इफिसुस 4:18 - गढवली नयो नियम

¹⁸ किलैकि उ समझण का लैक नि च अर वे अज्ञानता का कारण जु ऊंमा च, अर ऊंका सुनण से मना कन का कारण उ वे जीवन बट्टी दूर छिनी, जु परमेश्वर दींद;

Garhwali

¹⁸ अर ऊ जिद्‍दी छिन अर अपणा-अपणा मनों तैं निठुर बणै के रखदिन, इलै ऊंको निठुर होण की वजै से ऊ आज भि अन्धेरा मा छिन, अर वु सदनि का जीवन से दूर छिन जु कि प्रभु ऊंतैं देण चान्दु।

इफिसुस 4:18 Referans Kwoze

मत्ती 13:15

किलैकि यूं लुखुं का दिल जिद्दी हवे गैनी, अर उ कंदूड़ों ल ऊंचो सुणदींनि अर ऊंल अपड़ा आंखा बूजिनि कखि इन नि हो कि उ आँखों ल दिखुनु, अर कंदूड़ों ल सुंणुनु अर मन से समझण, अर अपड़ा पापों से मन फिरौनु अर मि ऊं तैं खूब कैरु।

इफिसुस 2:12

तुम लोग वे बगत मसीह तैं नि जंणदा छा, अर परमेश्वर का चुणयां लोग इस्राएल का जन नागरिक का रूप मा भागिदार नि छा, अर तुम ऊं भलि चीजों का भि भागिदार नि छा जौंकु वादा पिता परमेश्वर ल यहूदीयों बट्टी कैरी छों अर आस हीन हवे कै अर पिता परमेश्वर तैं बगैर जणयां ईं दुनिया मा रौंदा छा।

यूहन्ना 12:40

वेल ऊंका आंखा अंधा करिनि इलै कि उ देख नि साका वेका मन कठोर कयूँ च कखि इन नि हो कि उ आँखों ल दिखुनु अर मन से समझुनु अर फिरुनु अर मि ऊं तैं चंगा कैरु।”

1 थिस्सलुनीकी 4:5

अर यु काम भोगविलास कि मनसा से न अर न ऊं अन्यजाति का लुखुं का जन कन चयणु च जु पिता परमेश्वर तैं नि जणदींनि।

याकूब 4:4

हे विश्वासघाती लुखुं अर व्यभिचारी लुखुं क्य तुम यु नि जंणद्यां, कि दुनिया बट्टी प्रेम रखण मतलब पिता परमेश्वर दगड़ी बैरभाव रखण च, इलै जु कुई दुनिया को दगड़िया बनण चांद, त उ अपड़ा आप तैं पिता परमेश्वर को बैरी बणादो।

2 कुरिन्थि 4:4

अर ईं दुनिया का ईश्वर शैतान ल ऊं अविश्वासियों की बुद्धि तैं अंधो कैरेले, कि उ शुभ सन्देश बट्टी मसीह की महिमा का बारा मा आंण वला उज्यला तैं नि देख सका, जु दिखांद कि पिता परमेश्वर कन च।

कुलुसी 1:21

यां बट्टी पैली तुम पिता परमेश्वर बट्टी भौत दूर छा अर तुम मसीह का दुश्मन छा किलैकि तुम्हरा विचार अर तुम्हरा काम बुरा छा।

1 यूहन्ना 2:11

पर जु कुई अपड़ा विश्वासी भैय बट्टी बैर रखदो, उ अन्धेरा मा जींणु च अर अन्धेरा मा चल्दो; अर नि जंणदु, कि कख जांणु च, किलैकि अन्धेरा ल वेका आंखा अंधा कैरेनी।

गलातियों 4:8

जब तुम पिता परमेश्वर तैं नि जंणदा छा, तुम वे बगत ऊं देबतों का दास छा, जु असली मा परमेश्वर छैं ही नि छिनी।

रोमियों 11:25

हे विश्वासी भयों, कखि इन नि हो कि तुम अपड़ा आप तैं भौत बुद्धिमान समझी ल्यां। इलै कि मि तुम लुखुं पर यु भेद प्रगट कन चांणु छों, कि यु सच च कि भौत सा इस्राएल का लोग विश्वास कनु कु तैयार नि छिनी, बल्कि परमेश्वर पर विश्वास कन वला अन्यजाति लुखुं की गिणती पूरी हवे जाली, त इस्राएल का लोग विश्वास करला अर परमेश्वर मा वापिस ऐ जाला, तब तक इस्राएल कु एक हिस्सा इन ही कठोर रालो।

