इफिसुस 3:16 - गढवली नयो नियम

¹⁶ मि प्रार्थना करदु छों, कि उ अपड़ा महिमा का धन मा बट्टी तुम तैं जु दान दैं, कि वेकी आत्मा तुम तैं शान्ति द्याली कि अपड़ी आत्मा मा तुम सामर्थ पै के मजबूत हवे जावा,

Garhwali

¹⁶ उ अपणी पवित्र आत्मा का द्‍वारा अपणा महान कुठार बटि तुम सभ्यों तैं इन दान द्‍यो, ताकि तुम अपणी आत्मा मा और भि जादा मजबूत होन्दी जा।

इफिसुस 3:16 Referans Kwoze

कुलुसी 1:11

पिता परमेश्वर अपड़ी महिमामय अर सामर्थ कु इस्तेमाल कैरी के तुम तैं बिज्यां मजबूत बणौ कि, तुम धीरज अर खुशी ल अपड़ा दुखों तैं सह साका।

फिलिप्पी 4:13

मसीह जु मि तैं सामर्थ दींद वेकी मदद बट्टी मि सब कुछ कैरी सकदु।

2 तीमुथियुस 4:17

पर प्रभु ल मेरू दगड़ो दींनि, अर मि तैं सामर्थ दींनि; कि मेरा द्वारा यीशु मसीह का शुभ संदेश को पूरो प्रचार हो, अर सब अन्य-जाति का लोग सूंणि ल्योनु, अर मि तैं मौत बट्टी बचै जन कि शेर का गिच्चा बट्टी छुड़ाये हो।

2 कुरिन्थि 4:16

इलै हम हिम्मत नि छुडदियां; जबकि हमारो भैरो कु मनुष्यत्व नाश भि हवे जांद, तब भि हमारी आत्मा हर दिन नई हूंदी जांदी।

इफिसुस 6:10

एक आखिरी शब्द प्रभु कि शक्तिशाली सामर्थ बट्टी मजबूत बणा।

2 कुरिन्थि 12:9

अर वेल मि बट्टी बोलि, “मेरी कृपा त्वे कु भौत च; किलैकि मेरी सामर्थ कमजोरी मा सिद्ध हूंदी” इलै मि बड़ा आनन्द ल अपड़ी कमजोरियों पर घमण्ड करुलु, कि मसीह की सामर्थ मि पर छाया करदी रौ।

फिलिप्पी 4:19

अर मेरू पिता परमेश्वर भि अपड़ा वे धन का अनुसार जु महिमा का दगड़ी मसीह यीशु मा च तुमारी हर एक जरूरत तैं पूरी करलो।

रोमियों 7:22

किलैकि मि अपड़ा पूरा मन बट्टी पिता परमेश्वर कि व्यवस्था बट्टी भौत खुश रौंदु।

1 कुरिन्थि 16:13

चौकस रावा, अर लगातार विश्वास मा भि बणयां रावा, हिम्मतवला बणा, अर पिता परमेश्वर का दगड़ी अपड़ा रिश्ता तैं मजबूत रखा।

रोमियों 9:23

वेल इन इलै कैरी, किलैकि उ दिखण चांदु छो, कि उ कथग महान च जब वेल ऊं लुखुं पर दया कैरी जौं तैं वेल अपड़ी महिमा मा भागिदार हूंणु कु पैली चुणि।

कुलुसी 1:27

किलैकि पिता परमेश्वर चांदो छो कि वेका लोग यु जणिल्यो कि मसीह कु धन और महिमा तुम अन्य-जातियों कु भि च, अर गुप्त बात य च मसीह तुम मा रौंदा, यु तुम तैं वेकी महिमा मा साझो हूंणो की आस दींद।

इफिसुस 3:8

जबकि मि पिता परमेश्वर का सभि पवित्र लुखुं मा बट्टी सभियूं मा बट्टी कम योग्य छों, कि पिता परमेश्वर मेरा प्रति अनुग्रह कैरी छों, कि मि अन्यजातियों तैं शुभ सन्देश प्रचार सुंणै साको कि मसीह कभी खत्म नि हूंण वली आशीषों कु स्रोत च,

इफिसुस 1:18

मि यु भि प्रार्थना करदु छों, कि उ सचै तैं समझण मा हमारी मदद करलो, कि तुम जणिल्या कि उ आस जैको वेल तुम तैं बुल्युं च उ क्य च, अर तुम जांणि सका कि उ आशीष कथग महान अर महिमामय च ज्यांको वादा परमेश्वर ल अपड़ा पवित्र लुखुं बट्टी करयुं च।

मत्ती 6:13

अर हम तैं अजमैश मा नि लौ पर दुष्ट शैतान बट्टी बचौ किलैकि राज्य, अर पराक्रम अर महिमा सदनी तेरी च। आमीन।

इफिसुस 1:7

मसीह कु ल्वे बुगांण का कारण हमारा पाप माफ कैरे अर छुड़ै गैनी, पिता परमेश्वर की दया कथग महान च जु वेल हम तैं बहुतायत बट्टी दियुं च,

इब्रानी 11:34

आग ल ऊं तैं नि फूंकी; तलवार ल ऊं तैं नि काटि, एक बार कमजोर हूंणा का बाद फिर ऊं तैं सामर्थशाली बणै गै; लड़ै कनु कु वीर पुरुष गैनी; अर ऊंल अपड़ी दुश्मनों की फौज तैं दूर तक भगै दींनि।

1 पतरस 3:4

तुम्हरी सुंदरता ईं बात पर निर्भर हूंण चयणी च कि तुम हकीकत मा कु छा, यु एक विनम्र अर शान्त बरतौ च, जु कि पिता परमेश्वर कु भौत अनमोल च।

इफिसुस 2:7

पिता परमेश्वर ल इन इलै कैरी कि आंण वला दिनों मा उ दुनिया का लुखुं तैं मिसाल दिखै साको कि ऊंको अनुग्रह कथग महान च। जु कुछ वेल हम कु कैरी हम तैं या दया दिखै गै जु मसीह यीशु का दगड़ी एकता मा छा।

रोमियों 2:29

एक सचो यहूदी उ च, जैको मन पिता परमेश्वर का दगड़ी जुड़यूं च, अर सचो खतना भस मूसा कि व्यवस्था कु पालन कन ही नि च; बल्कि यु मन कु बदलाव च, जु परमेश्वर कि आत्मा का द्वारा ही पैदा हूंद। इन मनिख लुखुं बट्टी न, बल्कि परमेश्वर बट्टी बड़ै पांदो।

इफिसुस 3:15

पिता परमेश्वर वीं च जु स्वर्ग अर धरती पर, हरेक कुटम्ब कु अस्तित्व हूंणो कु कारण बणद,

कुलुसी 2:2

मि इन इलै करदु कि मि ऊं तैं तुम्हरा विश्वास मा मजबूत कन चांणु छों, अर एक दुसरा का प्रति तुम्हरो प्रेम तुम तैं कठ्ठा करलो, मि चांदु छों कि ऊं तैं पूरी हिम्मत हो किलैकि ऊं तैं पिता परमेश्वर की गुप्त योजना की पूरी समझ च, जु खुद मसीह ही च।