इफिसुस 1:10 - गढवली नयो नियम

¹⁰ जब ईं योजना कु पूरो कन कु बगत ऐ गै, त पिता परमेश्वर आसमान अर धरती कि सभि चीजों तैं मसीह का अधीन रालो, कि मसीह सभि चीजों कु मुखिया हो।

Garhwali

¹⁰ अर जब ईं योजना तैं पूरु करण को बगत आलु, तब पिता परमेस्वर स्वर्ग अर धरती की सब चीजों तैं यीशु मसीह का सुपुर्द कैरी द्‍यालु, अर फिर यीशु सब चीजों को मुखिया होलु।

इफिसुस 1:10 Referans Kwoze

कुलुसी 1:20

पिता परमेश्वर ल अपड़ा नौंना हमारा प्रभु यीशु तैं भेजि, जैल सूली पर मोरि के अपड़ो ल्वे बुगै। पिता परमेश्वर अपड़ा अर उ सब चीजों को अफ दगड़ी मेल मिलाप करवै, चै उ चीज धरती पर कि हो या चै आसमान पर कि हो।

गलातियों 4:4

पर जब उ बगत आलो ज्यां कि योजना पिता परमेश्वर ल बंणै छै, त पिता परमेश्वर ल खुद अपड़ा नौंना तैं ईं दुनिया मा भेजि, अर जनन ल वे तैं पैदा कैरी, अर उ एक यहूदी का रूप मा पैदा हवे अर व्यवस्था का अनुसरण करदी रै।

मरकुस 1:15

अर बोलि, “बगत पूरो हवे गै, अर परमेश्वर को राज्य नजदीक ऐ गै मन फिरावा अर शुभ सन्देश पर विश्वास कैरा।”

इब्रानी 1:2

पर यूं आखरी दिनों मा हम बट्टी अपड़ा नौंना का द्वारा बात कैरी। पिता परमेश्वर ल अपड़ा नौंना का द्वारा सैरी दुनिया की रचना कैरी अर सैरी सृष्टि कु वारिस ठैरे।

कुलुसी 1:16

किलैकि यु उ ही मसीह च जैल सब कुछ बनौण बगत पिता परमेश्वर का दगड़ा काम कैरी, उ आसमान कि हूंनु या फिर धरती की हूंनु, देखि चीज हूंनु या फिर नि देखि चीज, क्य राजा, क्य प्रभुता, क्य प्रधानता, अर क्य अधिकार, सैरी चीज वेका ही द्वारा अर वेको ही रचे गैनी।

1 पतरस 1:20

ईं दुनिया का बणये जांण से पैली, पिता परमेश्वर ल पैली यु निर्धारित कैरेले छो कि यीशु मसीह छुड़ौण वलो होलो। पर उ तुम्हरी मदद कनु कु यूं अंतिम दिनों मा ईं दुनिया मा प्रगट हवे।

इफिसुस 3:15

पिता परमेश्वर वीं च जु स्वर्ग अर धरती पर, हरेक कुटम्ब कु अस्तित्व हूंणो कु कारण बणद,

दिब्य दरस 5:9

अर उ यु एक नया गीत गांण लगि गै, तू ईं किताब (चाम्रपत्र) की मुहरों तैं तुडण अर यु तैं खुलणां का योग्य छै; ऊंल त्वे तैं बलिदान कैरी अर अपड़ी मौत का ल्वे ल तू हर गोत्र, भाषा, लोग अर जाति, राष्ट्र ल पिता परमेश्वर कु लुखुं तैं खरीद के छुड़ै दीलि।

इफिसुस 1:22

अर पिता परमेश्वर ल सभि चीजों तैं मसीह का अधिकार का अधीन कैरी दये, अर उ वीं च, जै तैं परमेश्वर सभि विश्वास कन वलो की मण्डलि पर अगुवा का रूप मा नियुक्त करद

1 कुरिन्थि 11:3

पर मि चांदु, कि तुम यु जणिल्यो, कि हर आदिम कु मुंड मसीह च, अर एक जनन कु मुंड वेको आदिम च, अर मसीह कु मुंड पिता परमेश्वर च।

इब्रानी 11:40

किलैकि पिता परमेश्वर मा भस ऊंकु, बल्कि हम कु भि एक बढ़िया योजना च; पिता परमेश्वर ऊं तैं भस हम दगड़ी मिल के ही सिद्ध बनांण चांद।

कुलुसी 3:11

इलै अब न त कुई यूनानी अन्यजाति रै, न यहूदि, न खतना कन वलो, अर न उ जै को खतना नि हुयुं हो, न जंगली, न असभ्य, अर न गुलाम, अर न स्वतंत्र, पर मसीह ही सब मा महान च, अर उ अपड़ा सभि लुखुं मा रौंदो।

इफिसुस 2:15

सूली पर मसीह कि मृत्यु का कारण, वेल मूसा कि व्यवस्था की पूरी रीति तैं खत्म कैरी दींनि। इन कन मा मसीह कु लक्ष्य द्वी अलग-अलग झुण्ड बट्टी एक नयो झुण्ड बनांणु कु छों जु वे बट्टी जुड़यूं छों,

1 कुरिन्थि 10:11

पर यु सब बात, जु ऊंल दगड़ी हवे, ऊं तैं चितांण की रीति पर हवे छै; अर उ हम तैं चितांण कु जु ईं दुनिया का अंत का बगत मा रौंणा छिनी लिखै गैनी।

मत्ती 25:32

अर सब जातियों का लोग मेरा संमणी कठ्ठा करे जालि अर जन बकरोलु ढिबरा तैं बकरुं बट्टी अलग कैरी दींदु उन ही उ, ऊं तैं एक हैंका बट्टी अलग करलो।

इब्रानी 9:10

किलैकि व पुरणी व्यवस्था भस यूं बातों पर जुड़ीं छै मतलब य कि एक आदिम तैं क्य खांण-पीण चयणु च अर दुसरा शुद्धिकरण का बारा मा; या विधि जैको कै भि आदिम बट्टी कुछ भि लींण-दींण नि च; यु तैं तब तक अभ्यास मा रखै गयै जब तक कि एक बढ़िया व्यवस्था नि बंणि जौं।

इफिसुस 3:2

निश्चित रूप ल तुम ल सुणयूं च, कि परमेश्वर ल अपड़ा अनुग्रह बट्टी तुम तैं शुभ संदेश कु प्रचार कने की जिम्मेदारी मि तैं द्ये, जै तैं तुम ल सूंणि।