गलातियों 3:24 - गढवली नयो नियम

²⁴ इलै मूसा की व्यवस्था मसीह तक औंण तक हम तैं रस्ता दिखांणु कु अर हमारी रखवली कनु कु दिये गै, कि हम यीशु मसीह पर विश्वास कना का द्वारा पिता परमेश्वर का संमणी धर्मी बंणै जै सका।

Garhwali

²⁴ इलै जबरि तक हम यीशु मसीह पर बिस्वास करण वळा नि ह्‍वे ग्यां, तबरि तक ऊं नियम-कानूनों न हमतै सिखै अर हमरि इन जबाबदारी छै कि हम ऊं नियम-कानूनों का मुताबिक चला। पर अब यीशु मसीह पर बिस्वास करण से हम नियम-कानूनों से आजाद ह्‍वे ग्यां, अर परमेस्वर की नजर मा धरमी ठैरै ग्यां।

गलातियों 3:24 Referans Kwoze

रोमियों 10:4

किलैकि मसीह मा पैली बट्टी ही वे मकसद तैं पूरो कैरी ज्यांकु व्यवस्था दिये गै छै। इलै, जु कुई भि वे पर विश्वास करदो पिता परमेश्वर का दगड़ी धर्मी बंणि जांद।

गलातियों 2:16

तब भि हम यहूदी विश्वासी जंणदा छा कि मूसा की व्यवस्था कु पालन कैरी कै कुई भि मनिख पिता परमेश्वर की नजरों मा धर्मी नि ठैरुदो। पर भस यीशु मसीह पर विश्वास कैरी कै धर्मी ठैरद, इलै हम ल अफ भि यीशु मसीह पर विश्वास कैरी, किलैकि मूसा का नियम-कानून का पालन कना से कुई भि मनिख धर्मी नि ठैरद पर यीशु मसीह पर विश्वास कन से धर्मी ठैरद।

कुलुसी 2:17

किलैकि यु सभि बात त आंण वलि बातों कु छैल च पर भली चीज त मसीह की ही छिनी।

गलातियों 2:19

मि समझदु छों की मूसा की व्यवस्था कु पालन कन मा मि धर्मी घोषित नि हुलु। इलै मि इन मंणदु छों कि मि मूसा की व्यवस्था का बारा मा मोरि ग्यों कि मि पिता परमेश्वर कु मसीह मा ज्यूँदो रौं।

गलातियों 3:25

पर अब हम मसीह पर विश्वास करदा छा, त हमारी मदद कनु कु अर हम तैं रस्ता दिखांणु कु मूसा की व्यवस्था की जरूरत नि च।

1 कुरिन्थि 4:15

चाहे मसीह मा तुम्हरा मार्गदर्शन कनु कु हजारों अगुवा किलै नि हों, पर मि ही एक पिता का जन छों, किलैकि मि पैली आदिम छों, जु तुम मा शुभ सन्देश ले के औं, जैका द्वारा तुम ल मसीह यीशु पर विश्वास कैरी।

रोमियों 9:30

त हम ल यांका बारा मा क्य बुल्ण? अन्यजाति अफ तैं पिता परमेश्वर का दगड़ी धर्मी रखणै कि कोशिश नि कना छा, पर पिता परमेश्वर ल ऊं तैं खुद का दगड़ी धर्मी रखि किलैकि ऊंल वे पर भरोसो कैरी छों;