इफिसुस 2:4 - गढवली नयो नियम

⁴ पर पिता परमेश्वर भौत दयालु च; अर अपड़ा वे बड़ा प्रेम का कारण ज्यां ल वेल हम बट्टी प्रेम कैरी,

Garhwali

^4-5 मगर दया करण मा पिता परमेस्वर को दिल सबसे बड़ु च, किलैकि जब हम अपणा-अपणा अपराध अर पापों की वजै से मुरयां लोगु का जन छा, तब वेन यीशु मसीह का द्‍वारा अपणु प्यार हम पर परगट कैरी, अर हमतै वेका दगड़ा मुरदो मा बटि ज्यून्द कैरिके हमतै नयू जनम देई अर वेकी बड़ी किरपा से हम बचि ग्यां।

इफिसुस 2:4 Referans Kwoze

1 पतरस 1:3

हमारा प्रभु यीशु मसीह का पिता परमेश्वर को धन्यवाद हो, पिता परमेश्वर ल हमारा प्रति अपड़ी बड़ी दया ल हम तैं एक नयो जीवन दये। किलैकि पिता परमेश्वर ल यीशु मसीह तैं मुर्दों बट्टी ज्यून्दो कैरी, वेल हम तैं भौत आत्मविश्वास का दगड़ी जीवन जींणा का योग्य बणै; मतलब यु कि ऊं चीजों तैं पांणै की पूरी आस कैरी सकदां जु वेल हम तैं दींणों को वादा कैरी,

इफिसुस 1:7

मसीह कु ल्वे बुगांण का कारण हमारा पाप माफ कैरे अर छुड़ै गैनी, पिता परमेश्वर की दया कथग महान च जु वेल हम तैं बहुतायत बट्टी दियुं च,

रोमियों 5:8

पर पिता परमेश्वर हम पर अपड़ा प्रेम कि भलै की ईं रीति तैं प्रगट करदो, कि जब हम पापी ही छा तभि मसीह हम कु मोरि।

इफिसुस 2:7

पिता परमेश्वर ल इन इलै कैरी कि आंण वला दिनों मा उ दुनिया का लुखुं तैं मिसाल दिखै साको कि ऊंको अनुग्रह कथग महान च। जु कुछ वेल हम कु कैरी हम तैं या दया दिखै गै जु मसीह यीशु का दगड़ी एकता मा छा।

रोमियों 10:12

यहूदियों अर यूनानी अन्यजाति लुखुं मा कुई फर्क नि च, इलै की पिता परमेश्वर ऊं सभियूं कु प्रभु च; अर जु वे बट्टी प्रार्थना करदींनि ऊंकु दयालु भि च।

1 तीमुथियुस 1:14

हमारा प्रभु ल हमेशा मि पर अपड़ी भरपूर दया दिखै, वेल मि तैं विश्वास अर प्रेम द्ये किलैकि मि मसीह यीशु का दगड़ी जुड़यूं छो।

2 तीमुथियुस 1:9

पिता परमेश्वर ल ही हम तैं बचै के उद्धार प्रदान कैरी, अर हम तैं एक पवित्र जीवन ज्यूंणु कु बुलै, वेल हम तैं इलै नि चुणि किलैकि हम ल अच्छा काम करिनी पर य वेकी दया का अनुसार च, जु शुरुवात बट्टी मसीह यीशु मा हमेशा से हम पर हवे।

इफिसुस 3:8

जबकि मि पिता परमेश्वर का सभि पवित्र लुखुं मा बट्टी सभियूं मा बट्टी कम योग्य छों, कि पिता परमेश्वर मेरा प्रति अनुग्रह कैरी छों, कि मि अन्यजातियों तैं शुभ सन्देश प्रचार सुंणै साको कि मसीह कभी खत्म नि हूंण वली आशीषों कु स्रोत च,

रोमियों 9:23

वेल इन इलै कैरी, किलैकि उ दिखण चांदु छो, कि उ कथग महान च जब वेल ऊं लुखुं पर दया कैरी जौं तैं वेल अपड़ी महिमा मा भागिदार हूंणु कु पैली चुणि।

रोमियों 2:4

क्य तु परमेश्वर कि भलै, अर सहनशीलता, धीरजरूपी धन तैं तुच्छ समझणी छै? अर क्य तू इन नि समझणी छै कि पिता परमेश्वर कि भलै त्वे तैं पाप बट्टी मन फिराण तैं सिखांदी?

2 थिस्सलुनीकी 2:13

हे विश्वासी भयों, अर हम तैं लगातार पिता परमेश्वर कु धन्यवाद कन चयणु च किलैकि प्रभु तुम बट्टी प्रेम करद। किलैकि पिता परमेश्वर ल दुनिया की सृष्टि से पैली ही तुम तैं चुणि कि तुम तैं बचै साको; उ पवित्र आत्मा का कामों का द्वारा जु तुम तैं पवित्र बणांद अर तुमारा द्वारा प्रभु यीशु मसीह का बारा मा सच्चा संदेश पर विश्वास कन से तुम तैं बचांद की तुम उद्धार पां।

लूका 1:78

यु हमारा परमेश्वर कि वीं बड़ी दया से होलो ज्यां बट्टी घाम हम तैं उज्यलो दींणु कु चमकदो उ न ही मसीह भि हम मा स्वर्ग बट्टी आलो