गलातियों 4:24 - गढवली नयो नियम

²⁴ या मिसाल कुछ और सिखांद; यु द्वी जनन (सारा अर हाजिरा) पिता परमेश्वर अर वेका लुखुं का बीच द्वी नियमों का जन छिनी। जु पिता परमेश्वर ल सीनै डांडा पर कैरी, अर जु लोग ईं करार का अधीन छिनी, उ नौकरों का जन छिनी। उ अरब मा सीनै डांडा का जन छिनी अर उ धरती पर यहूदी कु यरूशलेम शहर की एक तस्वीर च। यु शहर अर येका लोग, मतलब यहूदी, व्यवस्था दास छिनी।

Garhwali

²⁴ अर गुलाम अर आजाद करण वळी बातों को मतलब यों दुई जनानियों से सीखा, किलैकि यू दुई जनानियां दुई करार को चिन्‍न छिन। पैलु चिन्‍न हाजिरा च ज्वा कि नौकराणि छै अर वींका द्‍वारा पैदा होयुं बच्‍चा गुलाम ही च, ठिक उन्‍नि पैलु करार भि च जु कि सीनै नौ का पाड़ पर दिये गै, अर वेको पालन करण वळा लोग गुलामी मा ही पैदा होनदिन।

गलातियों 4:24 Referans Kwoze

गलातियों 4:25

आज भि यरूशलेम शहर का लोग पिता परमेश्वर का दगड़ी सै ठैरयां जांण कु यहूदी व्यवस्था कु पालन कना का कारण दास छिनी। उ हाजिरा का जन दास छिनी जु अरब देश का सीनै डांडा पर बंधि करार तैं बतौंदींनि।

1 कुरिन्थि 10:11

पर यु सब बात, जु ऊंल दगड़ी हवे, ऊं तैं चितांण की रीति पर हवे छै; अर उ हम तैं चितांण कु जु ईं दुनिया का अंत का बगत मा रौंणा छिनी लिखै गैनी।

मत्ती 13:35

कि जु वचन परमेश्वर का तरपां बट्टी बुल्ण वलो का द्वारा बुलै गै छो उ पूरो हवे जौं “मि मिसाल दींणु कु अपड़ो गिच्चु खुललो मि ऊं बातों तैं जु दुनिया की रचना बट्टी छिपी रैनी ऊं बातों तैं मि प्रगट करुलो।”

इब्रानी 13:20

अर अब, शान्ति दींणवलों पिता परमेश्वर, जु हमारा प्रभु यीशु तैं मुर्दों मा बट्टी फिर ज्यूँदो कैरी के ले ऐ, तुम तैं ऊं सभि चीजों बट्टी पूरो कैरो ज्यांकी तुम तैं वेकी इच्छा पूरी कनै की जरूरत च; यीशु मसीह का ल्वे का सामर्थ का द्वारा उ तुम मा उ सभि पैदा कैरो जु वे तैं खुश करदो; यीशु हमेशा की वाचा का द्वारा ढिबरों कु एक महान चरवाहा बंणि गै, जैका द्वारा हमेशा की नई प्रतिज्ञा पर मोहर लगै जांद; वेकी महिमा हमेशा-हमेशा तक हूंदी रौ। आमीन।

इब्रानी 12:24

तुम यीशु मा अयां जु पिता परमेश्वर अर लुखुं तैं जुड़ण वली नई प्रतिज्ञा, अर छिड़कौ का वे ल्वे मा, जु हाबिल का ल्वे जन न्याय कु रूण का बजाय माफी की बात करद।

इब्रानी 11:19

अब्राहम ल सोचि कि जु इसहाक मोरि जौं तब भि, फिर भि पिता परमेश्वर वे तैं फिर से ज्यूँदो कन मा सामर्थी च; अर ये भाव मा अब्राहम ल सच मा अपड़ा नौंना तैं मौत बट्टी भि वापिस पै।

इब्रानी 7:22

इलै यीशु उ च जु हम तैं नई प्रतिज्ञा की आस दींद।

गलातियों 5:1

मसीह ल हम तैं बचैयले, त अब हम तैं मूसा की व्यवस्था तैं मनणु कु गुलामों की जन जीणै की जरूरत नि च। इलै यां मा ही मजबूत बणयां रावा अर मूसा की व्यवस्था कु पालन कनु कु अपड़ा आप तैं फिर से गुलाम बनण नि द्या।

1 कुरिन्थि 10:4

ऊं सभियूं ल उ ही पांणी पये जु पिता परमेश्वर ल ऊं तैं द्ये छो। ऊंल एक पोड बट्टी निकलण वला पांणी तैं पये, अर वे पोड की तुलना मसीह बट्टी किये जै सकद जै दगड़ी रै के ऊं तैं जीवन दिये गै।

रोमियों 8:15

किलैकि तुम तैं गुलामी की आत्मा नि मिली, गुलाम जु पिता परमेश्वर बट्टी डरदा छिनी, पर जब पिता परमेश्वर ल तुम तैं अपड़ी सन्तान का रूप मा स्वीकार कैरी त तुम तैं परमेश्वर कि आत्मा मिली, ज्यां बट्टी हम हे बुबा, हे पिता बोलि के बुलौंदियां।

गलातियों 4:3

उन ही हम भि, बच्चों का जन छा, त हम ऊं रीति-रिवाजों अर नियमों का गुलाम छा जु यु दुनिया मा छा।