गलातियों 1:19 - गढवली नयो नियम

¹⁹ पर मि भस एक प्रेरित अर प्रभु यीशु मसीह का भैय याकूब बट्टी मिल।

Garhwali

¹⁹ अर उख मेरी मुलाकात प्रभु यीशु का भै याकूब से ह्‍वे, अर वेका अलावा मेरी मुलाकात कै दुसरा खास चेला का दगड़ा मा नि ह्‍वे।

गलातियों 1:19 Referans Kwoze

मत्ती 13:55

क्य यु बड़ई कु नौंनो नि च? क्य ये कि ब्वे कु नौं मरियम अर येका भयों कु नौं याकूब यूसुफ शमौन अर यहूदा नि च?

मरकुस 6:3

यीशु कु अपमान कैरी के ऊंल यु बोलि, क्य यु उ ही बड़ैइ नि च जु मरियम कु नौंनो अर याकूब अर योसेस अर यहूदा अर शमौन को बड़ो भैय नि च? अर क्य वेकी बैंण इख हमारा बीच मा नि रौदींनि? इलै ऊंल वे तैं अस्वीकार कैरी।

मत्ती 12:46

जब यीशु भीड़ से बात कना ही छा त वेकी ब्वे अर भैय भैर खड़ा छा अर वे बट्टी बात कन चांणा छा।

1 कुरिन्थि 9:5

किलैकि हैंका प्रेरित अर प्रभु का भैय याकूब, यहूदा अर पतरस (कैफा) जब उ यात्रा करदींनि त उ अफ दगड़ी अपड़ी विश्वासी जननों तैं भि ली जयदींनि, त मि मा भि यु अधिकार च,

मत्ती 10:3

फिलिप्पुस अर बरतुल्मै, थोमा अर चुंगि लींण वलो मत्ती, हलफई को नौंनो याकूब अर तद्दी।

यहूदा 1:1

मि यहूदा, जु यीशु मसीह कु एक सेवक अर याकूब कु छुटो भैय तुम तैं य चिठ्ठी लिखणु छो, जै तैं पिता परमेश्वर ल अपड़ा मथि विश्वास कनु कु बुलै। हमारो पिता परमेश्वर तुम बट्टी प्रेम करद अर तुम यीशु मसीह का द्वारा सुरक्षित छा।

याकूब 1:1

मि याकूब, ईं चिट्टी तैं लिखणु छों, मि पिता परमेश्वर अर प्रभु यीशु मसीह कु दास छों अर मि या चिट्टी इस्राएल का लोग जु बारह गोत्र दुनिया भर मा बिखरयां छिनी ऊं तैं प्रणाम बुल्णु छों।

खास चेलों 12:17

पर पतरस ल ऊं बट्टी इशारा कैरी के चुप रौंणु कु बोलि, अर बतै कि पिता परमेश्वर ल वे तैं जेल मा बट्टी कन के भैर निकाली। फिर वेल बोलि कि, “तुम याकूब अर विश्वासी भयों तैं खबर भेजि दियां कि मि जेल मा बट्टी भैर ऐ ग्यूं।” येका बाद पतरस उख बट्टी दुसरी जगा चलि गै।

लूका 6:15

अर मत्ती अर थोमा अर हलफई को नौंनो याकूब अर शमौन कनानी जु जेलोतेस कहलांद।

मरकुस 3:18

अर अन्द्रियास अर फिलिप्पुस अर बरतुल्मै अर मत्ती अर थोमा अर हलफई को नौंनो याकूब अर तद्दी अर शमौन कनानी जै कु मतलब च जोशिला।

खास चेलों 1:13

जब उ शहर मा पौंछिनी त वीं मथि का कोठरी मा गैनी। यूं प्रेरित पतरस, यूहन्ना, याकूब, अन्द्रियास, फिलिप्पुस, थोमा, बरतुल्मै, मत्ती, हलफई को नौंनो याकूब, शमौन जु रोमी कानून को विरोधी छो अर याकूब को नौंनो यहूदा जु उख उपस्थित छा।

लूका 8:20

अर वेमा बोलि, “तेरी ब्वे अर तेरा भैय भैर खड़ा छिन अर त्वे बट्टी मिलण चांणा छिन।”