इफिसुस 1:19 - गढवली नयो नियम

^19-20 मि चांदु छों कि तुम वे महान अर परिक्रमा सामर्थ का बारा मा जांणा, जु पिता परमेश्वर मा हम कु च, जु वे मसीह पर विश्वास करदु, या उ महान शक्ति च ज्यांको इस्तेमाल परमेश्वर ल तब कैरी छों, जब वेल मसीह तैं फिर से ज्यूँदो कैरी, जब वेल मसीह तैं स्वर्ग मा अपड़ी दैंणि तरपां आदर का जगह पर बैठै।

Garhwali

¹⁹ अर मि इन भि प्रार्थना करदु, कि तुम यू समझि सैका कि हम बिस्वास करण वळो का जीवनों मा वेकी ज्वा ताकत काम करदी जु कि भौत ही महान च। अर ईं ताकत की महानता अकसर वेका महान कामों तैं करण की वजै से परगट होन्दी।

इफिसुस 1:19 Referans Kwoze

फिलिप्पी 2:13

किलैकि परमेश्वर ही च, जु तुम्हरा भितर काम कनु च, अर तुम तैं उ कनै की इच्छाशक्ति दयूंणु च, ज्यां बट्टी वे तैं खुशी मिलदी।

इफिसुस 3:20

परमेश्वर जु इन सामर्थी च, कि हमारी बिनती अर समझ बट्टी बढ़ि के काम कैरी सकद, वीं सामर्थ का अनुसार जु हम मा काम करद।

कुलुसी 2:12

अर वेका ही दगड़ा मा तुम्हरो बपतिस्मा हवे के तुम वे दगड़ी दफनये ग्यां जन मसीह दफनये गै अर वे ही दगड़ी ज्यून्दा भि करे ग्यां, किलैकि तुम ल पिता परमेश्वर कि वीं सामर्थ पर विश्वास कैरी जैल मसीह तैं मुर्दों मा बट्टी ज्यूँदो कैरी।

2 कुरिन्थि 4:7

पर अब हमारा दिलों मा यु उज्यलो चमकणु च, पर हम अफ माटा का ऊं कमजोर भांडा का जन छा जौं मा यु बड़ों खजाना भुर्युं च, कि या कभी खत्म नि हूंण वली सामर्थ हमारी तरपां बट्टी न, पर पिता परमेश्वर ही का तरपां बट्टी च।

कुलुसी 1:29

यु तैं पूरो कनु कु मि मेहनत अर संघर्ष कनु छों, वीं सामर्थ कु इस्तेमाल कैरी के जु मसीह दींद अर जु मि मा काम करदी।

इफिसुस 6:10

एक आखिरी शब्द प्रभु कि शक्तिशाली सामर्थ बट्टी मजबूत बणा।

इफिसुस 3:7

अर मुफ्त उपहार बट्टी, बल्कि पिता परमेश्वर का अनुग्रह बट्टी जु वेल मि तैं दिईं च, पिता परमेश्वर का अनुग्रह अर चमत्कार का काम बट्टी जु मि तैं सौभाग्य दियुं च, कि वे शुभ सन्देश सेवक बंणि।

इफिसुस 2:10

किलैकि हम तैं परमेश्वर ल बंणै गै; अर मसीह यीशु मा भला काम कनु कु हम तैं नया लुखुं का रूप मा बंणै जै तैं पिता परमेश्वर ल पैली ही बट्टी हम कु तैयार कैरी।

रोमियों 1:16

किलैकि मि तैं मसीह का बारा मा शुभ सन्देश पर पूरो भरोसो च, शुभ संदेश बट्टी ही पिता परमेश्वर ल शुरुआत मा यहूदी लुखुं कु उद्धार कैरी अर फिर यूनानी अन्यजाति अर अब सभि लुखुं कु उद्धार करदो अर य ही पिता परमेश्वर की सामर्थ च।

याकूब 1:18

पिता परमेश्वर ल अपड़ी ही मनसा का अनुसार सच्चा वचन का द्वारा हम तैं नयो जन्म दींनि, कि हम वेका द्वारा बणईं हर एक चीज का सबसे जरूरी भाग हो, जन कि फसल कु पैलो हिस्सा सबसे जरूरी हिस्सा हूंद।

2 थिस्सलुनीकी 1:11

इलै हम तुम कु सदनी प्रार्थना भि करदां, कि हमारो पिता परमेश्वर तुम तैं वे जीवन का लैक बणै द्यो जै तैं जींणु कु पिता परमेश्वर ल तुम तैं बुलै भि च। उ अपड़ी सामर्थ का द्वारा तुम्हरो मार्गदर्शन करो कि तुम्हरी सभि भली मनसा पूरी हों अर जु कुछ भि तुम विश्वास बट्टी करदां उ पूरो हो,

1 थिस्सलुनीकी 1:5

किलैकि हमारो यीशु मसीह का बार मा शुभ सन्देश तुम तैं भस शब्दो मा ही नि सुणै बल्कि पवित्र आत्मा की सामर्थ अर पक्का विश्वास का दगड़ी सुणै गै अर तुम अफी जंणदा छा कि जब हम तुमारा बीच रांदा छा तब तुम्हरी भलै का बानौ हम ल कै किस्मै कु जीवन बसर कैरी।

2 कुरिन्थि 5:17

इलै, जु कुई मसीह पर विश्वास करद त वेको एक नयो अस्तित्व च; पुरणो स्वभाव बीत गै; देखा, उ सभि नयो हवे गै।

खास चेलों 26:18

कि तू ऊंकी आंखा खोल, कि उ अंधेरा बट्टी उज्यला का तरपां, अर शैतान का अधिकार बट्टी पिता परमेश्वर की तरपां फिर; त पिता परमेश्वर ऊंका पापों तैं माफ करलो, अर ऊं लुखुं दगड़ी विरासत मिलो, जु मि पर विश्वास कन से पवित्र किये गैनी’

यूहन्ना 3:6

मनिख भस मनिख जीवन तैं ही दुबरा पैदा किये सकदु च, इलै पवित्र आत्मा स्वर्ग बट्टी नयो जीवन दींदो।

फिलिप्पी 3:21

उ अपड़ी वीं शक्ति का द्वारा ज्यां ल उ सब चीजों तैं अपड़ा वश मा करदो, वीं शक्ति का द्वारा उ हमारा कमजोर देह कु रूप बदली के अपड़ा प्रतापमय देह जन बंणै दयालो।

1 पतरस 4:11

उदाहरण कु, जु तुम मा प्रचार कनु को वरदान च, त तुम तैं पिता परमेश्वर का संदेशों तैं प्रचार कन चयणु च, जु तुम मा दुसरा लुखुं की मदद कनु को वरदान च, त यु वे सामर्थ का दगड़ी कैरा जु पिता परमेश्वर तुम तैं दींद। त फिर जु कुछ भि तुम करला उ यीशु मसीह का द्वारा पिता परमेश्वर तैं महिमा दयालो। सैरी महिमा अर सामर्थ हमेशा-हमेशा कु पिता परमेश्वर की ही हो! आमीन।