गलातियों 2:6 - गढवली नयो नियम

⁶ यरूशलेम शहर की मण्डलि का ऊं अगुवों ल मेरी शिक्षाओं मा कुछ भि नि जोड़ी। ईं बात बट्टी मि तैं कुई फर्क नि पुड़दो कि उ अगुवा कु छिनी, किलैकि पिता परमेश्वर आदिम की सकल देखि के न्याय नि करद।

Garhwali

⁶ अर मेरा दगड़्यों, शुभ समाचार को जु परचार मिन ऊं लोगु का बीच मा कैरी, जु कि यहूदी जाति का नि छिन। जब मिन ईं बात का बारा अध्यक्ष लोगु तैं बतै, त ऊंन मेरी बातों मा कुई फेर बदल नि कैरी, बल्किन उई बात मितैं वापस बतैनि। जब कि ऊ लोग त खास मणै जनदिन। (अर मितैं ईं बात से कुई फर्क नि पोड़दु, कि ऊंको पद क्या च, किलैकि पिता परमेस्वर कै भि मनखि का दगड़ा मा भेदभाव नि करदु)।

गलातियों 2:6 Referans Kwoze

गलातियों 2:2

मि उख गौं किलैकि पिता परमेश्वर ल मि तैं जांणु कु बोलि, जब मि उख छों त मि अगुवों बट्टी एक-एक कैरी के मिल अर ऊं तैं वे शुभ सन्देश का बारा मा बतै जु मि अन्यजातियों का बीच मा प्रचार कनु छो। पर एकुंत मा ऊं तैं जु मण्डलि का अगुवा समझै जांदा छा, कखि मेरी यु बगत की या पिछला बगत की मेहनत बेकार नि चलि जौं।

खास चेलों 10:34

तब पतरस ल बोलि, “अब मेरी समझ मा ऐ गै कि पिता परमेश्वर कै दगड़ी भि भेद-भाव नि करद।

2 कुरिन्थि 12:11

मि मूर्ख त बणु, पर यु तुम ही छा जौनु मि तैं इन कनु कु मजबूर कैरी; तुम तैं त मेरी बढ़ै कन चयणी छै, किलैकि मि कै भि लैक नि छो, फिर भि ऊं बड़ा से बड़ा प्रेरितों बट्टी कै भि बात मा कम नि छो।

गलातियों 6:3

जु कुई सुचद कि उ एक महान आदिम च, जबकि हक्कीकत मा उ छैं नि च, त उ अपड़ा आप तैं धोखा दींणु च।

2 कुरिन्थि 11:5

मि तैं लगद कि मि ऊं लुखुं का जन अच्छो छों जु सुचदींनि की उ सभि प्रेरितों मा बट्टी सबसे महान छिनी।

रोमियों 2:11

किलैकि “पिता परमेश्वर सभि लुखुं कु न्याय एक समान बरतौ से करदो।”

1 पतरस 1:17

जब तुम प्रार्थना करदा त तुम पिता परमेश्वर तैं अपड़ो पिता बुल्दा। पर याद रखा कि पिता परमेश्वर कै को पक्षपात नि करदो मतलब हर एक ल क्य-क्य कैरी। इलै जबकि तुम ईं धरती पर एक परदेशी हवे के रौंदा त तुम तैं ऊंका प्रति भौत सम्मान का दगड़ी रौंण चयणु च।

इब्रानी 13:17

अपड़ा अगुवों की बात मांणा; अर ऊंका अधीन रावा, किलैकि उ तुम्हरा आत्मा तैं बचांणु कु सुचणा छिनी, कि तुम भटकी नि जावा; अर ऊं तैं पिता परमेश्वर तैं अपड़ी सेवकाई का बारा मा लेखा दींण पुड़लो, कि उ यु कामों तैं खुश हवे के करा, यु काम तैं उदासी ल नि कैरा, किलैकि उदास हवे के सेवकाई कन से कुई फैदा नि हूंद।

इब्रानी 13:7

जु तुम्हरा अगुवा छा, अर जैल तुम्हरा पिता परमेश्वर कु वचन सुणै, ऊं तैं याद रखा; अर ध्यान रखा कि ऊंल अपड़ो जीवन कन कै जिये अर यु भि कि उ मुरण तक भि वफादार रैनी, इलै ही हम तैं ऊंका विश्वास का अनुसार चलि कै पिता परमेश्वर पर उन ही विश्वास कन चयणु च जन ऊंल कैरी छो।

2 कुरिन्थि 5:16

इलै अब बट्टी हम कै तैं भि सांसारिक नजरिया का ढंग पर न्याय नि कैरा, अर जु हम ल मसीह तैं भि देह का अनुसार जांणि छो, त अब बट्टी वे तैं इन नि जंणुला।

लूका 20:21

“हे गुरु हम जंणदा छा कि तुम हमेशा सच बुल्दियां अर कै से नि डरदयां की लोग क्य सुचला किलैकि तु सभियूं तैं समान आदर से चाहे उ कुई भि हो बरतौ करदी अर परमेश्वर कु बाटु सचै से बतौंदयां?”

मरकुस 12:14

अर ऊंल ऐ के यीशु म बोलि, “हे गुरु हम जंणदा छा कि तुम हमेशा सच बुल्दियां अर कै से नि डरदयां की लोग क्य सुचला किलैकि तु सभियूं तैं समान आदर से चाहे उ कुई भि हो बरतौ करदी अर परमेश्वर कु बाटु सचै से बतौंदयां त क्य कैसर तैं कर दींण सै च?”

मत्ती 22:16

अर ऊंल अपड़ा चेलों तैं हेरोदियों मा यु बुल्णु कु भेजि कि, “हे गुरु हम जंणदा छा कि तुम हमेशा सच बुल्दियां अर परमेश्वर का बारा मा सचै से सिखांदि अर त्वे तैं कैकी कुई परवाह नि च किलैकि तु मनिख्युं का मुक देखि के बात नि करदी।

खास चेलों 5:36

किलैकि यूं दिनों से पैली थियूदास यु बोलि के प्रगट हवे, लुखुं तैं बतै की उ एक महान आदिम च अर लगभग चार सौ लोग वे दगड़ी हवे गैनी पर उ मरै गै अर जथग लोग वे तैं मंणदा छा सब तितर-बितर हवीनि अर हरचि गैनी।