गलातियों 4:6 - गढवली नयो नियम

⁶ अर किलैकि हम वेकी संतान छा, इलै कि परमेश्वर ल अपड़ा नौंना कि पवित्र आत्मा तैं हमारा हृदय मा भेजि, जु आत्मा परमेश्वर तैं “हे बुबा, हे पिता बोलि के धै लगान्दो च।”

Garhwali

⁶ अर इन साबित करणु खुणि परमेस्वर न अपणा पुत्र की पवित्र आत्मा हमरा मनों मा भेजि, ताकि इन पता चलि जौ कि हम वेकी औलाद छां। अर आज हम पवित्र आत्मा की मदद से प्रार्थना मा पिता परमेस्वर कू “हे मेरा अब्बा, मेरा पिता” बोलि सकद्‍यां।

गलातियों 4:6 Referans Kwoze

रोमियों 5:5

अर आस बट्टी निराशा नि हूंदी, किलैकि पवित्र आत्मा जु पिता परमेश्वर ल हम तैं दीं च, वेका द्वारा परमेश्वर कु प्रेम हमारा मनों तैं अपड़ा प्रेम बट्टी भुरद।

रोमियों 8:9

पर जबकि परमेश्वर कु पवित्र आत्मा तुम मा वास करदो, त तुम पापमय स्वभाव का काबू मा नि छा, पर पवित्र आत्मा का काबू मा छा। जु कै मा मसीह कु आत्मा नि च त उ मसीह बट्टी सम्बन्धित नि च।

फिलिप्पी 1:19

किलैकि मि जंणदु छौं कि तुम्हरी प्रार्थना का द्वारा, अर यीशु मसीह का द्वारा भिज्यां पवित्र आत्मा की मदद ल यांको प्रतिफल मि कु यु हो कि मि कैद बट्टी उद्धार पौं।

इफिसुस 2:18

मसीह ल हम कु जु कैरी वेका कारण अब हम सब उ एक पवित्र आत्मा का द्वारा पिता परमेश्वर का नजदीक ऐ सकदां छा।

2 कुरिन्थि 3:17

प्रभु त आत्मा च; अर जख कखी प्रभु कु आत्मा च उख पुरणी प्रतिज्ञा बट्टी आजादी च।

इफिसुस 4:30

पिता परमेश्वर कि पवित्र आत्मा तैं अपड़ा जीवन जीणै कि ढंग से वे तैं दुखी नि कैरा, ज्यां ल तुम पर छुटकारा दिन कु परमेश्वर ल तुम पर अपड़ी मुहर लगै द्या।

यहूदा 1:20

पर हे विश्वासी भयों, तुम तैं एक-दुसरा की मदद करदी रौंण चयणु च कि ऊं पवित्र सच्चाईयों मा जौं पर तुम विश्वास करदा, एक दुसरा तैं बणै साका। तुम तैं पवित्र आत्मा की सामर्थ बट्टी मार्गदर्शन पै के प्रार्थना कन चयणी च।

यूहन्ना 16:7

फिर भि मि तुम बट्टी सच बुल्णु छौं कि मेरू जांण तुम कु अच्छो च किलैकि जु मि नि जौं त उ मददगार तुम मा नि आलो, पर जु मि जौलु, त वे तैं तुम मा भिजलु।

यूहन्ना 14:16

मि पिता परमेश्वर बट्टी प्रार्थना करुलु अर उ तुम तैं एक और मददगार दयालो की उ सदनी तुमारा दगड़ा मा रालो।

लूका 11:13

जब तुम बुरा हवे के अपड़ा नौंना तैं भलि चीज दींण जंणदा छा, त तुमारो स्वर्गीय बुबा भौत जादा बढ़ि के ऊं तैं पवित्र आत्मा दींणु कु तैयार च जु वे बट्टी मंगदो च?

