गलातियों 3:5 - गढवली नयो नियम

⁵ जु तुम तैं पवित्र आत्मा बहुतायत ल दान करदो अर तुम मा चमत्कार का काम करदु, क्य उ यु कारण च कि तुम ल मूसा की व्यवस्था कु पालन कैरी या उ यु कारण च किलैकि तुम ल मसीह का बारा मा शुभ संदेश तैं सूंणि अर वे पर विश्वास कैरी?

Garhwali

⁵ अर मि तुम लोगु बटि इन भि पूछण चाणु छौं, कि जु पिता परमेस्वर तुमतै पवित्र आत्मा को दान देन्दु, अर तुमरा बीच मा सामर्थ का काम करदु, क्या उ यू सब इलै करदु, किलैकि तुम नियम-कानूनों को पालन करद्‍यां? ना इन नि च बल्किन मा वु त इलै करदु, किलैकि तुम लोगु न वेका शुभ समाचार पर बिस्वास कैरी।

गलातियों 3:5 Referans Kwoze

गलातियों 3:2

मि तैं एक बात बतौ क्य तुम तैं पवित्र आत्मा इलै मिली किलैकि तुम यहूदी मूसा की व्यवस्था कु पालन कना छा या इलै की तुम ल वे शुभ संदेश पर विश्वास कैरी जु हम ल तुम तैं बतै छों?

2 कुरिन्थि 13:3

मि यु बुल्णु छों किलैकि तुम सबूत मंगणा छा, कि मसीह मेरा द्वारा बुल्द, अर मसीह तुम तैं सुधरदो च; त यु साबित हूंद की उ कमजोर नि च; पर तुम्हरा बीच मा शक्तिशाली च।

खास चेलों 14:3

पौलुस अर बरनबास भौत दिन तक उखी रैनी, अर प्रभु का भलै का बारा मा हिम्मत का दगड़ी बात करदा छा; अर प्रभु ऊं बट्टी चमत्कार अर अद्भुत काम करवै के साबित कैरी कि ईं दया का बारा मा ऊंको संदेश सचो छो।

2 कुरिन्थि 12:12

सच्चा प्रेरित का लक्षण भि तुम्हरा बीच सब प्रकार का धीरज सहित चिन्हों, अर चमत्कार का कामों, अर सामर्थ का कामों बट्टी दिखै गैनी।

2 कुरिन्थि 10:4

किलैकि जै हथियारों बट्टी हम लड़दा, उ मनिख्युं वला हथियार नि छिनी, पर गढों तैं ढै दयूंणु कु पिता परमेश्वर का शक्तिशाली हथियार छिनी।

रोमियों 15:19

अर पिता परमेश्वर की पवित्र आत्मा का द्वारा मि तैं दिये गै सामर्थ बट्टी मि अद्भुत काम अर चमत्कार करदु इलै जख भि मि यरूशलेम शहर बट्टी इल्लुरिकुम तक ग्यूं छों, मिल उख सभि लुखुं तैं यीशु मसीह का बारा मा शुभ सन्देश सुणै।

1 कुरिन्थि 12:10

पवित्र आत्मा एक मनिख तैं चमत्कार का काम कने की शक्ति दींद; अर कै तैं भविष्यवाणी कु; अर कै तैं आत्माओं की परख, अर कै तैं भौत प्रकार कि भाषा बुल्ण; अर कै तैं कि भाषाओं कु मतलब बतांण कु।

रोमियों 10:17

इलै विश्वास तब आंद जब हम शुभ संदेश सुणदा छा, अर यु शुभ संदेश मसीह का द्वारा बुलै गै बात छिनी।

2 कुरिन्थि 9:10

किलैकि पिता परमेश्वर उ च जु किसान कु बीज अर फिर खांणु कु रुठी दींदो। उन ही, उ तुम्हरा स्रोतों तैं उपलब्ध करालो अर बढ़ालो अर फिर तुम मा उदारता की एक बड़ी फसल पैदा करालो।

फिलिप्पी 1:19

किलैकि मि जंणदु छौं कि तुम्हरी प्रार्थना का द्वारा, अर यीशु मसीह का द्वारा भिज्यां पवित्र आत्मा की मदद ल यांको प्रतिफल मि कु यु हो कि मि कैद बट्टी उद्धार पौं।