इफिसुस 3:4 - गढवली नयो नियम

⁴ जन तुम चिट्ठी पढ़ल्या, तुम तैं यु भि पता लगालो कि मि सच मा मसीह का भेद का बारा मा समझदु छों।

Garhwali

⁴ अर जब तुम ईं चिठ्‍ठी तैं पढिल्या, त तुम समझि सकिल्या कि मितैं वीं योजना का बारा मा कथगा अच्छे से पता होलु, ज्वा कि पैलि छिपी छै अर पिता परमेस्वर न यीशु मसीह का बारा मा बणईं छै।

इफिसुस 3:4 Referans Kwoze

कुलुसी 4:3

अर यांका दगड़ा-दगड़ी हम कु भि प्रार्थना करदी रावा, कि पिता परमेश्वर हम कु वचन सुणौणु कु इन मौका द्या, कि हम मसीह का वे भेद कु बखान कैरी साका, जै कु प्रचार मिल कैरी अर वे कारण मि कैद मा छौं।

1 कुरिन्थि 4:1

इलै लुखुं ल हम तैं मसीह कु सेवक समझी, जु तैं परमेश्वर का वचन का गुप्त भेदों तैं समझणै की जिम्मेदारी सौंपे गै।

2 कुरिन्थि 11:6

जु मि खुल्ला रूप मा बुल्ण मा ज्ञानी नि छो, तब भि मसीह अर शुभ संदेश का बारा मा मि तैं जानकारी छै च; जबकि मिल अपड़ो ज्ञान ऊं सभि बातों मा प्रदर्शित कैरी जु मिल सिखैनी।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

कुलुसी 2:2

मि इन इलै करदु कि मि ऊं तैं तुम्हरा विश्वास मा मजबूत कन चांणु छों, अर एक दुसरा का प्रति तुम्हरो प्रेम तुम तैं कठ्ठा करलो, मि चांदु छों कि ऊं तैं पूरी हिम्मत हो किलैकि ऊं तैं पिता परमेश्वर की गुप्त योजना की पूरी समझ च, जु खुद मसीह ही च।

इफिसुस 6:19

अर मि कु भि प्रार्थना कैरी कै पिता परमेश्वर बट्टी बुल्यां कि उ मि तैं बुल्ण मा ठिक शब्द द्यां कि मि साहस बट्टी शुभ सन्देश प्रचार का बारा मा जु सभि लुखुं कु च, वेका गुप्त बातों तैं समझी सका,

इफिसुस 5:32

या एक कीमती अर गम्भीर शिक्षा च जै बट्टी हम इन समझ सकद्यां, अर मि यांकि तुलना मसीह अर वे पर विश्वास कन वलो की मण्डलि का दगड़ी करदु।

इफिसुस 1:9

पिता परमेश्वर ल उ ही कैरी, जु वेको गुप्त मा रख्युं छो, अर वे गुप्त योजना का बारा मा बतै जु वेल पैली बट्टी ही मसीह का द्वारा पूरो कनु कु फैसला कैरी छो।

लूका 8:10

यीशु ल बोलि, “तुम तैं त परमेश्वर का राज्य कि सचै की समझ दियीं च अर सुनण का बाद भि नि समझदियां औरों तैं मिसाल दे के सुंणै जांणु च इलै की उ दिखण का बाद भि नि देखि सकदींनि अर सुनण का बाद भि नि समझीनि।”

1 तीमुथियुस 3:9

ऊंमा एक साफ सुथरी सुचणै की क्षमता हो ज्वा विश्वास कन मा अर पिता परमेश्वर की ज्वा शिक्षा दीं च ऊं तैं सच मंणुन।

1 कुरिन्थि 13:2

अर जु मि भविष्यवाणी कैर साको, अर सभि भेदों अर सभि प्रकार का ज्ञान तैं समझु, अर मि तैं यख तक पिता परमेश्वर पर पूरो विश्वास च, कि मि पौड़ तैं इनां बट्टी ऊना कैरी सकदु, पर दूसरों बट्टी प्रेम नि रखु, त मेरी कुई कीमत ही नि च।

मत्ती 13:11

यीशु ल जवाब दींनि, “तुम तैं त परमेश्वर का राज्य कि सचै की समझ दियीं च पर ऊं तैं नि दिईं।”

रोमियों 11:25

हे विश्वासी भयों, कखि इन नि हो कि तुम अपड़ा आप तैं भौत बुद्धिमान समझी ल्यां। इलै कि मि तुम लुखुं पर यु भेद प्रगट कन चांणु छों, कि यु सच च कि भौत सा इस्राएल का लोग विश्वास कनु कु तैयार नि छिनी, बल्कि परमेश्वर पर विश्वास कन वला अन्यजाति लुखुं की गिणती पूरी हवे जाली, त इस्राएल का लोग विश्वास करला अर परमेश्वर मा वापिस ऐ जाला, तब तक इस्राएल कु एक हिस्सा इन ही कठोर रालो।

रोमियों 16:25

अब जै शुभ सन्देश कु मि प्रचार करदु, मतलब यीशु मसीह का बारा मा प्रचार का अनुसार जु तुम तैं विश्वास मा मजबूत बणांद, वे भेद का प्रकाश का अनुसार जु हमेशा बट्टी छिप्युं रै।

इफिसुस 3:3

मतलब जन कि मिल तुम तैं विस्तार रूप मा तुम कु पैली लिखीं छों, पिता परमेश्वर ल खुद मि तैं वीं गुप्त योजना तैं प्रगट कैरी।

इफिसुस 3:9

अर सभियूं मनिख्युं तैं समझै सकदु छों, कि वेल ऊं चीजों तैं कन पूरो कैरी जौं तैं वेल पैली बट्टी कनु कु फैसला कैरी छों। यु भौत बगत पैली प्रगट नि हवे छों किलैकि परमेश्वर हरेक चीज तैं बनांण वलो ल छिपयुं छों।

कुलुसी 1:26

यानि, वे भेद कु प्रचार कैर जु भेद जुग-जुग बट्टी अर ऊं सभि लुखुं बट्टी जु पुरणा बगत मा रौंदा छा छिप्युं रखि पर अब पिता परमेश्वर का पवित्र लुखुं पर प्रकट हवे।