कुलुसी 3:11 - गढवली नयो नियम

¹¹ इलै अब न त कुई यूनानी अन्यजाति रै, न यहूदि, न खतना कन वलो, अर न उ जै को खतना नि हुयुं हो, न जंगली, न असभ्य, अर न गुलाम, अर न स्वतंत्र, पर मसीह ही सब मा महान च, अर उ अपड़ा सभि लुखुं मा रौंदो।

Garhwali

¹¹ अर अब ये नया जीवन मा सब बिस्वासी लोग एक ही जन छिन, अब चै ऊ यहूदी जाति का छिन या वु लोग जु यहूदी जाति का नि छिन, अब चै वु जंगळि लोग छिन या कुई गवाँर, अब चै वु नौकर छिन या आजाद, कुई फर्क नि पोड़दु किलैकि सब कुछ यीशु मसीह मा च अर वे खुणि ही च।

कुलुसी 3:11 Referans Kwoze

1 कुरिन्थि 12:13

किलैकि हम सभियूं मा क्य यहूदी, क्य यूनानी अन्यजाति, क्य दास, क्य स्वतंत्र एक ही आत्मा का द्वारा एक देह हूंणो कु बपतिस्मा ल्या, हम सभियूं ल वीं पवित्र आत्मा पै जै तैं हम सभि एक ही कटोरा बट्टी अंगूरों कु रस पिंदयां।

रोमियों 10:12

यहूदियों अर यूनानी अन्यजाति लुखुं मा कुई फर्क नि च, इलै की पिता परमेश्वर ऊं सभियूं कु प्रभु च; अर जु वे बट्टी प्रार्थना करदींनि ऊंकु दयालु भि च।

इफिसुस 3:6

यु परमेश्वर कि योजना च कि यीशु मसीह का शुभ सन्देश का दगड़ी हमारो जुड़णों कु कारण अन्यजाति, यहूदियों का जन उ ही आशीषों तैं पाला, अर उ अब एक देह मा कठ्ठा मण्डलि च, कि पिता परमेश्वर का करयां वादा मा हकदार हो।

इफिसुस 1:23

हम विश्वासी मसीह का देह का अंगों का जन छा, मण्डलि मसीह का द्वारा भुरीं च, जु सभि जगह हरेक चीज तैं अपड़ी उपस्थिति बट्टी भोरि दींद।

रोमियों 3:29

किलैकि पिता परमेश्वर भस यहूदियों कु ही परमेश्वर नि च, बल्कि उ अन्यजातियों कु भि परमेश्वर च।

गलातियों 5:6

जु तुम मसीह यीशु का चेला छा त ईं बात से कुछ फर्क नि पुड़दो कि तुम्हरो खतना हुयुं च या न, पर खास बात य च कि हम मसीह पर विश्वास करदां अर पिता परमेश्वर अर और लुखुं का प्रति प्रेम करदां।

यूहन्ना 17:23

मि ऊंमा अर तु मि मा कि उ सिद्ध हवे की एक हवे जौं अर दुनिया जांणु कि तिल मि तैं भेजि छो, अर जन तिल मि बट्टी प्रेम रखि, उन ही ऊं बट्टी प्रेम रखयां।

गलातियों 2:20

मि मसीह का दगड़ी सूली पर चड़ैये ग्यों अर मि नि रौं जु अब भि ज्यूंदों च, बल्कि उ मसीह च जु मि मा ज्यूंणु च। अर जन के मि ज्यूंणु छों अब मि पिता परमेश्वर का नौंना पर विश्वास कैरी कै ज्यूँदो छौं, जु मि बट्टी इथग प्रेम करदो कि वेल मेरा खातिर अपड़ी जान दे दींनि।

1 कुरिन्थि 7:19

कै कु खतना हवे या नि हवे यां बट्टी कुई फर्क नि पुड़दो, पर पिता परमेश्वर की आज्ञाओं तैं मनणु भौत जरूरी च।

खास चेलों 15:17

इलै सभि अन्य-जातियों का लोग, जौं तैं मिल अपड़ा लोग हूंण कु बुल्यां छा प्रभु तैं खुज्यां

