कुलुसी 1:9 - गढवली नयो नियम

⁹ इलै जै दिन बट्टी हम ल यु सूंणि, त हम भि तुम कु प्रार्थना कना छा कि पिता परमेश्वर को आत्मा तुम तैं ज्ञान अर समझ द्यो कि तुम वेकी इच्छा तैं पूरा ढंग से समझी साका।

Garhwali

⁹ इलै हे मेरा भै-बैंणो, जब बटि हमुन तुमरा बारा मा सुणी, त हम भि तुम लोगु खुणि प्रार्थना कना रौन्द्‍यां। अर हम इन प्रार्थना करद्‍यां, कि तुम लोग पूरा आत्मिक तरीके से परमेस्वर का ज्ञान मा अर वेकी मनसा तैं बिंगण मा भरपूर होन्दी जा।

कुलुसी 1:9 Referans Kwoze

याकूब 3:17

पर जु ज्ञान पिता परमेश्वर बट्टी मिल्द उ पैली त पवित्र हूंदों फिर मिलणसार, मयलदु, अच्छा विचार वलो, दया अर अच्छा कामों बट्टी भूरियूं अर बगैर भेदभाव अर बगैर कपट का हूंदों।

याकूब 1:5

पर जु तुम मा बट्टी कै तैं बुद्धि की कमी-घटि हो, त पिता परमेश्वर बट्टी मांगो, जु बगैर गलती खुज्ज्यां सभियूं तैं भरपूरी बट्टी दींद उ पिता परमेश्वर तुम तैं भि दयालो।

कुलुसी 4:5

हर एक मौका कु अच्छो इस्तेमाल कैरा, यु दिखणु कु कि तुम विश्वासी छा, अर जु लोग यीशु पर विश्वास नि करदींनि वे दगड़ी समझदारी दगड़ी बरतौ कैरा।

1 पतरस 2:15

किलैकि पिता परमेश्वर की य इच्छा च, कि हमारा अच्छा बरतौ का द्वारा, जु लोग पिता परमेश्वर तैं नि जणदींनि, उ अगनैं कु हम पर गलत ढंग से भंगार लगौंण की हिम्मत नि कैरा, किलैकि य बात साफ च की ऊंका झूठा भंगार सच नि च।

2 थिस्सलुनीकी 1:11

इलै हम तुम कु सदनी प्रार्थना भि करदां, कि हमारो पिता परमेश्वर तुम तैं वे जीवन का लैक बणै द्यो जै तैं जींणु कु पिता परमेश्वर ल तुम तैं बुलै भि च। उ अपड़ी सामर्थ का द्वारा तुम्हरो मार्गदर्शन करो कि तुम्हरी सभि भली मनसा पूरी हों अर जु कुछ भि तुम विश्वास बट्टी करदां उ पूरो हो,

1 थिस्सलुनीकी 5:17

सदनी प्रार्थना कन मा लगयां रावा।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।

कुलुसी 3:16

मसीह का वचन तैं, अपड़ा मनों मा पूरा ढंग से बसण द्यावा, पूरा ज्ञान का दगड़ी एक हैंका तैं सिखावा अर चितांणा रावा, अपड़ा मनों मा धन्यवाद का दगड़ी पिता परमेश्वर कु भजन स्तुतिगान अर आत्मिक गीत गावा।

इब्रानी 10:36

अभि तुम तैं धीरज का दगड़ी सौण की जरूरत च; तब तुम पिता परमेश्वर की इच्छा तैं पूरी करला अर तुम तैं उ सभि चीज मिललि जैको पिता परमेश्वर ल वादा कैरी।

फिलेमोन 1:4

मि जब भि त्वे कु प्रार्थना करदु, मि सदनी त्वे कु पिता परमेश्वर कु धन्यवाद करदु।

इफिसुस 6:6

अर यु सभि दिखांणु कु पर ऊं तैं खुश कना का मकसद बट्टी न बल्कि मसीह का सेवक का जन काम कैरा, जु अपड़ा पूरा मन बट्टी उ ही करदींनि जु परमेश्वर चांदु उ कैरा,

