गलातियों 1:4 - गढवली नयो नियम

⁴ हमारा परमेश्वर अर पिता की मनसा का अनुसार मसीह यीशु ल अपड़ा आप तैं हमारा पापों का कारण बलिदान कैरी दींनि, कि उ हम तैं ऊं बुरी शक्तियों बट्टी छुड़ो जु आज दुनिया मा काम कनी छिनी।

Garhwali

⁴ अर तुम यू जाणि ल्या, कि वे ही यीशु न हमरा पापों का खातिर खुद तैं बलिदान होणु खुणि दे दिनी, ताकि इन कैरिके वु हमरा पिता परमेस्वर की मनसा का मुताबिक हमतै आज ईं दुनियां की बुरी बातों से आजाद कैरो।

गलातियों 1:4 Referans Kwoze

मत्ती 20:28

जन कि मि मनिख कु नौंनो दूसरों की सेवा टहल कनु कु अयुं छो, मि इलै नि अयुं कि दुसरा मेरी सेवा-टहल कैरा भौत लुखुं तैं ऊंका पापों से ऊं तैं छुटकारा दींणु अर अपड़ा प्राण ऊं कु कीमत जन दींण कु अयुं छौं।

रोमियों 4:25

मसीह यीशु हमारा पापों कु मरै जांणु कु पकड़वै गै अर परमेश्वर ल हम तैं अफ दगड़ी धर्मी बनांणु कु वे तैं फिर से ज्यूँदो कैरी।

गलातियों 2:20

मि मसीह का दगड़ी सूली पर चड़ैये ग्यों अर मि नि रौं जु अब भि ज्यूंदों च, बल्कि उ मसीह च जु मि मा ज्यूंणु च। अर जन के मि ज्यूंणु छों अब मि पिता परमेश्वर का नौंना पर विश्वास कैरी कै ज्यूँदो छौं, जु मि बट्टी इथग प्रेम करदो कि वेल मेरा खातिर अपड़ी जान दे दींनि।

1 पतरस 2:24

जब मसीह मोरि, त हमारा पापों का कारण सूली पर वेकी देह तैं दण्ड़ित कैरी। वेल इन इलै कैरी की हम पाप कन बंद कैरा अर धार्मिकता ल जीवन जींण शुरू कैरी द्या, अर ऊं घावों का कारण जु मसीह ल सैनी, हम खूब हवे ग्यां

तीतुस 2:14

यीशु मसीह हमारा फैदा कु मोरि गै, कि हम तैं सभि अधर्मों बट्टी छुड़ै द्यो अर हम तैं शुद्ध कैरी साको कि हम वेका खास लोग बंणि जा, जु भला-भला काम कनु कु हमेशा तैयार रौनु।

2 कुरिन्थि 4:4

अर ईं दुनिया का ईश्वर शैतान ल ऊं अविश्वासियों की बुद्धि तैं अंधो कैरेले, कि उ शुभ सन्देश बट्टी मसीह की महिमा का बारा मा आंण वला उज्यला तैं नि देख सका, जु दिखांद कि पिता परमेश्वर कन च।

1 तीमुथियुस 2:6

मसीह ल पाप अर मौत की शक्ति बट्टी सभि लुखुं तैं छुटकारा कनु कु अपड़ा आप तैं बलिदान कैरी दींनि; वेकी मौत बट्टी, पिता परमेश्वर ल ठिक बगत पर साबित कैरी उ चांदो कि सभि लोग बचै जां।

इफिसुस 2:2

वे बगत तुम यु दुनिया का ऊं लुखुं का तरीकों का अनुसरण करद जु परमेश्वर तैं नि जंणदा छा, अर शैतान कि आज्ञाओं कु पालन करदा छा मतलब वे प्रधान कु जु आकाश मा दुष्टात्मा पर शासन करदु च, जु अभि भि ऊं लुखुं तैं जकड़ कनै कि कोशिश करदो च जु परमेश्वर कि आज्ञा कु पालन नि करदो।

