गलातियों 2:14 - गढवली नयो नियम

¹⁴ जब मिल देखि, कि उ वीं सचै को अनुसरण नि कना छा जु शुभ सन्देश सिखांद, त मिल सभियूं का संमणी पतरस जै कु कैफा भि बुलै जांद छों वेको बोलि, “तु एक यहूदी हवे के भि, अन्यजातियों का रीति-रिवाजों को पालन करदु छै अर यहूदियों को रीति-रिवाजों को पालन नि कनु छै, जु तिल इन करयूं च, त फिर तु अन्यजातियों तैं हम यहूदियों का रीति-रिवाजों कु पालन कनु कु दबाव किलै डलणी छै?”

Garhwali

¹⁴ पर जब मिन देखि कि उ शुभ समाचार की सच्‍चै का मुताबिक सीदी चाल नि चलणा छिन, त मिन सभ्यों का समणि पतरस कू बोलि, “पतरस, जब तू एक यहूदी जाति को होण का बाद भि ऊंकी तरौं जीवन जीणी छैई, जु यहूदी जाति का नि छिन। त फिर तू ऊं लोगु तैं यहूदी रीति-रिवाजों का मुताबिक चलणु खुणि किलै मजबूर कनि छैई, जु यहूदी जाति का नि छिन?

गलातियों 2:14 Referans Kwoze

गलातियों 2:5

हम ऊं लुखुं का दगड़ी एक पल कु भि सहमत नि हुयां, कि तुम वे सच्चा शुभ सन्देश पर विश्वास करदी रावा जु हम ल तुम तैं सिखै।

खास चेलों 10:28

अर बुल्ण लगि गै, “तुम जंणदा छा कि यहूदियों कु कुई अन्य-जाति का दगड़ी रिश्ता रखण या ऊंका घौर मा जांण मना च यूं हम यहूदी लुखुं का कानून का खिलाफ च, पर पिता परमेश्वर ल मि तैं बतै कि मि कै आदिम तैं अशुद्ध नि बोलु।

1 तीमुथियुस 5:20

अपराध कन वलो तैं सभियूं का संमणी फटकार लगौ, कि और विश्वासी लोग भि अपराध कन से डरुनु।

गलातियों 6:12

यहूदियों तैं खुश नि कैरा कि उ तुम तैं स्वीकार कैरा, उ ही लोग तुम तैं खतना कनु कु लाचार करदींनि भस इलै कि उ यीशु मसीह कि सूली का कारण सतै नि जौंन।

इब्रानी 12:13

अर इख अर उख दिखणां का बजाय, तुम यीशु का संमणी पौंछण वली सीधी सड़क पर चलदी रावा, कि हमारा बीच मा जु लोग आत्मिक रूप मा कमजोर छिनी, उ भटकी नि जां, पर ऊंको विश्वास मजबूत बंणि जौं।

इब्रानी 9:10

किलैकि व पुरणी व्यवस्था भस यूं बातों पर जुड़ीं छै मतलब य कि एक आदिम तैं क्य खांण-पीण चयणु च अर दुसरा शुद्धिकरण का बारा मा; या विधि जैको कै भि आदिम बट्टी कुछ भि लींण-दींण नि च; यु तैं तब तक अभ्यास मा रखै गयै जब तक कि एक बढ़िया व्यवस्था नि बंणि जौं।

गलातियों 2:9

जु मनिख मण्डलि का अगुवा का रूप मा जंणै जांदा छा मतलब याकूब, पतरस जै कु कैफा भि बुलै जांद अर यूहन्ना ऊंल दया कु उ वरदान जांणि जु मि तैं मिल्युं च। ऊंल मि तैं अर बरनबास तैं अपड़ो दगड़िया समझी कै हमारी मदद कैरी। उ ईं बात कु राजी हवीनि कि हम अन्यजातियों मा जु खतनारहित छिनी शुभ संदेश सुणौंणु कु जावा अर उ यहूदियों मा।

गलातियों 2:7

पर अगुवा समझी गैनी, कि जन पिता परमेश्वर ल मि तैं अधिकार दींनि, कि यहूदी लुखुं कु शुभ सन्देश कु प्रचार कनु कु काम पतरस तैं सौंपी दींनि, उन ही मि तैं अन्यजातियों कु जु खतनारहित छिनी ऊंकु शुभ सन्देश कु प्रचार कन सौंपे गै।

रोमियों 14:14

मि जंणदु छौं अर प्रभु यीशु बट्टी मि तैं निश्चय हवे, कि सभि खांणु खांण कु ठिक च, पर जु सभि खांणु तैं अशुद्ध समझद, वेको अशुद्ध च।

खास चेलों 15:24

हम ल सूंणि की हम मा बट्टी कुछ लुखुं ल तुम मा ऐ के अर तुम तैं अपड़ी बातों ल घबरै दींनि अर तुम्हरा मन तैं बेचैन कैर दींनि पर हम ल ऊं तैं आज्ञा नि दे छै।

गलातियों 2:3

तब भि कैल मेरा दगड़िया तीतुस, जु एक यूनानी अन्यजाति कु छो, वेको खतना कभी नि हवे फिर भि पर यरूशलेम शहर की मण्डलि का अगुवों ल वे तैं स्वीकार कैरी। अर ऊंल खतना कनु कु वे पर कुई दबाव नि डाली।

खास चेलों 15:1

फिर कथग ही मनिख यहूदिया प्रान्त बट्टी ऐ के विश्वासी भैय-बंधों तैं सिखांण लगि गैनी कि जु मूसा की व्यवस्था बट्टी तुम्हरा खतना नि होलो त तुम्हरो उद्धार अर बचाव नि हवे सकदो।

खास चेलों 15:5

पर फरीसियों का रस्ता मा बट्टी जौं ल भि विश्वास कैरी छो ऊं बट्टी कथगों ल उठि के बोलि कि अन्यजातियों कु खतना कनै की अर मूसा की व्यवस्था मनणै आज्ञा दींण चयणी च।

गलातियों 1:6

मि तैं ईं बात बट्टी हैरानी हूंदू, कि पिता परमेश्वर ल तुम तैं मसीह की दया मा रौंणु कु बुलै, अर वे पिता परमेश्वर तैं छोड़ी के तुम ल नया ही शुभ सन्देश पर विश्वास कन शुरू कैरेले।

गलातियों 1:18

अर तीन बरस का बाद पतरस जु कैफा कहलांद वे बट्टी मुलाकात कनु कु मि यरूशलेम शहर मा ग्यूं, अर वे दगड़ी पन्द्रह दिन तक रयूं।

कुलुसी 1:5

तुम्हरो यु विश्वास अर प्रेम वीं आस का कारण च जु तुम कु स्वर्ग मा रखि, तुम ल पैली बट्टी ही यांका बार मा सुणयूं च। जब पैली बार लोग तुम मा एनि अर तुम तैं यीशु मसीह का बार मा शुभ सन्देश सुणै, जु कि पिता परमेश्वर कु सचो संदेश च।