गलातियों 4:4 - गढवली नयो नियम

⁴ पर जब उ बगत आलो ज्यां कि योजना पिता परमेश्वर ल बंणै छै, त पिता परमेश्वर ल खुद अपड़ा नौंना तैं ईं दुनिया मा भेजि, अर जनन ल वे तैं पैदा कैरी, अर उ एक यहूदी का रूप मा पैदा हवे अर व्यवस्था का अनुसरण करदी रै।

Garhwali

⁴ पर जब परमेस्वर को ठैर्युं बगत ऐ, त वेन अपणा पुत्र यीशु मसीह तैं ईं दुनियां मा भेजि, अर वेको जनम एक मनखि का रुप मा एक जनानि बटि ह्‍वे। अर वेको ईं दुनियां मा औण यहूदी नियम-कानूनों का अधीन मा ह्‍वे।

गलातियों 4:4 Referans Kwoze

रोमियों 1:3

यु शुभ सन्देश वेका नौंना, हमारा प्रभु यीशु मसीह का बारा मा च वेको जन्म राजा दाऊद का वंशज का परिवार मा हवे छो।

यूहन्ना 1:14

अर वचन देहधारी हवे अर दया अर सचै बट्टी पूरो हवे के हमारा बीच मा डेरो कैरी और वेकी महिमा इन छै जन बुबा (परमेश्वर) कि तरपां बट्टी अयां एकलौता नौंना की महिमा।

मरकुस 1:15

अर बोलि, “बगत पूरो हवे गै, अर परमेश्वर को राज्य नजदीक ऐ गै मन फिरावा अर शुभ सन्देश पर विश्वास कैरा।”

यूहन्ना 3:16

किलैकि परमेश्वर ल दुनिया का लुखुं बट्टी इन प्रेम रखि कि वेल अपड़ो एकलौतो नौंनो दे दींनि इलै की जु कुई मि पर विश्वास कैरो उ नष्ट नि हो पर अनन्त जीवन पौ।

मत्ती 1:23

देखा, “कि एक अणबिवाक गर्भवती होलि व एक नौंना तैं जन्म दयाली अर वेको नौं इम्मानुएल रखे जालो जै को मतलब च कि परमेश्वर हमारा दगड़ी च।”

1 यूहन्ना 4:14

अर हम ल यीशु मसीह तैं देखि अर वेकी गव्है दींणा छा कि पिता परमेश्वर ल अपड़ो नौंना यीशु मसीह तैं दुनिया का लुखुं कु उद्धारकर्ता हूंणु कु भेजि।

इफिसुस 1:10

जब ईं योजना कु पूरो कन कु बगत ऐ गै, त पिता परमेश्वर आसमान अर धरती कि सभि चीजों तैं मसीह का अधीन रालो, कि मसीह सभि चीजों कु मुखिया हो।

लूका 2:7

अर वीं ल अपड़ा पैला नौंना तैं जन्म दींनि अर वे तैं कपड़ा मा लपेटी के चौंरि मा रखि किलैकि वेकु धर्मशाला मा जगह नि छै।

रोमियों 8:3

किलैकि जु काम मूसा कि व्यवस्था हमारा पापमय स्वभाव बट्टी कमजोर हवे कै नि कैर साकी, वे तैं पिता परमेश्वर ल कैरी, मतलब अपड़ा ही नौंना मसीह यीशु तैं हमारा पापी देह का समान बणै के, अर हमारा पापों कु बलिदान हूंणु कु भेजि द्ये अर अपड़ा नौंना का देह का बदला मा पिता परमेश्वर ल पाप सामर्थ तैं तोड़ी द्ये।

लूका 1:35

स्वर्गदूत ल वीं तैं जवाब दींनि कि पवित्र आत्मा त्वे पर उतरलो अर परमप्रधान परमेश्वर कि सामर्थ त्वे पर छाया कैरेली इलै जन्म लींण वलो नौंनो पवित्र होलो अर परमेश्वर कु नौंनो जंणेली।

यूहन्ना 6:38

किलैकि मि अपड़ी मनसा न पर अपड़ा भिजण वला कि मनसा पूरी कनु कु स्वर्ग बट्टी उतरयूँ छौं

इब्रानी 2:14

किलैकि जौं तैं पिता परमेश्वर ल बच्चों कैरी के बुलै, मतलब की जु मास अर ल्वे का बणयां छिनी, यीशु हर ढंग से हम जन बंणि गै अर ऐ कि प्रभु यीशु का मृत्यु का द्वारा शैतान, जै तैं मृत्यु पर अधिकार च नाश हवे जौं।