1 थिस्सलुनीकी 3:13

हम प्रार्थना करदां प्रभु यीशु तुमारा मनों तैं इन मजबूत कैर कि जब हमारो प्रभु यीशु अपड़ा सब पवित्र लुखुं का दगड़ा मा फिर औ त उ हमारा पिता परमेश्वर का संमणी पवित्रता मा निर्दोष ठैरुनु।

रोमियों 12:2

अर ईं दुनिया का लुखुं का जन नि बंणा; पर अपड़ा सुचणा का ढंग तैं पिता परमेश्वर कु बदली द्या, ज्यां बट्टी तुम परमेश्वर की भलि, अर लुभौण, अर सिद्ध मनसा तैं मालुम करदी रावा।

फिलिप्पी 4:20

हमारा पिता परमेश्वर कि बढ़ै जुग-जुग तक हूंणी रौ। आमीन।

इफिसुस 5:2

मसीह का उदाहरण का अनुसरण करद ही, दुसरा का प्रति प्रेम बट्टी भुर्युं जीवन बितावा, जैल तुम बट्टी प्रेम कैरी अर तुमारा पापों तैं उठाणै कु अफ तैं बलिदान कैरी, अर परमेश्वर खुश इलै छों, किलैकि उ बलिदान वेकु खुशबुदार इत्र का जन छों।

दिब्य दरस 1:5

अर यीशु मसीह का तरपां बट्टी जैका वचनों पर विश्वास किये जै सकद उ ही च जु मुर्दों मा बट्टी ज्यूँदो हूंण वलो मा पैलो अर उ ईं दुनिया का सभि राजाओं कु शासक च। अर यीशु मसीह हम बट्टी प्रेम करद। उ हम कु ल्वे बुगै के मोरि अर वेल हमारा पापों की सजा तैं खत्म कैरेले। इलै हम याजकों को एक परिवार बंणि ग्यां, जु पिता परमेश्वर की सेवा करद। इलै यीशु मसीह तैं महिमा अर शक्ति हमेशा मिलदी रौ आमीन।

दिब्य दरस 5:9

अर उ यु एक नया गीत गांण लगि गै, तू ईं किताब (चाम्रपत्र) की मुहरों तैं तुडण अर यु तैं खुलणां का योग्य छै; ऊंल त्वे तैं बलिदान कैरी अर अपड़ी मौत का ल्वे ल तू हर गोत्र, भाषा, लोग अर जाति, राष्ट्र ल पिता परमेश्वर कु लुखुं तैं खरीद के छुड़ै दीलि।

1 यूहन्ना 3:16

हम ल प्रेम यां बट्टी जांणि, कि यीशु मसीह ल हम कु अपड़ो प्राण द्ये दींनि; इलै हम तैं भि विश्वासी भयों का खातिर अपड़ा प्राण दींण चयणु च।

1 यूहन्ना 2:2

अर भस हमारा ही न बल्कि सैरी दुनिया का पापों तैं दूर कनु कु, मसीह एक प्रायश्चित बलिदान बण गै।

1 पतरस 3:18

मि यु बुल्दो किलैकि मसीह ल भि हमारा पापों का कारण दुःख सै अर मोरि गै। उ भस एक बार मोरि अर दुबरा वे तैं मुरणै की जरूरत नि च। उ एक धर्मी आदिम छो जु पापी लुखुं कु मोरि की उ हम तैं पिता परमेश्वर मा लै साको। ऊंल वेकी देह तैं मारि दींनि पर वे तैं पवित्र आत्मा की सामर्थ बट्टी दुबरा ज्यूँदो किये गै।

याकूब 4:4

हे विश्वासघाती लुखुं अर व्यभिचारी लुखुं क्य तुम यु नि जंणद्यां, कि दुनिया बट्टी प्रेम रखण मतलब पिता परमेश्वर दगड़ी बैरभाव रखण च, इलै जु कुई दुनिया को दगड़िया बनण चांद, त उ अपड़ा आप तैं पिता परमेश्वर को बैरी बणादो।

इब्रानी 6:5

ऊंल अनुभव कैरी छो कि परमेश्वर की तरपां बट्टी आंण वलो संदेश अच्छो च अर ऊंल वे परमेश्वर की राज्य की सामर्थ कु अनुभव भि कैरी।

