कुलुसी 2:13 - गढवली नयो नियम

¹³ अर वेल तुम तैं भि, जु अपड़ा पापों, अर खतना का जन तुम्हरो बुरो स्वभाव कटै नि गै छो, पिता परमेश्वर ल तुम तैं मसीह का दगड़ी ज्यून्दो कैरी अर हमारा सब पापों तैं माफ कैरी।

Garhwali

¹³ अर तुम त अपणा-अपणा पापों की वजै से मुरयां लोगु का जन छा, अर तुमुन खतना का रिवाज तैं पूरु नि कैरी, मगर फिर भि पिता परमेस्वर न तुमतै यीशु मसीह का दगड़ा मा नयू जनम देई, अर तुमरा सब पापों तैं माफ कैरी।

कुलुसी 2:13 Referans Kwoze

इफिसुस 2:1

पैली जब तुम ल मसीह पर विश्वास नि कैरी छों, त इन लगदु छों जन कि पैली बट्टी मोरि गै छा, हम मा उ जीवन नि छों जु पिता परमेश्वर कि तरपां बट्टी मिल्दु छों, किलैकि तुम ल पाप कैरी अर परमेश्वर कि आज्ञाओं तैं नि मांणि।

रोमियों 8:11

अर जु पिता परमेश्वर कु पवित्र आत्मा जैल यीशु तैं मुर्दों मा बट्टी ज्यूँदो कैरी तुम मा बस्युं च; त जैल मसीह तैं मुर्दों मा बट्टी ज्यूँदो कैरी, जु तुम मा बसयूं च उ तुम्हरा नाशवान देह तैं भि अपड़ा आत्मा का द्वारा ज्यूँदो करलो।

2 कुरिन्थि 3:6

जैल हम तैं नई प्रतिज्ञा का सेवक हूंणै की क्षमता द्ये, मूसा की व्यवस्था का सेवक हूंणै की न पर पवित्र आत्मा की; किलैकि मूसा की व्यवस्था तैं नि मनणु कु नतीजा त मौत च, पर पवित्र आत्मा अनन्त जीवन दींद।

इब्रानी 9:14

जरा सोचि के देखा, कि मसीह कु ल्वे हमारा दिलों तैं ऊं कामों बट्टी कथग शुद्ध करलो जु मौत का तरपां लिजांदी, कि हम जीवित पिता परमेश्वर की आराधना कैरी साका; किलैकि हमेशा की आत्मा की सामर्थ का द्वारा, मसीह ल हमारा पापों कु अपड़ा आप तैं एक सिद्ध बलिदान का रूप मा पिता परमेश्वर तैं भेंट का रूप मा चढ़ै।

2 कुरिन्थि 5:19

मतलब कि पिता परमेश्वर सभि लुखुं कु एक इन रस्ता बनांणु च कि जु कुछ भि मसीह ल दुनिया मा हम कु कैरी वेका द्वारा परमेश्वर का दगड़ी मेल मिलाप कैर साका, अर लुखुं का पापों कु भंगार ऊं पर नि लगै अर पिता परमेश्वर ल शान्ति का बारा मा वेका शुभ संदेश तैं बांटणो कु काम हम तैं सौंपी द्ये।

इफिसुस 2:11

इलै याद कैरा, कि तुम जन्म बट्टी अन्यजाति छा अर यहूदी लुखुं यु बोलि के नीच जांणि कि तुम खतना नि करदां, पर ऊंकी या रीति भस ऊं देह पर ही किये जांद,

लूका 15:32

पर अब आनन्द मगन हूंण चयणु च किलैकि तेरु यु भैय जै कु मिल सोचि छो, कि मोरि गै छो पर फिर ज्यूँदो हवे गै हरचि गै छो पर अब मिली गै।

लूका 15:24

किलैकि मेरू यु नौंनो जैका बारा मा सुचदा छा की मोरि गै छो पर अब ज्यूँदो हवे गे: हरचि गै छो, अब मिली गै अर उ अनन्द मनांण लगि गैनी।

याकूब 2:26

जन देह, सांसों बगैर मुरीं च, उन ही विश्वास भि अच्छा कामों का बगैर बेकार च।

इफिसुस 5:14

यु कारण लोग बुल्दींनि, “हे सींण वला बिजि जा अर मुर्दों मा बट्टी ज्यूँदो हवे जा; त मसीह अपड़ो उज्यलो तुम पर चमकालो।”

