गलातियों 4:15 - गढवली नयो नियम

¹⁵ वे बगत तुम भौत खुश छा! तुम्हरी उ खुशी अब कख च? मि सच मा यु बोलि सकदु छों कि, तु मि कु सब कुछ बलिदान कैरी दींद, यख तक की अपड़ा आँखों तैं भि।

Garhwali

¹⁵ अर मितैं इन बता, कि जु आसिरबाद तुमतै मिल्यूं छौ उ कख हरचि गै? अर मि खुद ईं बात की गवै देन्दु कि एक बगत वु छौ, कि जब मि तुमकु बुल्दु कि अपणा आंखा निकळि के मितैं दे द्‍या, त तुम मि खुणि उन्‍नि कैरी देन्दा।

गलातियों 4:15 Referans Kwoze

रोमियों 5:2

हमारा विश्वास का कारण, मसीह ल हम तैं इन दया मा लये जख हम अब खड़ा छा, अर हम विश्वास अर आनन्द का दगड़ी पिता परमेश्वर कि बड़ै तैं साझा कनु कु आस दिखणां छा।

कुलुसी 4:13

मि वेको गवाह छौं, कि उ तुम कु अर लौदीकिया अर हियरापुलिस शहर का लुखुं कु मन लगै के प्रार्थना कनु रौंदु।

1 थिस्सलुनीकी 5:13

जु कुछ उ तुम दगड़ी करदींनि, यु कारण ऊंको भौत आदर कैरा और ऊं तैं भौत प्रेम कैरा, तुम सब एक हैंका दगड़ी मेल से रावा।

1 थिस्सलुनीकी 2:8

भस पिता परमेश्वर कु शुभ सन्देश सुनांणु कु ही न पर अपड़ा प्राण भि तुम्हरा खातिर दींण कु तैयार छा, इलै की हम तुम बट्टी भौत प्रेम करदां।

गलातियों 6:4

तुम मा बट्टी हर एक तैं अपड़ा कामों की जाँच कन चयणी च। जु यु अच्छो च त जु कुछ तुम ल कैरी वे पर तुम बड़ो मोन कैरी सकदियां, पर कै और दगड़ी अपड़ा काम की तुलना नि कैरा।

गलातियों 5:22

उ बरतौ जु पिता परमेश्वर का पवित्र आत्मा का द्वारा पैदा हूंद, उ यूं छिनी, प्रेम, आनन्द, शान्ति, धीरज, अर दया, भलै, अर दूसरों का प्रति विश्वासयोग्य हूंण,

गलातियों 4:19

हे मेरा प्रियों, जन एक जनन प्रसव का बगत दर्द महसूस करदी, उन ही के मि एक बार फिर तुम कु पिड़ा सौणु छो। मि ईं पिड़ा मा तब तक रौलु जब तक तुम मसीह मा मजबूत नि हवे जणदां।

गलातियों 3:14

मसीह ल इन इलै कैरी, कि अब्राहम कि आशीष मसीह यीशु मा अन्यजातियों तक पौंछो, अर हम यीशु मसीह पर विश्वास कना से वे पवित्र आत्मा तैं पां, वे तैं हम तैं दींणै की करार परमेश्वर ल कैरी।

2 कुरिन्थि 8:3

अर ऊंका बारा मा मेरी य गव्है च, कि ऊंल अपड़ी सामर्थ से भि बड़ी के अपड़ा मन से दान द्ये।

रोमियों 15:13

मि प्रार्थना करदु, कि पिता परमेश्वर जु आस दींण वलो च, तुम तैं विश्वास कन मा पूरा ढंग से खुशी अर शान्ति बट्टी भोरि द्यो, कि पवित्र आत्मा की सामर्थ बट्टी तुम्हरी आस बढ़दी जौं।

रोमियों 10:2

किलैकि मि ऊंकी गव्है दींणु छौं, कि ऊंकु पिता परमेश्वर कु उमंग रौंदी, पर परमेश्वर की सेवा कन किये जु, यांकि ऊं तैं सै समझ नि च।

रोमियों 9:3

किलैकि मि इख तक चांदु छो, कि अपड़ा यहूदी विश्वासी भयों उद्धार पांण कु जु मेरा अपड़ा कुटुंब का भाव बट्टी मेरा कुटुंब छिनी, अफी ही मसीह बट्टी परमेश्वर मि तैं श्राप द्ये अर अलग हवे जांदु।

लूका 8:13

पौड़ पर का उ छिन कि जब सुणदींनि त खुशी से वचन तैं स्वीकार कैरी दींदिनि पर अफ मा जौड़ा नि रखणा वजह से जरा देर तक विश्वास रखदींनि अर अजमैश औंदि त तब उ तुरंत पिछनै हवे जंदींनि।

गलातियों 4:14

अर जबकि मेरी बिमारी तुम कु एक परेशानी छै, पर फिर भि तुम ल मि बट्टी घृणा नि कैरी अर न मि तैं दूर कैरी; पर तुम ल मि तैं उन ही स्वीकार कैरी जन तुम खुद यीशु मसीह तैं स्वीकार करदा छा, मांणा मि पिता परमेश्वर कु एक स्वर्गदूत छो, जन तुम अफ यीशु मसीह तैं स्वीकार करदा।

गलातियों 4:16

त क्य बट्टी तुम सच बुल्णा का कारण मि अब इन छों कि तुम मि तैं अपड़ो दुश्मन समझदियां?