इफिसुस 1:9 - गढवली नयो नियम

⁹ पिता परमेश्वर ल उ ही कैरी, जु वेको गुप्त मा रख्युं छो, अर वे गुप्त योजना का बारा मा बतै जु वेल पैली बट्टी ही मसीह का द्वारा पूरो कनु कु फैसला कैरी छो।

Garhwali

⁹ अर पिता परमेस्वर न हमतै अपणी छिपी मनसा का बारा मा बतै, अर ईं बात से खुश ह्‍वे कि उ यीशु मसीह का द्‍वारा अपणी इच्छा तैं पूरि करलु।

इफिसुस 1:9 Referans Kwoze

2 तीमुथियुस 1:9

पिता परमेश्वर ल ही हम तैं बचै के उद्धार प्रदान कैरी, अर हम तैं एक पवित्र जीवन ज्यूंणु कु बुलै, वेल हम तैं इलै नि चुणि किलैकि हम ल अच्छा काम करिनी पर य वेकी दया का अनुसार च, जु शुरुवात बट्टी मसीह यीशु मा हमेशा से हम पर हवे।

इफिसुस 1:11

परमेश्वर ल हम यहूदियों तैं भि मसीह का दगड़ी जोड़ि कै अपड़ा लोग हूंणो कु चुणयेली किलैकि शुरू बट्टी ऊंकी या ही योजना छै, उ सब कुछ अपड़ी योजना का अनुसार करदु च।

इफिसुस 3:11

परमेश्वर ल पड़ी अनन्त योजना का अनुसार इन कैरी, जु वेल हमारा प्रभु यीशु मसीह का द्वारा पूरी कैरी छै।

गलातियों 1:12

किलैकि उ मि तैं कै पुरणों बट्टी नि मिली अर न कै धार्मिक शिक्षक ल मि तैं यु सिखै; पर यीशु मसीह ल अपड़ा आप तैं मि पर प्रगट कैरी।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

रोमियों 8:28

हम जंणदा छा, कि जु लोग परमेश्वर बट्टी प्रेम रखदींनि, मतलब ऊंकु ही जु वेकी ही इच्छा का अनुसार चलदींनि जूं तैं वेको चुणयूं च, ऊं लुखुं कु पिता परमेश्वर सभि बातों कु भलै कु ही करद,

खास चेलों 13:48

यु सूंणि के अन्यजाति लोग भौत खुश हवीनि, अर पिता परमेश्वर का वचन की बड़ै कन लगि गैनी, अर जथग अनन्त जीवन कु ठैरिनि, ऊंल विश्वास कैरी।

मत्ती 13:11

यीशु ल जवाब दींनि, “तुम तैं त परमेश्वर का राज्य कि सचै की समझ दियीं च पर ऊं तैं नि दिईं।”

खास चेलों 4:28

ऊंल उ ही कैरी जु कुछ तेरी सामर्थ अर मनसा से ठैरयूं छो उन कैर!

खास चेलों 2:23

यु ही यीशु पिता परमेश्वर की ठैरैईं मनसा का अनुसार अर परमेश्वर का हूंण वला पूर्व ज्ञान का अनुसार पकड़वये गै छो अर तुम ल अधर्मियों का हथों ल वे तैं सूली पर चढ़ै कै मरवै दींनि।

लूका 2:14

सबसे ऊंचो, “स्वर्ग मा परमेश्वर की बड़ै अर धरती मा ऊं मनिख्युं मा जौं बट्टी उ खुश च शान्ति हो।”

लूका 12:32

तुम मेरी देखभाल मा ढिबरों का जन छा इलै के भि बात का बारा मा नि डैरा, किलैकि तुमारा पिता परमेश्वर तैं यांकि खुशी च, की तुम तैं राज्य द्यो।

रोमियों 11:25

हे विश्वासी भयों, कखि इन नि हो कि तुम अपड़ा आप तैं भौत बुद्धिमान समझी ल्यां। इलै कि मि तुम लुखुं पर यु भेद प्रगट कन चांणु छों, कि यु सच च कि भौत सा इस्राएल का लोग विश्वास कनु कु तैयार नि छिनी, बल्कि परमेश्वर पर विश्वास कन वला अन्यजाति लुखुं की गिणती पूरी हवे जाली, त इस्राएल का लोग विश्वास करला अर परमेश्वर मा वापिस ऐ जाला, तब तक इस्राएल कु एक हिस्सा इन ही कठोर रालो।

1 कुरिन्थि 1:21

मि इन इलै बुल्णु छों, किलैकि पिता परमेश्वर ल समझदारी का दगड़ी यु निर्णय लये कि ई दुनिया का लोग अपड़ी काबलियत ल वे तैं जनण मा सक्षम नि छिनी। इलै पिता परमेश्वर ल ऊं लुखुं तैं बचौणु कु जु हमारा द्वारा प्रचार किये गै शुभ संदेश तैं मणदींनि, अर जु लोग यु नि मणदींनि उ बुल्दींनि कि हमारा उपदेश कु कुई फैदा नि च।

गलातियों 1:15

पर तब पिता परमेश्वर ल फैसला कैरी कि अपड़ा नौंना तैं मि पर प्रकट कैरो कि मि अन्यजाति लुखुं का बीच मा यीशु का बारा मा शुभ सन्देश प्रचार कैर साको। पिता परमेश्वर ही च जैल मि तैं मेरा पैदा हूंण से पैली ही चुणि, अर अपड़ा दया का कारण वेल मि तैं वेकी सेवा कनु कु बुलै। जब परमेश्वर ल अपड़ा नौंना तैं मि पर प्रकट कैरी, तब मि सलाह लींणु कु कै मा नि गौ।

इफिसुस 1:8

जन परमेश्वर ल सैरा बुद्धिमानी अर विवेक मा हम पर बहुतायत बट्टी कैरी।