1 कुरिन्थि 15:45

परमेश्वर का वचन मा लिख्युं च, “इन धरती कु पैलो आदिम, मतलब आदम, जीवित प्राणी बंणि” और आखरी आदिम जु मसीह च, जु अनन्त जीवन दींद।

रोमियों 6:13

अर न अपड़ा देह का अंगों तैं बुरा मकसद कु इस्तेमाल हूंणु कु सुपूर्त नि कैरा, पर अपड़ा आप तैं मुर्दों मा बट्टी ज्यूँदो समझी के अपड़ा जीवन परमेश्वर तैं सौंपी द्यां, अर अपड़ा देह का अंगों तैं धार्मिक मकसद कु इस्तेमाल हूंणु कु अपड़ा जीवनों तैं पूरा ढंग से पिता परमेश्वर तैं सौंपी द्यां।

1 यूहन्ना 2:12

हे नौंनो, मि तुम कु इलै लिखणु छौं, कि यीशु मसीह का नौं बट्टी तुमारा पाप माफ हवेनि।

1 कुरिन्थि 15:36

जु भि यु ढंग का सवालों तैं पुछदो उ मूर्ख च। तुम जंणदा छा कि एक बीज जु धरती मा बुतै जांद, जब तक सैड़ी नि जौं तब तक अंकुरित नि हूंद।

यूहन्ना 5:21

किलैकि जन पिता परमेश्वर मुरयां लुखुं तैं ज्यूँदो करदु च उन ही नौंनो भि जै तैं चांदु ऊं तैं जिलौदु च।

लूका 9:60

यीशु ल वेमा बोलि, “जु लोग आत्मिक रीति बट्टी मुरयां छिन ऊं तैं अपड़ा मुर्दा खडयोण दे पर तु जै के परमेश्वर कि राज्य को शुभ संदेश कु प्रचार सुंणौ।”

इब्रानी 6:1

इलै आवा जु हम तैं सबसे पैली मसीह का बारा मा सिखै गै, ऊं बुनियादी शिक्षाओं तैं दोहरांणा नि रावा, आवा हम मजबूत शिक्षाओं का बारा मा चर्चा कैरा, अर पापमय कामों बट्टी पश्चाताप कना का बारा मा शिक्षाओं तैं जु मौत की तरपां अर पिता परमेश्वर मा विश्वास की तरपां लिजांदी,

1 तीमुथियुस 5:6

उ विधवा जु अपड़ा सैरो बगत सुख-सुविधाओं मा बितांदी, उ एक मुरयां मनिख जन च, जबकि व देह मा ज्यूंदी च, पर आत्मिक रूप मा मोरि गै।

रोमियों 4:17

जन पिता परमेश्वर का वचन मा लिख्युं च, “मिल त्वे तैं भौत सी अन्य-जाति कु पूर्वज ठैरे” परमेश्वर कि नजरों मा अब्राहम हमारो पिता च। वेल वे परमेश्वर पर भरोसो कैरी, जु मुर्दों तैं ज्यून्दों करदो अर ऊं चीजों तैं भि अस्तित्व मा लांदो जै को कुई अस्तित्व ही नि च।

यूहन्ना 6:63

परमेश्वर की आत्मा जु जीवन दींण वली च देह बट्टी कुछ फैदा नीच जु बात मिल तुम बट्टी बुलीं छिनी उ आत्मा च, अर जीवन भि दींद।

याकूब 2:20

पर हे मूर्ख मनिख्युं क्य तू यूं भि नि जणदी, कि अच्छा कामों का बगैर विश्वास बेकार च?

याकूब 2:17

उन ही विश्वास भि, जु भला कामों का दगड़ी नि हो, त वेको विश्वास बेकार च।

1 तीमुथियुस 6:13

मि त्वे तैं इन आज्ञा दींणु छौं, कि पिता परमेश्वर को गवाह बंणि कै, जु हरेक को जीवनदाता च, अर दगड़ा मा मसीह यीशु कु भि गवाह बंणि कै, जैल मजबूत हवे के सच बोलि जब वे तैं पुन्तियुस, पिलातुस का समणी मुकदमा कु लये गै

कुलुसी 2:12

अर वेका ही दगड़ा मा तुम्हरो बपतिस्मा हवे के तुम वे दगड़ी दफनये ग्यां जन मसीह दफनये गै अर वे ही दगड़ी ज्यून्दा भि करे ग्यां, किलैकि तुम ल पिता परमेश्वर कि वीं सामर्थ पर विश्वास कैरी जैल मसीह तैं मुर्दों मा बट्टी ज्यूँदो कैरी।