इफिसुस 2:1 - गढवली नयो नियम

¹ पैली जब तुम ल मसीह पर विश्वास नि कैरी छों, त इन लगदु छों जन कि पैली बट्टी मोरि गै छा, हम मा उ जीवन नि छों जु पिता परमेश्वर कि तरपां बट्टी मिल्दु छों, किलैकि तुम ल पाप कैरी अर परमेश्वर कि आज्ञाओं तैं नि मांणि।

Garhwali

¹ अर जब तुम भि अपणा-अपणा अपराधों अर पापों की वजै से मुरयां लोगु का जन छा, त पिता परमेस्वर न तुमतै ज्यून्दु कैरी अर इथगा ही ना,

इफिसुस 2:1 Referans Kwoze

कुलुसी 2:13

अर वेल तुम तैं भि, जु अपड़ा पापों, अर खतना का जन तुम्हरो बुरो स्वभाव कटै नि गै छो, पिता परमेश्वर ल तुम तैं मसीह का दगड़ी ज्यून्दो कैरी अर हमारा सब पापों तैं माफ कैरी।

रोमियों 8:2

पवित्र आत्मा जु मसीह यीशु का तरपां बट्टी आंदो उ तुम तैं जीवन दयालो अर तुम तैं पाप अर मृत्यु की व्यवस्था बट्टी आजाद करलो।

इफिसुस 4:18

किलैकि उ समझण का लैक नि च अर वे अज्ञानता का कारण जु ऊंमा च, अर ऊंका सुनण से मना कन का कारण उ वे जीवन बट्टी दूर छिनी, जु परमेश्वर दींद;

यूहन्ना 5:21

किलैकि जन पिता परमेश्वर मुरयां लुखुं तैं ज्यूँदो करदु च उन ही नौंनो भि जै तैं चांदु ऊं तैं जिलौदु च।

1 यूहन्ना 3:14

हम जणदां छा, कि हम विश्वासी मौत अर शैतान की शक्ति का अधीन नि छा, पर अब हम मा पिता परमेश्वर की तरपां बट्टी अनन्त जीवन च; किलैकि हम भयों बट्टी प्रेम करदां; जु प्रेम नि करदो, उ मौत अर शैतान का अधीन मा च।

यूहन्ना 14:6

यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु।

इफिसुस 5:14

यु कारण लोग बुल्दींनि, “हे सींण वला बिजि जा अर मुर्दों मा बट्टी ज्यूँदो हवे जा; त मसीह अपड़ो उज्यलो तुम पर चमकालो।”

1 तीमुथियुस 5:6

उ विधवा जु अपड़ा सैरो बगत सुख-सुविधाओं मा बितांदी, उ एक मुरयां मनिख जन च, जबकि व देह मा ज्यूंदी च, पर आत्मिक रूप मा मोरि गै।

यूहन्ना 5:25

मि तुम मा सच-सच बुल्णु छौं उ बगत औंणु च अर अब ही च ज्यांमा मुरयां लोग परमेश्वर का नौंना की आवाज सुणला अर जु सुणला उ हमेशा कु जीला।

1 कुरिन्थि 15:45

परमेश्वर का वचन मा लिख्युं च, “इन धरती कु पैलो आदिम, मतलब आदम, जीवित प्राणी बंणि” और आखरी आदिम जु मसीह च, जु अनन्त जीवन दींद।

यूहन्ना 10:10

चोर भस ढिबरों तैं चुरणु अर मरणु कु अर नष्ट कनु कु ही आंदो मि इलै अयुं कि उ जीवन पां अर बहुतायत को जीवन तैं पै।

दिब्य दरस 3:1

सरदीस शहर की मण्डलि का दूत तैं लिख; “यु संदेश वेका तरपां बट्टी च जु सात गैणों तैं अपड़ा हथ मा ले के रखद अर जु पिता परमेश्वर का सात आत्माओं तैं भिजद, यु बुल्द कि मि जंणदु छो कि तू क्य करदी, कि तू मेरू विश्वासयोग्य विश्वासी प्रतीत त हूंदी, पर हकीकत मा तू अब मेरू अनुसरण नि करदी।”

लूका 15:32

पर अब आनन्द मगन हूंण चयणु च किलैकि तेरु यु भैय जै कु मिल सोचि छो, कि मोरि गै छो पर फिर ज्यूँदो हवे गै हरचि गै छो पर अब मिली गै।

लूका 15:24

किलैकि मेरू यु नौंनो जैका बारा मा सुचदा छा की मोरि गै छो पर अब ज्यूँदो हवे गे: हरचि गै छो, अब मिली गै अर उ अनन्द मनांण लगि गैनी।

मत्ती 8:22

यीशु ल वेमा बोलि, “तु मेरा चेला बनण कु मेरा पिछनैं औ, अर जु लोग आत्मिक रूप से मुर्युं छिनी ऊं तैं अपड़ा मुर्दा दफनौंण दे।”

2 कुरिन्थि 5:14

किलैकि मसीह कु प्रेम हम तैं चलौंद; इलै कि हम निश्चित छा, कि एक आदिम सभि लुखुं कु मोरि गै, इलै सभि लोग मोरि गैनी।