गलातियों 3:16 - गढवली नयो नियम

¹⁶ उन ही के पिता परमेश्वर ल अपड़ा करार अब्राहम तैं अर वेका वंश तैं दींनि। परमेश्वर का वचन इन नि बुल्दो कि “तेरु वंशजों तैं” जन भौतों का बारा मा बोलि, पर यु एक मनिख का बारा मा बात करद कि, “तेरु वंश तैं” अर उ मसीह च।

Garhwali

¹⁶ अर जख तक करार की बात किये जौ, त करार पितर अब्राहम अर वेका वंश बटि किये गै छौ। अर पवित्रशास्‍त्र को यू करार हमतै वंश का भौत सा लोगु का बारा मा नि बतौन्दु, बल्किन मा सिरफ एक वंश का बारा मा बतौन्दु, जन कि लिख्यूं भि च कि, “तेरा वंश तैं” अर यां से या बात साफ ह्‍वे जान्दी कि वु वंशज मसीह च।

गलातियों 3:16 Referans Kwoze

रोमियों 4:13

पिता परमेश्वर ल अब्राहम अर वेका वंशजों बट्टी करार कैरी छै कि उ ऊं तैं या दुनिया दयालो। यु वादा इलै नि कैरी किलैकि अब्राहम व्यवस्था कु पालन कैरी, पर पिता परमेश्वर ल वेका विश्वास का कारण वे तैं धर्मी मंणै गै छो।

लूका 1:55

वें अब्राहम तैं अर वेका सारा वंशजों तैं हमेशा कु दया दिखांणु कु याद कैरी जन कि वेल हमारा पुरखों मा बोलि छो।

रोमियों 4:16

इलै लुखुं तैं विश्वास का द्वारा पिता परमेश्वर की करार मिली। इन इलै हूंद कि करार दया बट्टी मिलो। तब अब्राहम की सभि सन्तानोंं तैं व करार प्राप्त हवे सकद। यु भस ऊं कु नि च जु मूसा कि व्यवस्था का अधीन रौंदो, बल्कि हर वे मनिख कु च जु अब्राहम का जन विश्वास बट्टी ज्यूंदींनि, जु हम सभियूं कु पूर्वज च।

गलातियों 3:8

अर पिता परमेश्वर का वचन मा वेल भौत पैली बोलि कि, पिता परमेश्वर अन्यजातियों तैं विश्वास का द्वारा धर्मी ठैरालो, यु ही कारण वचन मा, जब पिता परमेश्वर ल पैली ही अब्राहम तैं शुभ सन्देश प्रचार बतै त वेल वेकु बोलि, कि “तेरु द्वारा, मि ईं दुनिया का सभि जातियों तैं आशीष दयुलु।”

खास चेलों 3:25

तुम सब परमेश्वर का तरपां बट्टी बुल्ण वलो कि सन्तान अर वीं करार का हकदार छा ज्वा पिता परमेश्वर ल तुमारा बाप-दादों बट्टी बंधि ‘जब वेल अब्राहम मा बोलि छो तेरु वंश का द्वारा धरती का सैरा घराना आशीष पौनु’

कुलुसी 3:11

इलै अब न त कुई यूनानी अन्यजाति रै, न यहूदि, न खतना कन वलो, अर न उ जै को खतना नि हुयुं हो, न जंगली, न असभ्य, अर न गुलाम, अर न स्वतंत्र, पर मसीह ही सब मा महान च, अर उ अपड़ा सभि लुखुं मा रौंदो।

1 कुरिन्थि 12:27

इन कै तुम सभि मिलिके मसीह की देह छा अर तुम मा बट्टी हरेक वेका देह का अंग छा।

1 कुरिन्थि 12:12

किलैकि जन कै मनिख की देह एक च अर वेका अंग भौत छिनी, भौत हूंण पर भि सभि मिल कै एक ही देह च उन के ही मसीह भि अर वे पर विश्वास कन वला विश्वासी भि एक ही छिनी।

रोमियों 12:5

वे जन ही, हम भि जु मसीह मा विश्वासी छा, हम सभि मसीह का देह का अंग छा, अर हम सभि एक-दुसरा बट्टी जुड़यां छा।

कुलुसी 2:19

उ मसीह से जुड़यूं नि रौंदो जु कि सैरी देह कु मुंड च, अर जै बट्टी सैरी देह जोड़ी रांदि अर पट्ठों का द्वारा खुराक पै के अर दगड़ी जुड़ी कै पिता परमेश्वर कि तरपां बट्टी बढ़दी जांद।

इफिसुस 5:32

या एक कीमती अर गम्भीर शिक्षा च जै बट्टी हम इन समझ सकद्यां, अर मि यांकि तुलना मसीह अर वे पर विश्वास कन वलो की मण्डलि का दगड़ी करदु।

मत्ती 1:1

या यीशु मसीह की पूर्वजों की नौं की सूचि च, उ जु अब्राहम को वंशज छो, उ राजा दाऊद को वंशज छो।

रोमियों 9:4

उ इस्राएली ही छिनी, ऊं तैं पिता परमेश्वर ल गोद लियुं च अर ऊं तैं सन्तानोंं का रूप मा चुणै गै अर महिमा, वाचा, मूसा द्वारा लिखीं परमेश्वर की व्यवस्था, उ सचै बट्टी पिता परमेश्वर कि आराधना करदींनि, अर प्रतिज्ञा ऊंकी ही छिनी।

2 कुरिन्थि 11:22

क्य उ ही इब्रानी छिनी? मि भि छों। क्य उ ही इस्राएली छिनी? मि भि छों; क्य उ ही अब्राहम का वंश का छिनी? मि भि छों।

गलातियों 3:19

त फिर पिता परमेश्वर ल कै उद्देश्य बट्टी इस्राएल का लुखुं तैं मूसा की व्यवस्था द्ये? पिता परमेश्वर ल मूसा की व्यवस्था इलै द्ये, कि लोग जांण साका की पाप क्य च? मूसा की व्यवस्था अब्राहम का वे वंश तक बणयूं रौंण छो, जैका बारा मा पिता परमेश्वर ल करार कैरी छै। परमेश्वर ल व्यवस्था मूसा तैं स्वर्गदूतों का द्वारा द्ये, जु पिता परमेश्वर अर लुखुं का बीच जुड़ण वलो छों।