कुलुसी 2:10

मसीह हरेक शक्ति अर अधिकार मा प्रधान च। इलै जु तुम मसीह मा छा, त तुम तैं कै भि बात की घटि नि च।

रोमियों 1:14

मेरी जिम्मेदारी सभि लुखुं तैं शुभ संदेश सुनांणै कि च, चै उ यूनानी अन्यजाति भाषा जनण वला हो या नि जनण वला हो अर चै समझदार हो या न समझ हो।

यूहन्ना 15:5

मि अंगूरों कि लगुली छौं अर तुम फौंकि छा जु मि मा बणयुं रौंदु अर मि वेमा उ भौत फल से फलदो किलैकि मि बट्टी अलग हवे के तुम कुछ भि नि कैरी सकद्यां।

खास चेलों 28:4

जब उख लुखुं ल वेका हथ पर गुरो (जानवर) लिपटयुं देखि त ऊंल एक हैंका बट्टी बोलि, “जरूर यु आदिम खूनि च हलांकि यु समुद्र बट्टी बचि के ऐ गै पर हमारी न्याय की देवी बट्टी नि बचि सकद।”

खास चेलों 28:2

उख लुखुं ल हम पर बड़ी कृपा कैरी, बरखा लगिं छै अर जडो लगणु छो इलै ऊंल आग जगै के हमारो प्रेम का दगड़ी स्वागत कैरी।

यूहन्ना 14:23

यीशु ल वे तैं जवाब दींनि, “मि अफ तैं इन लुखुं तैं दिखांदु जु मि तैं प्रेम करदींनि अर जु मेरी शिक्षा कु पालन करदींनि अर हम औला अर वेका दगड़ी रोला।

2 यूहन्ना 1:9

उ लोग जु सच्ची शिक्षा बट्टी भटकी जांद, अर मसीह की शिक्षा तैं नि मणदींनि, उ पिता परमेश्वर का दगड़ी संगति मा नि च। जु कुई मसीह की शिक्षा तैं मणदो उ पिता परमेश्वर का दगड़ी अर वेका नौंना यीशु मसीह का दगड़ी संगति मा च।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।

इफिसुस 6:8

किलैकि तुम जंणदा छा, कि जु कुई जन अच्छा काम करलो, चाहे दास हो, चाहे स्वतंत्र आदिम हो, त प्रभु बट्टी वेको प्रतिफल पालो।

इफिसुस 3:17

अर विश्वास का द्वारा मसीह तुमारा मनों मा ज्यूंदों रो जन तुम वे पर विश्वास रखिला, कि तुम प्रेम मा मजबूत बणदी जावा, जु तुम तैं लमडण बट्टी बचांदु।

1 कुरिन्थि 14:11

जु हम वे भाषा तैं नि समझदा जु दुसरा बुल्णा छिनी, त उ इन होला माना कि उ हम कु विदेशी छिनी, अर हम ऊंकु विदेशी होला।

रोमियों 3:22

मतलब हम परमेश्वर का द्वारा धर्मी बंणये जंदींयां जब हम यीशु मसीह पर विश्वास करद्यां। किलैकि सभि लोग एक जन छिनी, अर कुछ भेद नि च;

इफिसुस 2:14

मसीह ल अफ ही हमारा बीच शान्ति स्थापित कैरी। पिछला बगत मा उ इन छा, एक दीवार ल यहूदियों अर अन्यजातियों तैं अलग कैरी दये छों, उ एक दुसरा बट्टी नफरत करदा छा, पर मसीह ल वीं दीवार तैं गिरै द्यां अर द्वी झुण्ड तैं एक कैरी दये।

इफिसुस 2:15

सूली पर मसीह कि मृत्यु का कारण, वेल मूसा कि व्यवस्था की पूरी रीति तैं खत्म कैरी दींनि। इन कन मा मसीह कु लक्ष्य द्वी अलग-अलग झुण्ड बट्टी एक नयो झुण्ड बनांणु कु छों जु वे बट्टी जुड़यूं छों,