गलातियों 5:13 - गढवली नयो नियम

¹³ हे विश्वासी भयों, तुम तैं पिता परमेश्वर का द्वारा आजाद हूंणु कु बुलै गै छो अर इलै अब तुम तैं मूसा की व्यवस्था तैं मनणै की जरूरत नि च; पर यूं तैं अपड़ी पापमय शारीरिक इच्छाओं तैं पूरो कनु कु मौका नि बणा, बल्कि एक-दुसरा बट्टी प्रेम कैरा अर एक-दुसरा की सेवा कैरा।

Garhwali

¹³ हे मेरा भै-बैंणो, तुमतै आजादी को जीवन जीणु खुणि बुलये गै। अर ईं आजादी को इस्तेमाल तुम अपणा सरील की इच्छा तैं पूरि करणु खुणि नि लगा, बल्किन मा ईं आजादी को इस्तेमाल प्यार से एक-दुसरे की सेवा करण मा लगा।

गलातियों 5:13 Referans Kwoze

1 पतरस 2:16

तुम कु इन कुई भि नि च जु तुम तैं उ कन से रोक साको जु तुम कन चदयां किलैकि तुम हमारा प्रभु यीशु मसीह का द्वारा पैली ही आजाद करे ग्यां। पर बुरा काम कनु कु यु तैं एक बहाना नि बणा। पर तुम तैं अपड़ा कामों का द्वारा दिखांण चयणु च कि तुम सच मा पिता परमेश्वर का सेवक छा।

1 कुरिन्थि 9:19

यांको मतलब यु च कि मि लुखुं की आज्ञा मनणु कु मजबूर नि छों, भस इलै कि उ मि तैं दान दींदिनि, फिर भि मि सभियूं कु दास बंणि ग्यों, कि मि जादा से जादा लुखुं तैं मसीह पर विश्वास कनु कु लै साको।

1 कुरिन्थि 8:9

पर चौकस रावा, इन नि हो, कि तुम्हरी य आजादी कखी ऊं लुखुं कु जु विश्वास मा कमजोर छिनी ठोकर कु कारण बंणि जां।

गलातियों 5:14

किलैकि सैरी व्यवस्था कु निष्कर्ष ईं एक ही बात मा पूरो हवे जांद, “तु अपड़ा पड़ोसी बट्टी अफ जन प्रेम रख।”

इफिसुस 5:21

अर हम मसीह का प्रति श्रद्धा-भक्ति रखण का कारण एक दुसरा का अधीन रावा।

गलातियों 6:2

अजमैश का बगत एक-हैंका की मदद कना रावा अर इन कै तुम यीशु मसीह की शिक्षाओं (व्यवस्था) तैं मणदियां अर वे तैं पूरो करदा।

यहूदा 1:4

मि तुम तैं लिखणु छो किलैकि कुछ ईश्वररहित लोग जु गलत सिद्धांत सिखौंदींनि, उ हमारी जानकारी का बगैर हमारा बीच मा छिपी के ऐ गैनी। यु उ लोग छिनी जौका बारा मा पिता परमेश्वर ल कई पीढ़ियों पैली अपड़ा वचन मा बोलि छो, कि उ ऊं तैं दण्ड दयालो। उ पिता परमेश्वर की दया का बारा मा हमारा संदेश तैं बिगड़दींनि, कि यौन सम्बन्धी दुष्ट बरतौ कनु को बहाना बणै साका। उ हमारा एकमात्र स्वामी अर प्रभु यीशु मसीह तैं भि अस्वीकार करदींनि।

2 पतरस 2:19

झूठा शिक्षक लुखुं तैं बतौंदींनि कि उ जु कुछ भि कन चयदींनि वे तैं कनु कु आजाद छिनी, जबकि उ खुद गुलामों का जन छिनी किलैकि ऊंको अपड़ो पापमय स्वभाव ऊं तैं पाप वला काम कनु कु मजबूर करद। किलैकि जु कुछ भि तुम तैं वश मा करद तुम वेका दास बंणि जन्द्यां।

