कुलुसी 2:7 - गढवली नयो नियम

⁷ जन एक डालो धरती मा जड़ पखड़दो अर एक घौर बुनियाद पर मजबूत रौंदो उन ही तुम अपड़ा विश्वास मा मजबूत हूंदी जावा, अर हमेशा वेमा बढ़दी जावा, जन तुम तैं सिखै छो अर जादा से जादा धन्यवाद करदी रावा।

Garhwali

⁷ अर एक डाळा का जन मसीह मा जड़ पकड़दी अर बढदी जा। अर जिं शिक्षा का बारा मा तुमतै सिखये गै, वेका मुताबिक बिस्वास मा मजबूत होन्दी जा। अर हरेक बात मा परमेस्वर को धन्यवाद देणा रा।

कुलुसी 2:7 Referans Kwoze

इफिसुस 3:17

अर विश्वास का द्वारा मसीह तुमारा मनों मा ज्यूंदों रो जन तुम वे पर विश्वास रखिला, कि तुम प्रेम मा मजबूत बणदी जावा, जु तुम तैं लमडण बट्टी बचांदु।

कुलुसी 1:23

पर तुम तैं विश्वास मा एक बुनियाद का जन मजबूत अर पक्को हूंण चयणु अर वीं आस तैं तुम तैं कभी नि छुड़ण चयणु च जु तुम तैं ऊं बट्टी शुभ सन्देश मिली वे ही शुभ संदेश कु प्रचार आसमान का मूड़ी रौंण वला दुनिया का सभि लुखुं तैं बतै गै अर मि पौलुस वेको प्रचार कनु कु सेवक बणु।

2 थिस्सलुनीकी 2:17

मि प्रार्थना करदु कि उ तुम्हरा मनों तैं साहस ल भोरि द्यो अर जु ठिक च वे तैं हमेशा तुम कु मजबूत कैरो।

1 पतरस 5:10

पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।

इफिसुस 5:20

अर जु कुछ हमारा प्रभु यीशु मसीह ल करयूं च, वेका कारण सदनी हमारा पिता परमेश्वर कि सभि बातों कु धन्यवाद कैरा।

रोमियों 16:25

अब जै शुभ सन्देश कु मि प्रचार करदु, मतलब यीशु मसीह का बारा मा प्रचार का अनुसार जु तुम तैं विश्वास मा मजबूत बणांद, वे भेद का प्रकाश का अनुसार जु हमेशा बट्टी छिप्युं रै।

यहूदा 1:24

एकमात्र पिता परमेश्वर ही च जु तुम तैं लमडण बट्टी बचै सकद, अर तुम तैं निर्दोष अर आनन्दित बणै सकद, जब पिता परमेश्वर तुम तैं अपड़ी महिमा मा अपड़ा संमणी खड़ो करद। वेल हम तैं हमारा उद्धारकर्ता प्रभु यीशु मसीह का द्वारा बचै। महिमा, गौरव, सामर्थ अर अधिकार बगत की शुरुआत बट्टी पैली ही वेको ही छो, अब भि वेको ही च, अर हमेशा कु वेको ही रालो। आमीन।

1 कुरिन्थि 15:58

इलै हे विश्वासी भयों, अपड़ा विश्वास मा मजबूत रावा अर गलत शिक्षाओं का द्वारा नि भटका, प्रभु कु जु काम तुम कना छा वेमा हमेशा बढ़णा रावा, अर यु जांणा, कि जु कुछ भि तुम प्रभु कु करीला वेको ईनाम तुम तैं जरुर मिललो।

इब्रानी 13:15

इलै हम यीशु का द्वारा अपड़ा होंठों बट्टी पिता परमेश्वर की स्तुति करदी रां य ही वेको हमारो बलिदान च।

कुलुसी 3:17

जु कुछ भि तुम बुल्दा या काम करदां, उ सब प्रभु यीशु मसीह का नौं से कैरा अर वेका द्वारा पिता परमेश्वर कु धन्यवाद कैरा।

1 थिस्सलुनीकी 5:18

हरेक हालत मा धन्यवाद द्यवा; किलैकि मसीह यीशु मा तुम कु पिता परमेश्वर कि या ही मनसा च।

लूका 6:48

उ वे मनिख का समान च जै ल घौर बनांण का बगत जमीन गैरि कैरी के चट्टान पर नींव डाली अर जब बाड़ ऐ त धारा वे पर लगिनि पर वे तैं हिलै नि सकिनि किलैकि उ पक्को बणयूं छो।

इफिसुस 4:21

जु कुछ तुम ल यीशु मसीह का बारा मा सूंणि अर कुछ हमारा शिक्षकों ल तुम तैं सिखयूं च, उ निश्चित रूप बट्टी मसीह कु सच्चो शुभ संदेश च।

यहूदा 1:20

पर हे विश्वासी भयों, तुम तैं एक-दुसरा की मदद करदी रौंण चयणु च कि ऊं पवित्र सच्चाईयों मा जौं पर तुम विश्वास करदा, एक दुसरा तैं बणै साका। तुम तैं पवित्र आत्मा की सामर्थ बट्टी मार्गदर्शन पै के प्रार्थना कन चयणी च।

2 कुरिन्थि 1:21

पिता परमेश्वर ही च, जु तुम्हरा दगड़ी हम तैं मसीह मा मजबूत करद; पिता परमेश्वर ल हम पर अपड़ी मोहर लगै के बयान का रूप मा अपड़ा आत्मा हमारा हृदय मा रखि के हम तैं अफ कु चुणि।

यहूदा 1:12

जब यु लोग प्रभु का प्रेम तैं याद कैरी के तुम दगड़ी प्रीति भोज मा खांणु खंदींनि, त यु ऊं खतरनाक चट्टानों का जन छिनी जु समुद्र का मूड़ी छिपियां छिनी जु तुम्हरा डुबणों को कारण बंणि सकदींनि। उ ऊं बेशर्म चरवाहों का जन छिनी जु भस अपड़ी ही चिन्ता करदींनि। उ ऊं बादलों का जन छिनी जु धरती पर बरखा करयां बगैर भस गरजणा रौदींनि। उ ह्यूंद का मौसम का डाला जन छिनी जु द्वी तरपां बट्टी मुरयां हूंदींनि, किलैकि उ कुई फल नि दींदिनि अर जौड़ा बट्टी उखड़ जंदींनि।

1 कुरिन्थि 1:8

पिता परमेश्वर तुम तैं अंत तक विश्वास मा मजबूत करलो, कि तुम हमारा प्रभु यीशु मसीह का वापिस लौटणा का दिनों तक निर्दोष ठैरा।

इब्रानी 13:9

भौत किस्म का अर मथि बट्टी थूपियां उपदेशों बट्टी जु तुम तैं गलत रस्ता पर ली जंदींनि नि भरमै जावा, किलैकि तुम्हरा मनों कु यु ठिक च कि उ कृपा का द्वारा मजबूत बणा, खांण-पीण वली चीजों का नियमों कु पालन कन से कुछ फैदा नि हूंद।