कुलुसी 3:10 - गढवली नयो नियम

¹⁰ अर अब तुम नया आदिम बंणि ग्यां यु नयो स्वभाव अपड़ा सृजनहार पिता परमेश्वर का जन जादा से जादा बणदी जांद कि तुम वे तैं और अनुके जांणि सकला।

Garhwali

¹⁰ अर तुमुन नयू जीवन जीण शुरु कैरियाली, जु कि तुमतै नयू बणौन्दि जाणु च अर यू तुमतै वेका जन बणौन्दु जै परमेस्वर न तुमतै बणै। अर यू नयू जीवन ही तुमतै पिता परमेस्वर को सच्‍चु ज्ञान देन्दु।

कुलुसी 3:10 Referans Kwoze

रोमियों 12:2

अर ईं दुनिया का लुखुं का जन नि बंणा; पर अपड़ा सुचणा का ढंग तैं पिता परमेश्वर कु बदली द्या, ज्यां बट्टी तुम परमेश्वर की भलि, अर लुभौण, अर सिद्ध मनसा तैं मालुम करदी रावा।

इफिसुस 2:10

किलैकि हम तैं परमेश्वर ल बंणै गै; अर मसीह यीशु मा भला काम कनु कु हम तैं नया लुखुं का रूप मा बंणै जै तैं पिता परमेश्वर ल पैली ही बट्टी हम कु तैयार कैरी।

कुलुसी 3:12

इलै जबकि पिता परमेश्वर ल तुम तैं अपड़ा पवित्र लोग हूंण कु चुणयूं च, अर तुम बट्टी प्रेम करद, बड़ी कृपा, अर भलै, अर दीनता, अर नम्रता, अर सब्र रखण सीखा।

2 कुरिन्थि 5:17

इलै, जु कुई मसीह पर विश्वास करद त वेको एक नयो अस्तित्व च; पुरणो स्वभाव बीत गै; देखा, उ सभि नयो हवे गै।

कुलुसी 3:14

अर सबसे जरूरी काम जु तुम तैं कन चयणु च उ यूं च कि एक दुसरा बट्टी प्रेम कैरी के तुम पूरा ढंग से कठ्ठा हवे जावा।

1 यूहन्ना 2:5

पर जु कुई पिता परमेश्वर की आज्ञाओं को पालन करदो, वेमा सच मा पिता परमेश्वर को प्रेम पूरो हुयुं च, यु बट्टी ही हम तैं मालुम हून्दो, कि पिता परमेश्वर का दगड़ी हमारो सम्बन्ध च।

रोमियों 13:14

पर प्रभु यीशु मसीह तुम्हरो कवच बंणि जौं, जैका द्वारा तुम्हरी रक्षा हवे साको, अर पापी स्वभाव की इच्छाओं तैं पूरी कने की कोशिश नि कैरा।

1 यूहन्ना 2:3

जु हम पिता परमेश्वर की आज्ञाओं तैं मांणा, त वे बट्टी हम तैं पता लगलो कि हम वे तैं जंणदां छा।

रोमियों 8:29

किलैकि जौं तैं वेल पैली बट्टी ही चुणयली ऊं तैं पैली बट्टी ही ठैराये गै कि वेका नौंना का स्वरूप मा हो कि उ सभि विश्वासी भयों मा पैलो नौंना का जन हवे जौं।

यूहन्ना 17:3

अनन्त जीवन यु च की लोग त्वे तैं पैछणदो बल्कि भस एकमात्र सच्चो परमेश्वर तैं, अर यु की उ मि तैं जंणदु पैछणदो, बल्कि, यीशु मसीह तैं जै तैं तिल भेजि।

दिब्य दरस 21:5

अर जु सिंहासन पर बैठयूं छो, वेल बोलि, “मि सब कुछ नयो कैर दींदु।” फिर वेल बोलि, “लिख ले, किलैकि जु मि बुल्दो तू वे पर विश्वास कैर सकदी कि या बात जरुर ही होली।”

इफिसुस 2:15

सूली पर मसीह कि मृत्यु का कारण, वेल मूसा कि व्यवस्था की पूरी रीति तैं खत्म कैरी दींनि। इन कन मा मसीह कु लक्ष्य द्वी अलग-अलग झुण्ड बट्टी एक नयो झुण्ड बनांणु कु छों जु वे बट्टी जुड़यूं छों,

गलातियों 6:15

किलैकि खतना करौंण अर खतना नि करौंण जरूरी नि च, पर पिता परमेश्वर का पवित्र आत्मा का कामों का द्वारा एक नयो जीवन ज्यूंण जरूरी च।

2 कुरिन्थि 4:6

इलै कि पिता परमेश्वर ल बोलि, “अंधेरा मा बट्टी उज्यलो चमकी” अर पिता परमेश्वर ल उज्यला का जन हमारा मनों मा समझ द्ये, कि हम पिता परमेश्वर की महिमा तैं देख सका जु यीशु मसीह मा प्रगट हूंदी।

2 कुरिन्थि 3:18

हम सब एक शीशा जन पिता परमेश्वर का महिमा का तेज तैं इन मुकूं बट्टी दर्शादा जै पर पर्दा नि पुड़यूँ, त पिता परमेश्वर हम तैं लगातार बढ़यां तेज मा जादा से जादा अफ जन बनांणु च। यु तेज प्रभु बट्टी ही मिल्दा, जु पवित्र आत्मा च।

रोमियों 13:12

ईं बुरी दुनिया मा रौंणो को अब हमारो बगत खत्म हवे गै एक रात का जन जु लगभग खत्म हवे गै, अर उ बगत भि नजीक च जब मसीह वापिस आलो; इलै हम तैं ऊं कामों तैं कन बंद कैरी दींण चयणु च जु अंधकार बट्टी जुड़यूं च; अर हम तैं ऊं हथियारों तैं इस्तेमाल कन चयणु च जौं तैं उज्यला मा इस्तेमाल किये जांद।

इब्रानी 6:6

ऊं तैं फिर से वापिस लांणु कु कुई रस्ता नि च किलैकि ऊंल फिर भटकी जांण; त ऊं तैं मन फिराव कु फिर से नयो बनण बड़ी अनोखी बात च; किलैकि उ अफ पिता परमेश्वर का नौंना तैं दुबरा से सूली पर चढौदींनि अर वे तैं शर्मिंदा करदींनि, ज्यांका कारण दुसरा लोग मसीह कु मजाक बणांदा छा।

रोमियों 6:4

इलै जब हम ल बपतिस्मा लये त हम मोरि ग्यां अर मसीह का दगड़ी दफनये ग्यां, कि जन मसीह पिता परमेश्वर कि महिमा का द्वारा मुर्दों मा बट्टी ज्यूँदो करे गै, उन ही हम एक नया ढंग बट्टी जीवन तैं जियां।

2 कुरिन्थि 4:16

इलै हम हिम्मत नि छुडदियां; जबकि हमारो भैरो कु मनुष्यत्व नाश भि हवे जांद, तब भि हमारी आत्मा हर दिन नई हूंदी जांदी।

फिलेमोन 1:6

मि प्रार्थना करदु की विश्वासियों का दगड़ा मा तेरी जु प्रार्थना की संगति च, व बढ़दी जौं, तेरु उ सभि अच्छी चीजों तैं जनण का द्वारा जु पिता परमेश्वर ल हम तैं दीं च। यु सभि मसीह की बड़ै कु हो।