रोमियों 12:2

अर ईं दुनिया का लुखुं का जन नि बंणा; पर अपड़ा सुचणा का ढंग तैं पिता परमेश्वर कु बदली द्या, ज्यां बट्टी तुम परमेश्वर की भलि, अर लुभौण, अर सिद्ध मनसा तैं मालुम करदी रावा।

1 थिस्सलुनीकी 1:3

अर जब हम अपड़ा पिता परमेश्वर बट्टी प्रार्थना करदां, तब हम तुम्हरा ऊं कामों तैं याद करद्यां जु तुम विश्वास का कारण करदां अर विश्वासियों की मदद कनु कु जु कड़ी मेहनत करदां किलैकि तुम उ बट्टी प्रेम करद्यां, अर दुखों तैं सौंदयां किलैकि तुम प्रभु यीशु मसीह का वापिस लौटणैं की आस करद्यां।

1 यूहन्ना 2:17

दुनिया अर वेकी सभि अभिलाषा, मिटै जंदींनि, पर जु पिता परमेश्वर की इच्छा का अनुसार चल्दो, उ सदनी बणयुं रालो।

1 पतरस 4:2

यांका बदला, उ आदिम अपड़ो जीवन ईं धरती पर अपड़ो पूरो जीवन अपड़ी पापमय मानवीय इच्छाओं तैं पूरो करदी नि जियो, पर उ व ही करलो जु पिता परमेश्वर चांदो कि उ कैरो।

कुलुसी 4:12

इपफ्रास जु तुम्हरी ही जगह कु च, अर मसीह यीशु कु सेवक च, उ तुम कु प्रणाम बुल्णु च, अर हमेशा तुम कु मन लगै के प्रार्थनाओं मा लग्युं रौंद, कि पिता परमेश्वर तुम तैं मजबूत अर सिद्ध कैरो अर तुम पूरा विश्वास का दगड़ी पिता परमेश्वर की इच्छा तैं पूरो कनु रौ।

कुलुसी 1:6

यु शुभ संदेश पूरी दुनिया मा फैलणु च अर कई लोग विश्वासी बनांण छिनी। यु हर जगह जिन्दगियों तैं बदलणु च, ठिक उन ही जन कि तुम ल पैली बार दया का शुभ संदेश तैं सूंणि छो अर ईं सचै तैं समझी छो कि पिता परमेश्वर ऊं लुखुं का पापों तैं माफ करद जु मसीह पर विश्वास करदींनि।

इफिसुस 5:17

पर यु जनणै कि कोशिश कैरी कै बुद्धिमान बणा कि प्रभु तुम बट्टी कि कन चांणु च अर वे तैं कैरा।

इफिसुस 5:10

जनणै कि कोशिश कैरा कि क्य पिता परमेश्वर तैं खुश करद।

इफिसुस 1:8

जन परमेश्वर ल सैरा बुद्धिमानी अर विवेक मा हम पर बहुतायत बट्टी कैरी।

यूहन्ना 7:17

इलै कुई वेकी इच्छा पर चलण चांदो उ जांणि ल्यो की मेरी शिक्षा परमेश्वर की तरपां बट्टी औंद या मेरा अपड़ा अधिकार बट्टी न, या मेरा अपड़ी तरपां बट्टी नि बुल्द।

1 कुरिन्थि 1:5

किलैकि तुम यीशु मसीह का दगड़ी जुड़यांं छा, पिता परमेश्वर ल तुम तैं बहुत सी बात मा सक्षम बणयूँ च, यांमा वेका शुभ संदेश तैं प्रचार कने की क्षमता अर वेकी आत्मा का द्वारा सब कामों तैं कने की बुद्धि भि शमिल च।

खास चेलों 12:5

जेल मा पतरस तैं बन्द रखै गै, पर विश्वासी लुखुं की मण्डलि पतरस कु ध्यान लगै के पिता परमेश्वर बट्टी प्रार्थना कनी छै।

फिलेमोन 1:6

मि प्रार्थना करदु की विश्वासियों का दगड़ा मा तेरी जु प्रार्थना की संगति च, व बढ़दी जौं, तेरु उ सभि अच्छी चीजों तैं जनण का द्वारा जु पिता परमेश्वर ल हम तैं दीं च। यु सभि मसीह की बड़ै कु हो।