इफिसुस 1:17 - गढवली नयो नियम

¹⁷ मि प्रार्थना करदु छों, कि पिता परमेश्वर हमारा प्रभु यीशु मसीह कु महिमामय बुबा, तुम तैं आत्मा द्या जु तैं बुद्धिमान बंणै दयालो अर परमेश्वर तुम पर प्रकट करलो कि तुम वे तैं अच्छो के जांणि सका।

Garhwali

¹⁷ हमरा प्रभु यीशु मसीह को पिता परमेस्वर जु कि सबसे महान च, उ तुमतै ऊं बातों तैं समझणे की अकल द्‍यो जु कि उ परगट करदु, ताकि तुमतै वेका भेदों तैं बिंगण को सच्‍चु ज्ञान मिली सैको।

इफिसुस 1:17 Referans Kwoze

2 पतरस 1:3

पिता परमेश्वर ल अपड़ी सामर्थ का द्वारा हम तैं उ सब द्ये जु हम तैं एक ईश्वरीय जीवन जींणु कु चयणी च जु पिता परमेश्वर तैं खुश करदी। यु संभव च किलैकि हम पिता परमेश्वर तैं जंणदा छा अर उ, उन ही च जैल हम तैं अपड़ी महिमा अर नैतिक अच्छै का द्वारा अपड़ा लोग हूंणु कु बुलै।

2 पतरस 3:18

बल्कि इन कै जीवन बिता कि तुम हमारा उद्धारकर्ता यीशु मसीह का प्रति और जादा से जादा कृपा का रूप मा काम कैरी अर यु कि तुम वे तैं और जादा बढ़िया ढंग से जांण साका। पिता परमेश्वर की महिमा अब अर हमेशा तक हूंदी रौ। आमीन।

इफिसुस 1:3

हमारो परमेश्वर अर प्रभु यीशु मसीह कु बुबा कु धन्यवाद हो कि जैल हम तैं मसीह का द्वारा स्वर्ग बट्टी मिलण वलि, सभि किस्मै कि आत्मिक आशीष दिंयि च अर यु मसीह दगड़ी हमारी एकता का कारण हूंयुं च।

यूहन्ना 17:3

अनन्त जीवन यु च की लोग त्वे तैं पैछणदो बल्कि भस एकमात्र सच्चो परमेश्वर तैं, अर यु की उ मि तैं जंणदु पैछणदो, बल्कि, यीशु मसीह तैं जै तैं तिल भेजि।

मत्ती 11:27

“मेरा बुबा ल मि तैं सब कुछ दियुं च अर बुबा का बगैर कुई नौंना तैं नि जंणदु अर न ही कुई बुबा तैं जंणदु च भस नौंनो ही बुबा तैं जंणदु च अर जौं लुखुं तैं नौंनो चुणदो च उ लोग ही बुबा तैं जंणदु च।”

1 कुरिन्थि 2:10

पर पिता परमेश्वर ल ऊं तैं अपड़ी पवित्र आत्मा का द्वारा हम प्रेरितों पर प्रगट कैरी, किलैकि पवित्र आत्मा बट्टी कुछ भि छिपयूं नि च, उ हर बातों तैं जंणदु च, इख तक की पिता परमेश्वर का भेद कि बातों तैं भि जंणदु, जु अभि तक मनिख्युं तैं पता नि च।

इफिसुस 3:5

जु पिछली बात छै, परमेश्वर ल लुखुं तैं यु भेद प्रगट नि कैरी छों, जन अब आत्मा का द्वारा पवित्र अब वेका अपड़ा पवित्र प्रेरितों तैं अर परमेश्वर का तरपां बट्टी बुल्ण वलो तैं शुभ संदेश कु खुलासा करयुं च।

यूहन्ना 20:17

यीशु ल वीं कु बोलि, मेरा खुट्टों मा लिपटै कै मि तैं नि रोक किलैकि मि अब तक बुबा मा मथि नि गौं पर विश्वासी भयों मा बोलि दे कि मि अपड़ा बुबा अर तुमारा बुबा अर अपड़ा परमेश्वर अर तुमारा परमेश्वर मा मथि जांणु छौं।

खास चेलों 6:10

पर वेल जु कुछ भि बोलि, उ वेको कुछ जवाब नि दे साकी किलैकि पवित्र आत्मा ल वे तैं बड़ी बुद्धिमानी से बुल्ण मा मदद कैरी।

मत्ती 6:13

अर हम तैं अजमैश मा नि लौ पर दुष्ट शैतान बट्टी बचौ किलैकि राज्य, अर पराक्रम अर महिमा सदनी तेरी च। आमीन।

यूहन्ना 14:26

पर मददगार यानि पवित्र आत्मा जै तैं बुबा मेरा अधिकार का दगड़ी भेजलो पवित्र आत्मा तुम तैं सभि बात सिखालो अर जु कुछ मिल तुम मा बोलि जांणा सब तुम तैं याद दिलालो।

2 कुरिन्थि 12:1

जबकि घमण्ड कन त मि कु ठिक नि च, फिर भि कन पुड़दो; पर मि प्रभु का दियां दर्शनों अर प्रकशनों की बात करुलु।

लूका 21:15

किलैकि मि तुम तैं इना बोल, अर बुद्धि दयुलु, कि तुमारा विरोधी सामना खंडन नि कैरी सकला।

1 कुरिन्थि 12:8

पवित्र आत्मा एक मनिख तैं बुद्धि का द्वारा संदेश बुल्णु कु वरदान दींद, अर ऊई पवित्र आत्मा दुसरा मनिख तैं ज्ञान का द्वारा संदेश बुल्णु कु वरदान दींद।

