गलातियों 5:21 - गढवली नयो नियम

²¹ एक-हैंका का प्रति जलन रखदींनि, उ पियक्कड़ (नशा मा) हवे जयदींनि, उ, ऊं दावतों मा जंदींनि जख लोग अपड़ी भूख तैं अपड़ा काबू मा नि रखि सकदींनि, अर उ इन कै दुसरा सभि बुरा काम करदींनि। मि तुम तैं चितांणु छो जु मिल तुम तैं पैली भि चितै छो, कि इन-इन कामों तैं कन वला पिता परमेश्वर का राज्य का वारिस नि होला।

Garhwali

²¹ अर खार खाण, दरोळया होण, गुलछरा उड़ौण, अर इन्‍नि और भि बात छिन। अर अभि भि मि तुमतै यों सब बातों का बारा मा उन्‍नि चितौणु छौं जन मिन तुमतै पैलि चितै छौ, कि जु लोग इन्द्रया काम करदिन वु परमेस्वर का राज का हकदार नि होला।

गलातियों 5:21 Referans Kwoze

रोमियों 13:13

आवा हम अपड़ा चाल-चलन तैं ठिक कन शुरू कैरी द्यां, ऊं लुखुं का जन जु उज्यला मा रौंदींनि अर अंधेरा मा न; न की लीला-क्रीडा, अर न पियक्कड़पन, न व्यभिचार, अर लुचापन मा, अर न झगड़ा, अर न जलन मा।

रोमियों 8:13

किलैकि जु तुम अपड़ा पापमय स्वभाव का अनुसार ज्यून्दा, त आत्मिक मृत्यु का अनुसार मुरला, पर जु आत्मा की सामर्थ का द्वारा तुम उ कन बंद कैरी दींद जु तुम्हरो पापमय स्वभाव चांद, त ज्यूंदा रैल्या।

इफिसुस 5:18

अर दाखमधु तैं पी कै धूत नि बंणयां रावा, किलैकि यु लुखुं कु रुखा, बेकाबू ढंग बट्टी बरतौ कनु कु कारण बणद, बल्कि पवित्र आत्मा तैं तुम तैं काबू मा कन द्यां।

1 कुरिन्थि 5:11

पर मेरू बुल्ण इन च, कि जु कुई अपड़ा आप तैं विश्वासी बुल्ण वलो हो अर व्यभिचारी, य लोभि, य मूर्तियों तैं पुजण वलो, य गल्ली दींण वलो, य पियक्कड़, य धोखा दींण वलो हो त वेको दगड़ो नि करयां बल्कि इन मनिख का दगड़ा मा खांणु भि नि खैयां।

दिब्य दरस 21:27

पर कुछ भि दुष्ट वे शहर मा प्रवेश नि करलो। कुई भि जु तुच्छ काम करद या जु झूठ बुल्द उख प्रवेश नि करलो। उख भस उ ही लोग प्रवेश कैर सकदींनि जैको नौं चिनखा की जीवन की किताब (चाम्रपत्र) मा लिख्युं च, इख उ किताब च जौं मा ऊं लुखुं का नौं छिनी जौं मा अनन्त जीवन च।

1 पतरस 4:3

पिछला बगत मा तुम ल उ सब कन मा भौत बगत बर्बाद कैरी जै तैं कैरी के गैर-विश्वासी खुश हूंदींनि, तुम्हरो जीवन अनैतिकता अर वासना, ऊंका खांणु अर पियक्कड़पन अर असभ्य दावतों, अर ऊंकी मूर्तियों की पूजा मा व्यतीत हूंणु च जै बट्टी पिता परमेश्वर घृणा करद।

कुलुसी 3:6

यूं ही बातों का कारण पिता परमेश्वर कु गुस्सा आज्ञा नि मणन वलो पर पुड़दो।

1 थिस्सलुनीकी 5:7

किलैकि जु सींदा छिनी, उ राती कु ही सिंदींनि, अर जु नशा मा मतवला हूंदींनि, उ राती कु ही मतवला हूंदींनि।

1 कुरिन्थि 15:50

हे विश्वासी भयों, मि यु बुल्दो, ईं धरती पर हमारी देह अर मांस अर ल्वे बट्टी बणयां छिनी; हम स्वर्ग मा पिता परमेश्वर का राज्य मा अपड़ी ईं देह का दगड़ी रै नि सकदियां जु मोरि जांद, किलैकि उख कुई मौत नि च।

दिब्य दरस 22:15

पर उ जु बुरा काम करदींनि, टूणा, व्यभिचारी, हत्यारा, मूर्ति पुजण वला, हर एक झूठ तैं चांण वला अर उ जु झूठ बुल्दींनि, उ कभी भि शहर मा प्रवेश नि कैर सकदींनि।

मत्ती 25:34

तब राजा अपड़ी दैंणि तरपां वलो बट्टी बुललो, “हे मेरा बुबा का धन्य लुखुं आवा वे राज्य का अधिकारी हवे जा जु दुनिया का पैली बट्टी तुम कु तैयार करयूं च।”

लूका 21:34

इलै सचेत रावा इन नि हो कि तुमारा मन खुमारि अर मतवला पन अर यु जीवन कि चिन्ता फिकर सुस्त हवे जौनु अर उ दिन तुम पर फंदा कि तरौं अचाणचक ऐ जौं।

इब्रानी 13:4

ब्यो सभियूं मा आदर की बात समझी जौं, अर हमेशा आदिम अर वेकी जनन एक दुसरा का प्रति ईमानदार बणयां रावा; किलैकि पिता परमेश्वर व्यभिचारियों, अर परस्त्रीगामियों कु न्याय करलो।

2 थिस्सलुनीकी 2:5

नि भूला कि मि हमेशा तुम तैं य बात बतौंदु छो, जब मि तुम दगड़ी छो।