2 थिस्सलुनीकी 2:16

हम अफी हमारा प्रभु यीशु मसीह बट्टी अर हमारा पिता परमेश्वर बट्टी प्रार्थना करदा जु हम बट्टी प्रेम करदींनि अर जैल अपड़ी दया बट्टी हम तैं अनन्त प्रोत्साहन अर मजबूत आस द्ये।

यूहन्ना 12:31

दुनिया मा लुखुं कु जांच के न्याय कनु कु परमेश्वर कु बगत अब यु दुनिया कु सरदार शैतान निकाले जालो।

मत्ती 26:28

किलैकि या प्राण कु मेरू ल्वे च जु भौतों का पापों का माफी की नई प्रतिज्ञा कु बुगाये जांदी।

इब्रानी 9:14

जरा सोचि के देखा, कि मसीह कु ल्वे हमारा दिलों तैं ऊं कामों बट्टी कथग शुद्ध करलो जु मौत का तरपां लिजांदी, कि हम जीवित पिता परमेश्वर की आराधना कैरी साका; किलैकि हमेशा की आत्मा की सामर्थ का द्वारा, मसीह ल हमारा पापों कु अपड़ा आप तैं एक सिद्ध बलिदान का रूप मा पिता परमेश्वर तैं भेंट का रूप मा चढ़ै।

इब्रानी 2:5

पिता परमेश्वर वे आंण वली दुनिया तैं जैका बारा मा हम बुल्णा छा, स्वर्गदूतों का अधीन न, पर प्रभु यीशु मसीह का अधीन कैरी।

1 थिस्सलुनीकी 3:11

“हम प्रार्थना करदां कि हमारा पिता परमेश्वर अर हमारा प्रभु यीशु तुमारा इख आंणु कु हमारो मार्गदर्शन कैरो।”

इफिसुस 1:11

परमेश्वर ल हम यहूदियों तैं भि मसीह का दगड़ी जोड़ि कै अपड़ा लोग हूंणो कु चुणयेली किलैकि शुरू बट्टी ऊंकी या ही योजना छै, उ सब कुछ अपड़ी योजना का अनुसार करदु च।

गलातियों 6:14

मि सूली पर हमारा प्रभु यीशु मसीह की मौत का अलावा कभी भि कै हैंकी बात पर बड़ो मोन नि कन चांदु। अर ईं दुनिया की कै भि चीज कु मि तैं कुई लालच नि च, अर मि मा अब दुनिया का कामों तैं कने की कुई इच्छा नि च।

रोमियों 8:32

पिता परमेश्वर ल अपड़ा एकलौता नौंना यीशु मसीह तैं भि नि रख छोड़ी, पर वे तैं हम पर कृपा कैरी के अपड़ा दुश्मनों तैं सौंपी दींनि, उ हम तैं उ सब कुछ भि दयालो जु वेल हम बट्टी करार कैरी छै।

रोमियों 8:3

किलैकि जु काम मूसा कि व्यवस्था हमारा पापमय स्वभाव बट्टी कमजोर हवे कै नि कैर साकी, वे तैं पिता परमेश्वर ल कैरी, मतलब अपड़ा ही नौंना मसीह यीशु तैं हमारा पापी देह का समान बणै के, अर हमारा पापों कु बलिदान हूंणु कु भेजि द्ये अर अपड़ा नौंना का देह का बदला मा पिता परमेश्वर ल पाप सामर्थ तैं तोड़ी द्ये।

रोमियों 1:7

या चिट्ठी रोम शहर मा रौंण वला ऊं सभियूं का नौं च जु परमेश्वर का प्रिय छिनी, अर पवित्र लोग हूंणु कु बुलै गैनी हमारा पिता परमेश्वर अर प्रभु यीशु मसीह कि तरपां बट्टी तुम तैं कृपा अर शान्ति मिलदी रौ।

यूहन्ना 10:11

अच्छो चरवाहा मि छौं, अच्छो चरवाहा ढिबरों कु अपड़ो प्राण दींद।

यूहन्ना 6:38

किलैकि मि अपड़ी मनसा न पर अपड़ा भिजण वला कि मनसा पूरी कनु कु स्वर्ग बट्टी उतरयूँ छौं