2 कुरिन्थि 4:5

किलैकि हम अपड़ो न, पर मसीह यीशु कु प्रचार करदा, कि यीशु मसीह ही प्रभु च; अर हम यीशु का कारण ही तुम्हरा सेवक छा।

खास चेलों 20:35

मिल तुम तैं सभि कुछ कैरी के दिखै, कि कनके मेहनत कैरी के कमजोर लुखुं तैं सम्भलण चयणु च, अर प्रभु यीशु की वचन याद रखण जरूरी च, जु कि वेल अफ ही बोलि, “लींण से दींण जादा धन्य च।”

गलातियों 5:22

उ बरतौ जु पिता परमेश्वर का पवित्र आत्मा का द्वारा पैदा हूंद, उ यूं छिनी, प्रेम, आनन्द, शान्ति, धीरज, अर दया, भलै, अर दूसरों का प्रति विश्वासयोग्य हूंण,

लूका 4:18

परमेश्वर की आत्मा मि पर च इलै की वेल कंगालों तैं शुभ संदेश सुणौंणु कु मेरू अभिषेक कैरी अर मि तैं इलै भेजि कि कैदियों तैं छुटकारा कु अर अंधों तैं आंखा दींणु कु शुभ सन्देश प्रचार कैर अर दबयां लुखुं तैं छुणौं।

गलातियों 4:22

पिता परमेश्वर का वचन मा लिख्युं च, कि अब्राहम का द्वी नौंना छा; वेका एक नौंना कु जन्म हाजिरा बट्टी हवे छो, ज्वा एक दासी छै अर दुसरा नौंना कु जन्म सारा बट्टी हवे छो, ज्वा वेकी जनन छै।

1 थिस्सलुनीकी 1:3

अर जब हम अपड़ा पिता परमेश्वर बट्टी प्रार्थना करदां, तब हम तुम्हरा ऊं कामों तैं याद करद्यां जु तुम विश्वास का कारण करदां अर विश्वासियों की मदद कनु कु जु कड़ी मेहनत करदां किलैकि तुम उ बट्टी प्रेम करद्यां, अर दुखों तैं सौंदयां किलैकि तुम प्रभु यीशु मसीह का वापिस लौटणैं की आस करद्यां।

2 कुरिन्थि 12:15

मि तुम कु भौत खुशी ल अपड़ो सभि कुछ तुम तैं दे दयुलु, बल्कि अपड़ा आत्मा तैं भि दे दयूं, मि तुम बट्टी भौत प्रेम करदु, पर इन लगद कि तुम मि बट्टी थोड़ा ही प्रेम करदा।

2 कुरिन्थि 3:17

प्रभु त आत्मा च; अर जख कखी प्रभु कु आत्मा च उख पुरणी प्रतिज्ञा बट्टी आजादी च।

गलातियों 2:4

तीतुस कु खतना नि हूंण कु यु मामला कुछ झूठा विश्वासी बणयां भयों कु एक मुद्दा बंणि गै, जु हमारी मण्डलि मा छिपी के ऐ गैनी अर वीं आजादी तैं नाश कने की कोशिश कना छा जु हमारा मुक्तिदाता यीशु मा हम तैं मिली, कि उ हम तैं दुबरा से यहूदी व्यवस्था कु गुलाम बणै साका।

गलातियों 5:1

मसीह ल हम तैं बचैयले, त अब हम तैं मूसा की व्यवस्था तैं मनणु कु गुलामों की जन जीणै की जरूरत नि च। इलै यां मा ही मजबूत बणयां रावा अर मूसा की व्यवस्था कु पालन कनु कु अपड़ा आप तैं फिर से गुलाम बनण नि द्या।

2 कुरिन्थि 2:8

इलै मि तुम बट्टी बिनती कनु छों, कि वे तैं बतावा कि तुम हकीकत मा वे बट्टी प्रेम करदा।