1 कुरिन्थि 2:8

पिता परमेश्वर की योजना तैं ईं दुनिया का राज्यपालों ल भि नि समझी, किलैकि जु उ जंणदा त प्रतापमय प्रभु यीशु तैं सूली पर नि चड़ांदा।

रोमियों 15:6

कि तुम सभि एक दगड़ी मिली कै, हमारा प्रभु मसीह यीशु को पिता परमेश्वर की बढ़ै कैरा।

यूहन्ना 16:3

इन ऊंल इलै कन किलैकि न पिता परमेश्वर तैं जांणि अर न मि तैं जंणदा छा।

यूहन्ना 14:17

या पवित्र आत्मा च जु सैरा सचै मा अगवै करदु च जै तैं दुनिया अपणे नि सकद किलैकि उ न वे तैं दिखदु च अर न वे तैं जंणदु च तुम वे तैं जंणदा छा किलैकि उ तुमारा दगड़ा रौंदो च अर उ तुम मा होलो।

मत्ती 16:17

यीशु ल वे तैं जवाब दींनि, “हे शमौन पतरस योना का नौंना तु धन्य छै किलैकि न मांस अर न ल्वे ल पर मेरा बुबा ल जु स्वर्ग मा च वेल य बात त्वे पर प्रगट कैरी।”

मत्ती 11:25

वे बगत यीशु ल बोलि, हे पिता आसमान अर धरती का प्रभु मि तेरु धन्यवाद करदु कि तिल यूं बातों तैं ज्ञानियों अर समझदार लुखुं बट्टी छिपै के रखि अर जु लोग साधारण लुखुं का जन छिनी ऊं पर प्रगट कैरी।

दिब्य दरस 7:12

“आमीन, हमारा पिता परमेश्वर, हम हमेशा तेरी महिमा अर स्तुति करदा, त्वे तैं धन्यवाद अर सम्मान दींदयां! हम मणदा छा कि तू सम्पूर्ण रीति से ज्ञानवान छै, अर सामर्थी छै, जु हमेशा कु सभि कामों तैं कन मा योग्य च, आमीन।”

तीतुस 1:1

या चिट्ठी पौलुस कि तरपां बट्टी च, मि पिता परमेश्वर कु सेवक अर यीशु मसीह कु प्रेरित छो, मि तैं पिता परमेश्वर का चुणयां लुखुं का विश्वास तैं मजबूत कनु कु अर ऊं तैं यीशु मसीह की सच्ची शिक्षाओं तैं जनण मा मदद कनु कु चुणै गै, कि उ इन जीवन जियां जु पिता परमेश्वर तैं खुश करदो।

याकूब 2:1

हे मेरा विश्वासी भयों, तुम हमारा महिमामय प्रभु यीशु मसीह का शिष्य छा, इलै आपस मा भेदभाव नि रखा।

1 कुरिन्थि 14:6

इलै हे मेरा विश्वासी भयों, जु मि तुम मा ऐ के अन्य भाषा मा बात कैरू, त मि तैं तुम बट्टी क्य फैदा होलो? पर जु मि तुम कु उ वचन द्यो जु पिता परमेश्वर ल मि तैं द्ये, यु सचो ज्ञान, या भविष्यवाणी अर शिक्षा प्रदान कैरी, त मेरा बुल्ण से तुम तैं क्य फैदा होलो?

लूका 12:12

किलैकि पवित्र आत्मा वे बगत तुम तैं सिखालो की तुम तैं क्य बुल्ण चयणु च।

लूका 2:14

सबसे ऊंचो, “स्वर्ग मा परमेश्वर की बड़ै अर धरती मा ऊं मनिख्युं मा जौं बट्टी उ खुश च शान्ति हो।”

2 तीमुथियुस 2:25

उ विरोधियों तैं नम्रता से समझौ, क्य पता पिता परमेश्वर ऊं तैं पश्चताप कनु को मन द्यो, कि उ भि मसीह का बारा मा सचै तैं जनण को मौका दे।

रोमियों 1:28

किलैकि ऊंल पिता परमेश्वर का ज्ञान तैं बणयूं रखण ठिक नि समझी, त परमेश्वर ल भि उ सभि अनुचित काम कनु कु ऊं तैं ऊंका निकम्मा मन का वश मा छोड़ी येले।

खास चेलों 7:2

वेल बोलि, “हे विश्वासी भयों, अर पुरणों सूंणा। हमारा पूर्वज अब्राहम तैं वेका हारान नगर मा ए के बसण से पैली, जब उ मेसोपोटामिया प्रदेश मा छो; तब तेजोमय पिता परमेश्वर ल वे तैं अपड़ी महिमा को दर्शन द्ये”

इफिसुस 4:13

यु तब तक जारी रालो जब तक कि हम अपड़ा विश्वास अर परमेश्वर का नौंना का बारा मा अपड़ी समझ मा एकजुट नि हवे जांदा। तब हम पक्का हवे जौला, जन मसीह च, अर हम पूरी रीति ल वेका समान हवे जौला।

फिलिप्पी 3:15

हम सभि जु आत्मिक रूप मा मजबूत विश्वासी मसीह पर विश्वास करदा, उ इन ही सोच अर जु कैं बात मा और कुछ सोच त पिता परमेश्वर वे तैं भि तुम पर प्रगट कैरी द्यायालु।

मत्ती 20:33

अंधों ल यीशु मा बोलि “तु क्य चाँदि कि मि त्वे कु कैर” अंधा ल वेको बोलि “हे प्रभु यु कि मि दिखण लगि जौं।”