यूहन्ना 5:30

मि अपड़ा आप बट्टी कुछ नि कैरी सकदु मि लुखुं कु न्याय उन ही करदु जन पिता परमेश्वर मि तैं ऊंकु न्याय कनु कु बुल्दो अर मेरू न्याय सचो च किलैकि मि अपड़ी इच्छा न पर अपड़ा भिजण वला कि इच्छा चांदु छौं।

लूका 22:42

“हे मेरा बुबा जु तु चहै त यु दुःख बट्टी बचो जु मि पर आंण वली च आप कु सब कुछ सम्भव च फिर भि बुबा तेरी ही इच्छा पूरी हो मेरी न।”

मरकुस 10:45

मि इन इलै बुल्द किलैकि मि मनिख कु नौंनो इलै नि अयुं कि दुसरा मेरी सेवा-टहल कैरा पर इलै अयुं की दूसरों की सेवा टहल कैरू, मि अपड़ी मौत की कीमत द्ये के भौत लुखुं तैं ऊंका पापों बट्टी ऊं तैं छुटकारा दींणु कु अयुं छौं।

मत्ती 26:42

यीशु एक बार फिर से वापिस चलि गै अर उन ही पिता परमेश्वर बट्टी प्रार्थना कैरी, “हे मेरा बुबा जु यु मेरा पियां बगैर नि हटि सकदु त तेरी मनसा पूरी हो।”

मत्ती 6:9

इलै तुम इन कै पिता परमेश्वर बट्टी प्रार्थना कैरा करा, हे हमारा बुबा तु जु स्वर्ग मा छै तेरु नौं पवित्र मणै जौ

दिब्य दरस 7:9

यांका बाद मिल देखि कि लुखुं की एक इथग बड़ी भीड़ छै कि कुई भि ऊं सभियूं तैं नि गिणी सकदो छो। उ दुनिया का हर जाति, गोत्र, राष्ट्र अर भाषा बट्टी छा। उ सिंहासन अर चिनखा का संमणी खड़ा छा। ऊंका सफेद कपड़ा पैरयां छा अर हर एक आदिम को अपड़ा-अपड़ा हथ मा खजूर का फौका पकडयां छा जु कि एक आदर को चिन्ह छो।

रोमियों 8:27

अर पिता परमेश्वर जु मनों तैं जंणदु च, कि पवित्र आत्मा कि क्य मनसा च? किलैकि उ पवित्र लुखुं कु पिता परमेश्वर कि मनसा का अनुसार बिनती करदो।

लूका 22:19

फिर वेल रुटि लींनि अर धन्यबाद कैरी कै तोड़ी अर ऊं तैं इन बोलि दींनि “यु मेरू बदन च ज्वा तुम कु दियेणी च मेरी याद मा इन ही करयां।”

मत्ती 13:22

जु झिबलांण मा बुतै गैनी उ यु छिनी जौं ल वचन तैं सूंणि, पर धरती पर जीवन कि चिंता अर धन दौलत को धोखा ज्यां बट्टी उ प्रेम करदींनि अर कई चीजों तैं पाणै की चाह ऊंमा समैके वचन तैं दबै दींदु अर वे तैं कुछ फैदा नि हुंदा।

1 कुरिन्थि 15:3

इलै मिल तुम तैं उ सबसे जरुरी शुभ संदेश बतै जु मि तैं प्रभु यीशु बट्टी मिली छो; उ शुभ संदेश यु च; कि परमेश्वर का वचन का अनुसार यीशु मसीह हमारा पापों कु मोरि।

इफिसुस 5:16

अर हरेक मौका कु इस्तेमाल जु तुम करदां, भलै कनु कु कैरा।

1 थिस्सलुनीकी 1:3

अर जब हम अपड़ा पिता परमेश्वर बट्टी प्रार्थना करदां, तब हम तुम्हरा ऊं कामों तैं याद करद्यां जु तुम विश्वास का कारण करदां अर विश्वासियों की मदद कनु कु जु कड़ी मेहनत करदां किलैकि तुम उ बट्टी प्रेम करद्यां, अर दुखों तैं सौंदयां किलैकि तुम प्रभु यीशु मसीह का वापिस लौटणैं की आस करद्यां।