यूहन्ना 10:36

त जब मि बुल्द, “मि परमेश्वर कु नौंनो छों त तुम मि तैं किलै बुल्दा छा, तु बुरै कनी छै।” मि उ छों पिता परमेश्वर बट्टी अलग करयुं अर वेल मि तैं जगत मा भेजि

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

रोमियों 15:8

इलै बुल्णु छों, कि ज्वा करार पुरणो तैं दिये गै छै, ऊं वादों तैं सच कनु कु मसीह, यु दिखांणु कु कि परमेश्वर विश्वासयोग्य च अर उ खतना करयां यहूदी लुखुं कु सेवक बंणि।

खास चेलों 1:7

यीशु ल ऊंमा बोलि, “ऊं बगतों अर ऊं बातों तैं जनण किलैकि उ भस मेरा पिता परमेश्वर मा ही छिनी वे तैं तय कनु को अधिकार च यु तुम तैं जनणै की जरूरत नि च।”

लूका 1:31

अर देख तु गर्भवती हवेलि अर तु एक नौंनो तैं जन्म दीलि तु वेको नौं यीशु रखि।

मत्ती 3:15

यीशु ल वे तैं यु जवाब दींनि “अब त इन ही हूंण दे किलैकि हम तैं येइ ढंग से सब धार्मिकता तैं पूरो कन ठिक च।” तब वेल ऊंकी बात मांणी लींनि।

1 यूहन्ना 4:2

पिता परमेश्वर का आत्मा तैं तुम इन ही कै पछांण सकदियां, कि जु कुई आदिम मणी लींद, कि यीशु मसीह मनिख बंणि के ऐ, उ पिता परमेश्वर की तरपां बट्टी ऐ।

इब्रानी 9:10

किलैकि व पुरणी व्यवस्था भस यूं बातों पर जुड़ीं छै मतलब य कि एक आदिम तैं क्य खांण-पीण चयणु च अर दुसरा शुद्धिकरण का बारा मा; या विधि जैको कै भि आदिम बट्टी कुछ भि लींण-दींण नि च; यु तैं तब तक अभ्यास मा रखै गयै जब तक कि एक बढ़िया व्यवस्था नि बंणि जौं।

कुलुसी 2:14

यु इन छो जन पिता परमेश्वर ल हमारा पापों का दोषपत्र तैं मिटै येले, ज्यांमा हमारा खिलाफ भंगार लिख्यां छा, जब मसीह सूली पर चढ़ै गै तब वेल वे दोषपत्र तैं पूरो हटै दींनि।

रोमियों 9:5

अब्राहम, इसहाक अर याकूब ऊंका पूर्वज छिनी, अर जख तक मनिख स्वभाव कु संबंध च, मसीह खुद एक इस्राएली छों, पिता परमेश्वर जु सब पर राज्य करदो, वेकी हमेशा कु बडै हूंदी रौ। आमीन।

यूहन्ना 8:42

यीशु ल ऊंमा बोलि, कि जु परमेश्वर तुमारो बुबा हूंदो त तुम मि बट्टी प्रेम रखदा किलैकि मि परमेश्वर कि तरपां बट्टी अयुं छौं, मि अफी नि अयुं छों पर वेल मि तैं भेजि।

मत्ती 5:17

“इन नि समझा कि मूसा द्वारा लिखीं परमेश्वर की व्यवस्था या परमेश्वर का तरपां बट्टी बुल्ण वलो कि किताबों तैं मिटाणु कु अयुं छौं, मि ऊं तैं मिटाणु कु न पर ऊं सभि बातों तैं पूरो कनु कु अयुं छौं।”

रोमियों 5:6

किलैकि जब हम कमजोर ही छा त मसीह ठिक बगत मा पापियों कु मोरि।

1 तीमुथियुस 2:6

मसीह ल पाप अर मौत की शक्ति बट्टी सभि लुखुं तैं छुटकारा कनु कु अपड़ा आप तैं बलिदान कैरी दींनि; वेकी मौत बट्टी, पिता परमेश्वर ल ठिक बगत पर साबित कैरी उ चांदो कि सभि लोग बचै जां।

लूका 20:44

जब राजा दाऊद ही मसीह कु प्रभु बुल्दो त फिर उ वेकु वंशज कनके ठैरी?