कुलुसी 4:2 - गढवली नयो नियम

² चौकस हवे के प्रार्थना मा लगयां रावा अर हमेशा पिता परमेश्वर कु धन्यवाद करदी रावा।

Garhwali

² हे मेरा भै-बैंणो, चौकस रा, अर प्रार्थना करण मा लग्यां रा, अर हरेक बात मा प्रभु को धन्यवाद द्‍या।

कुलुसी 4:2 Referans Kwoze

फिलिप्पी 4:6

कैं भि बात कि चिंता नि कैरा; पर हर एक स्थिति मा प्रार्थना अर बिनती ल धन्यवाद का दगड़ा मा पिता परमेश्वर का संमणी रखे जौनु।

इफिसुस 6:18

अर हर बगत अर हर प्रकार बट्टी जन पवित्र आत्मा अगवै करदु, प्रार्थना अर बिनती कना रावा, अर बिंज्यां रावा कि सभि पवित्र लुखुं कु हमेशा बिनती किया कैरा,

रोमियों 12:12

हम मा जु आस च वे कारण खुशी मनावा; क्लेश मा धीरज रखा; अर प्रार्थना करदी रावा।

मत्ती 26:41

बिज्यां रावा अर पिता परमेश्वर बट्टी प्रार्थना करदी रावा कि तुम अजमैश मा नि पोड़ा आत्मा त तैयार च पर देह कमजोर च।

लूका 18:1

यीशु ल अपड़ा चेलों मा बोलि, यांका बारा मा कि सदनी परमेश्वर बट्टी प्रार्थना कन, अर हिम्मत नि छोड़ण चयणी च इलै वेल यु मिसाल दींनि,

लूका 21:36

इलै बिज्यां रावा अर हर बगत परमेश्वर बट्टी प्रार्थना कना रावा कि तुम यूं आंण वली बातों, घटनाओं मा बट्टी बचणु कु तागत पांदा, अर मि मनिख कु नौंनो का संमणी खड़ो हूंण लैख बंणि जैला।

1 पतरस 4:7

सभि बातों कु अन्त तुरंत हूंण वलो च; इलै स्पष्ट रूप से सोचा अर अपड़ा आप तैं काबू मा रखि के प्रार्थना कु चौकस रा।

कुलुसी 1:9

इलै जै दिन बट्टी हम ल यु सूंणि, त हम भि तुम कु प्रार्थना कना छा कि पिता परमेश्वर को आत्मा तुम तैं ज्ञान अर समझ द्यो कि तुम वेकी इच्छा तैं पूरा ढंग से समझी साका।

मरकुस 13:33

देखा बिज्यां रावा अर पिता परमेश्वर बट्टी प्रार्थना करदी रावा किलैकि तुम नि जंणदयां कि उ बगत कब आलो जब मि वापिस औलु।

कुलुसी 3:17

जु कुछ भि तुम बुल्दा या काम करदां, उ सब प्रभु यीशु मसीह का नौं से कैरा अर वेका द्वारा पिता परमेश्वर कु धन्यवाद कैरा।

कुलुसी 2:7

जन एक डालो धरती मा जड़ पखड़दो अर एक घौर बुनियाद पर मजबूत रौंदो उन ही तुम अपड़ा विश्वास मा मजबूत हूंदी जावा, अर हमेशा वेमा बढ़दी जावा, जन तुम तैं सिखै छो अर जादा से जादा धन्यवाद करदी रावा।

कुलुसी 4:12

इपफ्रास जु तुम्हरी ही जगह कु च, अर मसीह यीशु कु सेवक च, उ तुम कु प्रणाम बुल्णु च, अर हमेशा तुम कु मन लगै के प्रार्थनाओं मा लग्युं रौंद, कि पिता परमेश्वर तुम तैं मजबूत अर सिद्ध कैरो अर तुम पूरा विश्वास का दगड़ी पिता परमेश्वर की इच्छा तैं पूरो कनु रौ।

कुलुसी 3:15

उ शान्ति जु मसीह दींद तुमारा मनों मा राज्य कैर, किलैकि तुम सभि एक ही देह का अंग छा अर इलै तुम तैं एक दुसरा का दगड़ा शान्ति अर हमेशा पिता परमेश्वर कु धन्यवाद करदी रावा ज्यांकु तुम बुलयां ग्यां छा।

खास चेलों 1:14

यु सभि जनन जु उख छै जौं ल यीशु की मदद कैरी छै, अर यीशु की ब्वे मरियम अर यीशु का भैय प्रेरित का दगड़ा अक्सर एकटक पिता परमेश्वर बट्टी प्रार्थना कन मा लगयां छा।