गलातियों 3:20 - गढवली नयो नियम

²⁰ जब द्वी लुखुं का बीच समझौता हूंद, तब जुड़ण वले की जरूरत हूंद। पर पिता परमेश्वर एक ही च, अर जब वेल अब्राहम बट्टी वादा कैरी त ऊंका बीच मा कुई भि जुड़ण वलो नि छों।

Garhwali

²⁰ अर बिचलु त कम से कम दुई लोगु का बीच मा होन्दु, मगर परमेस्वर त एक ही च।

गलातियों 3:20 Referans Kwoze

1 तीमुथियुस 2:5

किलैकि भस एक ही पिता परमेश्वर च अर वेका अर मनिख्युं का बीच मा भि भस एक ही जुड़ण वलो च, यानि मसीह यीशु जु कि मनिख का रूप मा पैदा हवे।

इब्रानी 9:15

इलै ही मसीह ल लुखुं का दगड़ी जुड़ण वली एक नई प्रतिज्ञा तैं बांधि, कि उ लोग जु पिता परमेश्वर का द्वारा बुलै गै छा, ऊं अनन्त आशीषों तैं पै साका जौको वादा पिता परमेश्वर ल कैरी छो; यु इलै हवे सकद किलैकि मसीह ऊं तैं ऊंका पापों का दण्ड बट्टी छुडांणु कु मरै गै जु ऊंल पैली वाचा का अधीन रै के कैरी छो।

इब्रानी 8:6

पर जु याजक की सेवा कु काम हमारा महायाजक यीशु मसीह तैं मिली, उ वे काम से कई जादा बड़ो च जु दुसरा याजकों तैं दिये गै छो, किलैकि यीशु उ ही च जु नई प्रतिज्ञा का आधार पर, पिता परमेश्वर का संमणी हम कु एक भौत उत्तम वाचा तैं जुड़ण वलो च।

इब्रानी 12:24

तुम यीशु मा अयां जु पिता परमेश्वर अर लुखुं तैं जुड़ण वली नई प्रतिज्ञा, अर छिड़कौ का वे ल्वे मा, जु हाबिल का ल्वे जन न्याय कु रूण का बजाय माफी की बात करद।

गलातियों 3:17

पर मि यु बुल्णु छौं, कि जु करार पिता परमेश्वर ल पैली बट्टी पक्की कैरी छै, वे तैं मूसा की व्यवस्था चार सौ तीस बरसों का बाद ऐ के नि टाली सकदी, कि प्रतिज्ञा बेकार ठैरु।

खास चेलों 12:20

हेरोदेस राजा सूर अर सैदा का लुखुं बट्टी भौत नराज छो, इलै ऊं शहरों का लोग हेरोदेस राजा बट्टी मिलणु कु एक मन से वेमा ऐनी। सबसे पैली वेल बलास्तुस बट्टी मदद मांगी जु राजा को एक मुख्य अधिकारी छो। तब ऊंल हेरोदेस राजा बट्टी समझौता कनु कु बोलि किलैकि राजा का देश बट्टी ऊंका देश को पालन-पोषण हूंदो छो।