यूहन्ना 15:26

मि बुबा की तरपां बट्टी एक मददगार भिजुलू उ आत्मा वे जु पिता परमेश्वर की तरपां बट्टी औंद अर जु सच्चो च वे तैं प्रगट करद जब उ आलो, त उ तुम तैं मेरा बारा मा बतालो।

लूका 11:2

वेल ऊंमा बोलि, जब तुम परमेश्वर बट्टी प्रार्थना कैरा त बोला, हे हमारा बुबा तेरु नौं सब लुखुं मा पवित्र मणै जौं अर तेरु राज्य औ।

यूहन्ना 3:34

किलैकि जै तैं परमेश्वर ल भेजि उ परमेश्वर कि बात बुल्द किलैकि यु ऊई च जै तैं परमेश्वर ल पवित्र आत्मा पूरा ढंग से दीयूं च।

1 पतरस 1:11

मसीह को आत्मा ऊंमा छो अर ऊं तैं बतांणु छो कि मसीह कन के दुःख सहलो अर फिर वे तैं बड़ो सम्मान दिये जालो। इलै ऊंल यु पता लगौंण की कोशिश कैरी कि मसीह कु होलो अर यु सब कब होलो।

इफिसुस 6:18

अर हर बगत अर हर प्रकार बट्टी जन पवित्र आत्मा अगवै करदु, प्रार्थना अर बिनती कना रावा, अर बिंज्यां रावा कि सभि पवित्र लुखुं कु हमेशा बिनती किया कैरा,

दिब्य दरस 19:10

जब मिल सूंणि जु मि बट्टी बात कनु छो, त मि वेकी आराधना कनु कु, वे आदिम का संमणी झुकि ग्यों। वेल मि कु बोलि, “मि तैं प्रणाम नि कैर।” मि भस पिता परमेश्वर को एक सेवक छो जन तू छै अर तेरा विश्वासी भयों का जन जु यीशु का द्वारा प्रकट किये गै सच्ची शिक्षाओं पर विश्वास करदींनि अर मणदींनि। भस पिता परमेश्वर ही च जै की त्वे तैं महिमा कन चयणी च। किलैकि परमेश्वर आत्मा च जु पिता परमेश्वर का लुखुं तैं यीशु का द्वारा बतये गै अर सत्य कु प्रचार कना का योग्य बणद।

इफिसुस 1:13

अर तुम दगड़ी यु ही हूंयुं च। तुम ल सच्चा शुभ सन्देश का वचन सूंणिनि जु येका बारा मा बतांद, कि पिता परमेश्वर ही तुम्हरो उद्धार कैर सकदो। जब तुम ल मसीह पर विश्वास कैरी, त पिता परमेश्वर ल अपड़ो वादा जु करयुं पवित्र आत्मा तुम तैं दे द्यां यु दिखौंणु कु कि तुम परमेश्वर का छा, अर मसीह मा, परमेश्वर ल तुम मा अपड़ी मुहर लगै द्यां।

1 कुरिन्थि 15:45

परमेश्वर का वचन मा लिख्युं च, “इन धरती कु पैलो आदिम, मतलब आदम, जीवित प्राणी बंणि” और आखरी आदिम जु मसीह च, जु अनन्त जीवन दींद।

खास चेलों 16:7

अर ऊंल मूसिया प्रान्त का नजीक पौंछि, के बितूनिया प्रान्त मा जांणै की कोशिश कैरी पर यीशु की आत्मा ल ऊं तैं जांण नि दींनि।

यूहन्ना 7:39

यीशु ल यु वचन पवित्र आत्मा का बारा मा बोलि, जै तैं विश्वास कन वला पांण वला छा किलैकि पवित्र आत्मा अभि तक नि उतरी छो, परमेश्वर ल अब तक यीशु की बड़ै तैं प्रगट नि कैरी छो।

1 थिस्सलुनीकी 4:8

इलै जु कुई भि यूं नियमों को पालन नि करद, त उ मनिख को न, पर पिता परमेश्वर को अपमान करदो, जैल अपड़ा पवित्र आत्मा तुम तैं द्ये।