीह का द्वारा पूरी कैरी छै।

कुलुसी 2:11

जब तुम ल मसीह पर विश्वास कैरी, त तुम्हरो खतना मनिख्युं द्वारा नि किये गै जन यहूदी करदींनि पर उ खतना हवे जु मसीह का द्वारा किये गै, जु कि तुम्हरो पापमय स्वभाव तैं काटि कै दूर करद।