इफिसुस 1:21 - गढवली नयो नियम

²¹ उख पिता परमेश्वर ल सभि किस्मै कि प्रधानता, अर अधिकार, अर सामर्थ, अर प्रभुता, जु हरेक नौं बट्टी मथि, जु न बल्कि लोक मा, पर आंण वला लोक मा भि लिये जाली;

Garhwali

²¹ अर हरेक सासन करण वळु या अधिकार रखण वळु, या जौं का पास कुछ ताकत हो या कुई खास आदिम जैका पास कै मुलक या जगा को अधिकार हो, यों सभ्यों का मथि पिता परमेस्वर न यीशु मसीह तैं सबसे बड़ु पद दिनी, अब चै ये युग मा हो या औण वळा युग मा।

इफिसुस 1:21 Referans Kwoze

कुलुसी 2:10

मसीह हरेक शक्ति अर अधिकार मा प्रधान च। इलै जु तुम मसीह मा छा, त तुम तैं कै भि बात की घटि नि च।

1 पतरस 3:22

अर उ स्वर्ग मा चलि गै। अब उ उख पिता परमेश्वर का दैंणा तरपां सबसे बड़ी जगह पर च, अर उ सैरा स्वर्गदूतों अर सैरा अधिकारियों अर सामर्थ पर राज्य करद जौं मा अधिकार अर शक्ति छिनी।

इब्रानी 1:4

इलै पिता परमेश्वर ल नौंना तैं एक इन नौं दींनि जु स्वर्गदूतों बट्टी भि भौत जादा महान च, जैका द्वारा हम देख सकदां कि नौंनो ऊं बट्टी भौत जादा महान च।

खास चेलों 4:12

यीशु का अलावा कै और दुसरा का द्वारा उद्धार अर बचाव नि च किलैकि आसमान का तौला अर मनिख्युं मा और कुई हैंको नौं नि दिये गै जैका द्वारा हम मुक्ति पै सैका।

कुलुसी 2:15

अर पिता परमेश्वर ल मसीह का सूली पर मुरण का कारण दुनिया की प्रधानताओं अर अधिकारों तैं हरै के ऊं तैं सभि का संमणी बेजती कैरी, अर ऊं पर जीत हासिल कैरी कै खुशी मणै।

इफिसुस 3:10

कि अब मण्डलि का द्वारा, परमेश्वर कि अनन्त बुद्धि ऊं प्रधानों अर अधिकारियों पर प्रगट किये जालो, जु अनदेखा दायरों कु जख आत्मा राज्य करदींनि प्रगट किये जौं।

इब्रानी 4:14

इलै, यीशु जु स्वर्ग मा गै, उ पिता परमेश्वर कु नौंनो च; उ हम सभियूं कु बड़ो महायाजक च; इलै आवा हम वे विश्वास तैं बगैर छुड़यां मजबूत बंणि के रां जै तैं हम सभियूं ल स्वीकार कैरी छो।

मत्ती 12:32

जु कुई मि मनिख कु नौंनो का विरोध मा कुई बात बुललु वेको यु अपराध माफ किये जालो पर जु पवित्र आत्मा विरोध मा कुछ बुललो त वेको यु अपराध न त ये लोक मा अर न औंण वला लोक मा माफ करे जालो।

इब्रानी 2:5

पिता परमेश्वर वे आंण वली दुनिया तैं जैका बारा मा हम बुल्णा छा, स्वर्गदूतों का अधीन न, पर प्रभु यीशु मसीह का अधीन कैरी।

इफिसुस 2:2

वे बगत तुम यु दुनिया का ऊं लुखुं का तरीकों का अनुसरण करद जु परमेश्वर तैं नि जंणदा छा, अर शैतान कि आज्ञाओं कु पालन करदा छा मतलब वे प्रधान कु जु आकाश मा दुष्टात्मा पर शासन करदु च, जु अभि भि ऊं लुखुं तैं जकड़ कनै कि कोशिश करदो च जु परमेश्वर कि आज्ञा कु पालन नि करदो।