इफिसुस 5:20 - गढवली नयो नियम

²⁰ अर जु कुछ हमारा प्रभु यीशु मसीह ल करयूं च, वेका कारण सदनी हमारा पिता परमेश्वर कि सभि बातों कु धन्यवाद कैरा।

Garhwali

²⁰ अर हरेक बात खुणि हमरा प्रभु यीशु मसीह का नौ से पिता परमेस्वर को हमेसा धन्यवाद कना रा।

इफिसुस 5:20 Referans Kwoze

कुलुसी 3:17

जु कुछ भि तुम बुल्दा या काम करदां, उ सब प्रभु यीशु मसीह का नौं से कैरा अर वेका द्वारा पिता परमेश्वर कु धन्यवाद कैरा।

1 थिस्सलुनीकी 5:18

हरेक हालत मा धन्यवाद द्यवा; किलैकि मसीह यीशु मा तुम कु पिता परमेश्वर कि या ही मनसा च।

इब्रानी 13:15

इलै हम यीशु का द्वारा अपड़ा होंठों बट्टी पिता परमेश्वर की स्तुति करदी रां य ही वेको हमारो बलिदान च।

फिलिप्पी 4:6

कैं भि बात कि चिंता नि कैरा; पर हर एक स्थिति मा प्रार्थना अर बिनती ल धन्यवाद का दगड़ा मा पिता परमेश्वर का संमणी रखे जौनु।

इफिसुस 5:4

अर न बेशर्म हवे के बात कन, न मूर्खता कि बातचित कन, अर न ऊं बातों पर हैंसण जौं पर बेजती महसूस हूंदी, किलैकि यु बात शोभा नि दींदिनि, पर तुम तैं परमेश्वर तैं धन्यवाद ही दींण चयणु च।

2 थिस्सलुनीकी 1:3

हे विश्वासी भयों, तुमारा बारा मा हम तैं हमेशा पिता परमेश्वर कु धन्यवाद कन चयणु च, अर इन कन हम कु ठिक भि च इलै की तुम प्रभु यीशु मसीह मा लगातार जादा से जादा विश्वास करदां अर तुम सभियूं कु प्रेम आपस मा भौत ही बढ़दी जांद।

2 थिस्सलुनीकी 2:13

हे विश्वासी भयों, अर हम तैं लगातार पिता परमेश्वर कु धन्यवाद कन चयणु च किलैकि प्रभु तुम बट्टी प्रेम करद। किलैकि पिता परमेश्वर ल दुनिया की सृष्टि से पैली ही तुम तैं चुणि कि तुम तैं बचै साको; उ पवित्र आत्मा का कामों का द्वारा जु तुम तैं पवित्र बणांद अर तुमारा द्वारा प्रभु यीशु मसीह का बारा मा सच्चा संदेश पर विश्वास कन से तुम तैं बचांद की तुम उद्धार पां।

1 कुरिन्थि 1:4

मि तुमारा बारा मा अपड़ा पिता परमेश्वर कु धन्यवाद सदनी करदु, इलै की पिता परमेश्वर की या दया तुम पर मसीह यीशु मा कठ्ठा हूंणा का कारण हवे।

यूहन्ना 15:16

तुम ल मि तैं नि चुणि पर मिल तुम तैं चुणि अर तुम तैं ठैरयूँ कि तुम जै की फल लावा; अर तुमारो फल बणयुं रालो की किलैकि तुम मेरा चेला छा, इलै की तुम मेरा नौं बट्टी जु कुछ पिता परमेश्वर बट्टी मंगिल्या, उ तुम तैं दयालो।

1 पतरस 4:11

उदाहरण कु, जु तुम मा प्रचार कनु को वरदान च, त तुम तैं पिता परमेश्वर का संदेशों तैं प्रचार कन चयणु च, जु तुम मा दुसरा लुखुं की मदद कनु को वरदान च, त यु वे सामर्थ का दगड़ी कैरा जु पिता परमेश्वर तुम तैं दींद। त फिर जु कुछ भि तुम करला उ यीशु मसीह का द्वारा पिता परमेश्वर तैं महिमा दयालो। सैरी महिमा अर सामर्थ हमेशा-हमेशा कु पिता परमेश्वर की ही हो! आमीन।

फिलिप्पी 1:3

पैली दिन बट्टी तुम ल यीशु मसीह का बारा मा यु शुभ सन्देश पर विश्वास कैरी, तुम पैली बट्टी मेरा दगड़िया रै चुकि ग्यां; ये कारण मि जब-जब तुम तैं याद करदु, उथग बार मि पिता परमेश्वर कु धन्यवाद करदु। अर जब मि तुम सभियूं कु पिता परमेश्वर बट्टी प्रार्थना करदु त सदनी खुशी हवे के प्रार्थना करदु।

खास चेलों 5:41

प्रेरित ईं बात से खुश हवे के महासभा का संमणी बट्टी चलि गैनी की उ यीशु की खातिर निरादर हूंण का लैक त ठैरयां।

1 थिस्सलुनीकी 3:9

अर ज्वा खुशी हम तैं तुमारा कारण अपड़ा पिता परमेश्वर का संमणी मिलदी वीं खुशी का बदला मा हम पिता परमेश्वर तैं कै ढंग से धन्यवाद द्यां?

रोमियों 1:8

पैली मि तुम सभियूं कु यीशु मसीह का द्वारा अपड़ा पिता परमेश्वर कु धन्यवाद करदु छों, किलैकि यीशु मसीह मा तुमारा विश्वास कि चर्चा सैरी दुनिया मा हूंणी च।

1 कुरिन्थि 15:24

फिर, जब मसीह पिता परमेश्वर कु विरोध कन वली सैरी बुरी सामर्थ कु नाश कैरी दयालो, वेका बाद दुनिया कु अन्त हवे जालो। तब मसीह अपड़ा पिता परमेश्वर तैं अपड़ो राज्य सौंपी दयालो कि उ वे पर पूरा ढंग से राज्य कैरो।