गलातियों 3:11 - गढवली नयो नियम

¹¹ पर या बात सच च की मूसा की व्यवस्था का द्वारा पिता परमेश्वर का संमणी कुई धर्मी नि ठैरदो किलैकि पिता परमेश्वर का वचन मा लिख्युं च, “धर्मी जन विश्वास बट्टी ज्यूँदो रालो।”

Garhwali

¹¹ इलै या बात साफ ह्‍वे जान्दी कि नियम-कानूनों का द्‍वारा पिता परमेस्वर की नजर मा कुई भि धरमी नि ठैरदु, किलैकि पवित्रशास्‍त्र मा लिख्यूं च कि, “जु मनखि परमेस्वर की नजर मा धरमी च, उ बिस्वास करण की वजै से ज्यून्दु रालु।”

गलातियों 3:11 Referans Kwoze

रोमियों 1:17

किलैकि शुभ संदेश मा पिता परमेश्वर यु प्रगट करद कि उ लुखुं तैं पूरा ढंग से विश्वास कना का द्वारा धर्मी घोषित कना का योग्य च, जन की परमेश्वर का वचन मा लिख्युं च, “विश्वास बट्टी धर्मी जन ज्यून्दो रालो।”

इब्रानी 10:38

अर मेरू धर्मी जन विश्वास ल ज्यूँदो रालो, पर जु ऊंमा बट्टी कुछ मि तैं अस्वीकार कैरी दयाला, त मि हकीकत मा ऊं बट्टी खुश नि रौलु।”

गलातियों 2:16

तब भि हम यहूदी विश्वासी जंणदा छा कि मूसा की व्यवस्था कु पालन कैरी कै कुई भि मनिख पिता परमेश्वर की नजरों मा धर्मी नि ठैरुदो। पर भस यीशु मसीह पर विश्वास कैरी कै धर्मी ठैरद, इलै हम ल अफ भि यीशु मसीह पर विश्वास कैरी, किलैकि मूसा का नियम-कानून का पालन कना से कुई भि मनिख धर्मी नि ठैरद पर यीशु मसीह पर विश्वास कन से धर्मी ठैरद।

दिब्य दरस 5:9

अर उ यु एक नया गीत गांण लगि गै, तू ईं किताब (चाम्रपत्र) की मुहरों तैं तुडण अर यु तैं खुलणां का योग्य छै; ऊंल त्वे तैं बलिदान कैरी अर अपड़ी मौत का ल्वे ल तू हर गोत्र, भाषा, लोग अर जाति, राष्ट्र ल पिता परमेश्वर कु लुखुं तैं खरीद के छुड़ै दीलि।

याकूब 3:2

हम भौत बार गलती करद्यां। पर जु कुई बुल्ण मा गलती नि करदो, ऊई त सिद्ध मनिख च; अर उ अपड़ा आप तैं पूरा ढंग ल वश मा कैरी सकदो।

याकूब 1:27

हमारा पिता परमेश्वर का समणी शुद्ध अर सच्ची भक्ति य च, कि अनाथों अर विधवाओं का दुखों मा ऊंको ख्याल रखा, अर अपड़ा आप तैं दुनिया का बुरा कामों बट्टी बचै के रखा।