रोमियों 1:28

किलैकि ऊंल पिता परमेश्वर का ज्ञान तैं बणयूं रखण ठिक नि समझी, त परमेश्वर ल भि उ सभि अनुचित काम कनु कु ऊं तैं ऊंका निकम्मा मन का वश मा छोड़ी येले।

खास चेलों 17:30

पैली बगत मा परमेश्वर ल लुखुं का कामों पर ध्यान नि दींनि किलैकि लोग वे तैं नि जंणदा छा, पर अब सभि लुखुं तैं मन फिराव कि आज्ञा दींद।

1 कुरिन्थि 1:21

मि इन इलै बुल्णु छों, किलैकि पिता परमेश्वर ल समझदारी का दगड़ी यु निर्णय लये कि ई दुनिया का लोग अपड़ी काबलियत ल वे तैं जनण मा सक्षम नि छिनी। इलै पिता परमेश्वर ल ऊं लुखुं तैं बचौणु कु जु हमारा द्वारा प्रचार किये गै शुभ संदेश तैं मणदींनि, अर जु लोग यु नि मणदींनि उ बुल्दींनि कि हमारा उपदेश कु कुई फैदा नि च।

रोमियों 2:19

जु तू अफ पर भरोसो रखदि छै, कि तु इन ही छै जु अंधा लुखुं तैं परमेश्वर कु बट्टो दिखांण चयणु च, कि तुम ऊं लुखुं कु उज्यला का जन च जु अंधेरा मा छिनी।

मरकुस 3:5

यीशु ऊंका मन कि कठोरता से उदास हवे के ऊं तैं गुस्सा मा चौतरफी देखि अर वे मनिख कु बोलि, अपड़ो हथ बढो अर वेल बड़ै अर वेको हथ ठिक हवे गै।

2 कुरिन्थि 3:14

पर इस्राएल का लुखुं का मन ढीट हवे गै छा, किलैकि आज तक पुरणी वाचा तैं पढ़दी बगत ऊंका मन पर उ ही परदा पुड़यूँ रौंद; पर जब उ मसीह पर विश्वास करदींनि, पर तब ही परदा हटद।

खास चेलों 3:17

और अब, “हे विश्वासी भयों, मि जंणदु छौं कि जब तुम ल अर तुम्हरा अगुवों ल यीशु तैं मार डाली तुम तैं नि पता छों की उ मसीह छो।

रोमियों 11:7

यांको परिणाम यु हवे की इस्राएली परमेश्वर तैं खुश कनै की खोज मा छिनी, उ ऊं तैं नि मिली; पर चुणयां लुखुं तैं मिली अर बकि लुखुं कु मन कठोर बंणी गै।

1 कुरिन्थि 2:8

पिता परमेश्वर की योजना तैं ईं दुनिया का राज्यपालों ल भि नि समझी, किलैकि जु उ जंणदा त प्रतापमय प्रभु यीशु तैं सूली पर नि चड़ांदा।

इफिसुस 2:1

पैली जब तुम ल मसीह पर विश्वास नि कैरी छों, त इन लगदु छों जन कि पैली बट्टी मोरि गै छा, हम मा उ जीवन नि छों जु पिता परमेश्वर कि तरपां बट्टी मिल्दु छों, किलैकि तुम ल पाप कैरी अर परमेश्वर कि आज्ञाओं तैं नि मांणि।

इब्रानी 5:2

किलैकि उ अफ भि कमजोरियों का अधीन च, इलै उ न समझो अर भटक्यां लुखुं दगड़ी नम्र बरतौ करदो।

इब्रानी 9:7

पर भस महायाजक पूरा साल मा एक बार परम पवित्र जगह मा जांदु छो; जब उ भितर जांदु छो त उ हमेशा अफ दगड़ी जानवरों कु ल्वे ले के जांदु छो अर उ यु तैं अपड़ा पापों की माफी कु अर लुखुं का पापों की माफी कु पिता परमेश्वर तैं बलिदान चढ़ांदु छो जु उ अनजाना मा करदा छा।

1 पतरस 1:14

पिता परमेश्वर की आज्ञाओं तैं मांणा जन अच्छा बच्चा अपड़ा बुबा की आज्ञाओं तैं मणदींनि। ऊं बुरा कामों तैं नि कैरा जौं तैं तुम तब कने की इच्छा रखदा, जब तुम पिता परमेश्वर की सचै तैं नि जंणदा।