गलातियों 4:9 - गढवली नयो नियम

⁹ पर जब तुम पिता परमेश्वर का दगड़ी जुड़ीं ग्यां, अर पिता परमेश्वर ल हम तैं अपड़ा नौंना का रूप मा स्वीकार कैरी, त फिर तुम कमजोर अर निर्बल आदि शिक्षाओं का दास बनण कु किलै लौटणा छा? क्य तुम तैं दुबरा ऊंको ही दास बनणै की लालसा च?

Garhwali

⁹ पर अब जु तुमुन परमेस्वर तैं पछ्याणयालि, या हम इन बोलि सकद्‍यां कि तुम भि परमेस्वर का नौ से जणे जाणा छाँ, त फिर तुम किलै दुनियां की नास होण वळी ऊं बातों का जनै लौटण छाँ जु तुमतै बचै नि सकदिन? अर तुम फिर से किलै गुलामी का सेवक होण चन्द्‍यां? मेरा दगड़्यों, तुम बेकार की बातों पर अपणु मन किलै लगौन्द्‍यां?

गलातियों 4:9 Referans Kwoze

1 कुरिन्थि 8:3

पर जु कुई पिता परमेश्वर बट्टी प्रेम रखद, त पिता परमेश्वर वे आदिम तैं जंणदु च।

गलातियों 3:3

क्य तुम न समझ छा, कि तुम ल पवित्र आत्मा का द्वारा (मसीह का दगड़ी) अपड़ो नयो जीवन शुरू कैरी अर क्य अब तुम अपड़ी शक्ति बट्टी (अपड़ा जीवन तैं) खत्म कन चांणा छा?

रोमियों 8:3

किलैकि जु काम मूसा कि व्यवस्था हमारा पापमय स्वभाव बट्टी कमजोर हवे कै नि कैर साकी, वे तैं पिता परमेश्वर ल कैरी, मतलब अपड़ा ही नौंना मसीह यीशु तैं हमारा पापी देह का समान बणै के, अर हमारा पापों कु बलिदान हूंणु कु भेजि द्ये अर अपड़ा नौंना का देह का बदला मा पिता परमेश्वर ल पाप सामर्थ तैं तोड़ी द्ये।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।

2 पतरस 2:20

लोग दुनिया की दुष्टता बट्टी बच निकलीनि जब ऊंल यीशु मसीह तैं अपड़ा प्रभु अर उद्धारकर्ता का रूप मा जांणि। पर अब एक बार फिर उ बुरा काम कन मा लुप्त हवे गैनी अर उ बुरा काम अब ऊं तैं वश मा करदींनि, इलै अब मसीह तैं अस्वीकार कना का बाद ऊं की अंतिम दशा ऊंका विश्वासी बनण से पैली की स्थिति बट्टी भि बुरी हवे गै।

इब्रानी 7:18

इन ही कै, पैली मूसा की व्यवस्था उन ही कैरी साकी जु कन चयणु छो; अर यांकि कुई कीमत नि छै इलै या बदली द्ये गै।

2 तीमुथियुस 2:19

पिता परमेश्वर का लोग एक बुनियाद का जन छिनी, जु हिलदी नि च, यांका बारा मा “प्रभु जंणदु च कि वेका लोग कु छिनी” अर यु भि की “जु कुई पिता परमेश्वर की आराधना करद वे तैं बुरै कन बंद कैर दींण चयणु च।”

इफिसुस 1:17

मि प्रार्थना करदु छों, कि पिता परमेश्वर हमारा प्रभु यीशु मसीह कु महिमामय बुबा, तुम तैं आत्मा द्या जु तैं बुद्धिमान बंणै दयालो अर परमेश्वर तुम पर प्रकट करलो कि तुम वे तैं अच्छो के जांणि सका।

2 कुरिन्थि 4:6

इलै कि पिता परमेश्वर ल बोलि, “अंधेरा मा बट्टी उज्यलो चमकी” अर पिता परमेश्वर ल उज्यला का जन हमारा मनों मा समझ द्ये, कि हम पिता परमेश्वर की महिमा तैं देख सका जु यीशु मसीह मा प्रगट हूंदी।

1 कुरिन्थि 13:12

यु जीवन मा हम सब कुछ पूरा ढंग से नि समझदां। यु कै चीज तैं अप्रत्यक्ष रूप मा शीशा मा दिखण जन च। पर जब हम स्वर्ग मा जौला, त हम सब कुछ स्पष्ट रूप मा समझुला। यु कै बट्टी अमणी-संमणी बात कन जन होलो। अब हम सब कुछ जंणदा छा जु पिता परमेश्वर हम तैं सिखांण चांद। तब हम सब कुछ पूरा ढंग से जांणि जौला, जन पिता परमेश्वर हम तैं पूरा ढंग से जंणदु च।

रोमियों 8:29

किलैकि जौं तैं वेल पैली बट्टी ही चुणयली ऊं तैं पैली बट्टी ही ठैराये गै कि वेका नौंना का स्वरूप मा हो कि उ सभि विश्वासी भयों मा पैलो नौंना का जन हवे जौं।

यूहन्ना 17:3

अनन्त जीवन यु च की लोग त्वे तैं पैछणदो बल्कि भस एकमात्र सच्चो परमेश्वर तैं, अर यु की उ मि तैं जंणदु पैछणदो, बल्कि, यीशु मसीह तैं जै तैं तिल भेजि।

यूहन्ना 10:27

जन के कि मेरा ढिबरा अपड़ा असली चरवाहा की आवाज पैछणदींनि उन ही मेरा लोग मेरी बातों पर ध्यान दींदां छिन मि ऊं तैं जंणदु छौं अर उ मेरा चेला बण मेरा पिछनैं चलणां छिन

यूहन्ना 10:14

अच्छो चरवाहा मि छों जन बुबा मि तैं जंणदु च अर मि पिता परमेश्वर तैं जंणदु छौं मि अपड़ा ढिबरों तैं जंणदु छौं अर मेरी अपड़ा ढिबरा मि तैं जंणदी छिन।

मत्ती 11:27

“मेरा बुबा ल मि तैं सब कुछ दियुं च अर बुबा का बगैर कुई नौंना तैं नि जंणदु अर न ही कुई बुबा तैं जंणदु च भस नौंनो ही बुबा तैं जंणदु च अर जौं लुखुं तैं नौंनो चुणदो च उ लोग ही बुबा तैं जंणदु च।”

1 कुरिन्थि 15:34

तुम तैं अपड़ी सुध-बुध मा ठिक ढंग से सुचण चयणु च, अर पाप कन बंद कैरी दींण चयणु च; किलैकि तुम मा बट्टी कुछ कु पिता परमेश्वर का दगड़ी सै रिश्ता नि च, मि तुम तैं शर्मिन्दा कनु कु यूं बुल्णु छो।

2 कुरिन्थि 11:20

किलैकि जब तुम तैं कुई नौकर बणै लींद, या उ सभि कुछ ले लींद जु तुम मा च, या तुम तैं धोखा दींद, या अपड़ा आप तैं सुचद कि उ तुम बट्टी जादा बढ़िया च, या तुम्हरा गिचा पर थप्पड़ मरद, त तुम सै लींदियां।

गलातियों 4:3

उन ही हम भि, बच्चों का जन छा, त हम ऊं रीति-रिवाजों अर नियमों का गुलाम छा जु यु दुनिया मा छा।

लूका 5:38

पर नई दाखरस नई चमड़ा कि थैलि मा भुरदिन।